DUKU 17:6 - Yataa 'a Dɔbɛnɛ Nama

⁶ Mbɛ a ɔ, “Ni danaya ɛnden bɛɛ yɔ chin fen kuu dɔma ɛndenɛ, a ni wan wo ɔ Yataa ko a, wo ni kun fan wo ni a fɔ kɔn ba chɛ ye, wo ɔ, a kuu ni bɔ, a ni ta, a ni sɔ yii ɔ. Mbɛ a ma‑a, yɔ wo‑a a fɔ buɛ min dɔ.

DUKU 17:6 ပူးပေါင်းရင်းမြစ်များ

MATIU 14:29

Mbɛ Chisɔsi ɔ, “Na.” Mbɛ Pita bɔ‑a dɛndɛ chɛ ɔ, a bun‑da tachɛ‑a yii chɛ a, ta koe a Chisɔsi tan‑da.

MATIU 17:20

Mbɛ a ɔ an ma, “Danaya a tenden mbe ee wo ɔ Yataa ko a. Chɛ an‑na a ma, wo ma che ni nyina chɛ gbain‑da kaien chɛ fɛ. N ni a ma din wo tena, mbɛ ni danaya ɛnden bɛɛ yɔ chin fen kuu dɔɔma ɛndenɛ wɛɛ, a ma‑a wo ɔ Yataa ko a, ko ɔ ko ee ma‑a nɔ, wo ee che‑a min ma‑a. Wo e kun‑da wan wo ni a fɔ kɔnkɔɛ chɛ ye, wo ɔ, a ni a wandi kuɛn, wo ɔ, a ni ta kaina dɔ mende, mbɛ a kuɛn‑da.”

MATIU 21:21

Mbɛ Chisɔsi ɔ, “N ni a ma din wo tena, wo e koe chɛ ma wan, n‑na min ma ka fiki kɔn chɛ a, ni danaya ma‑a wo ɔ Yataa ko a, mbɛ a sin sika ee wo ɔ. A sin mbe ee danka‑a chɛ dechee an ma. Chɛɛ wo e a fɔ‑a wan kɔnkɔɛ chɛ ma, wo ɔ, a ni kuɛn, a ni ta, a ni si yii wa ɔ, mbɛ a ma‑a, yɔ wo‑a a fɔ buɛ min dɔ.

MAKI 4:31

Ɛ ka wan yɔ chin fen kuu dɔma ɛndenɛ, kamin dɔndɔ na‑a min ya, mbɛ a‑a a chin a 'a yadi ɔ. Chin fen kuu chɛ ni dɔɔ chin fen kuu gbɛɛ ma dunya ɔ.

MAKI 9:23

Mbɛ Chisɔsi ɔ, “N ta bai ma chɛ a, ni n mbe kun fan. Mɔ ɔ mɔ i wɛn mbe i kai fa‑a n na, Yataa ɛ ko ɔ ko chɛ wan i ye.”

DUKU 13:19

Ɛ ka wan yɔ kamin dɔndɔ min‑na chin fen kuu dɔma ɛndenɛ ya, mbɛ a‑a a chin a 'a yadi ɔ. A fɛn‑da, mbɛ a ma‑a kɔn chenama wa a. Mbɛ konde n‑na an nyanɛ sa a bonɛ n dɔ.”

DUKU 17:7

“Mmɔ a ya, mbɛ bɔi denɛ ɛ wo dɔndɔ boo ɔ. Ni a na‑a a ka i 'a fen fɛn tena, chɛ ma, ni a na‑a a ka i 'a sa kun ma fɛn tena, e ee a fɔ a ye, i ɔ, a pɛn ni daunɛ chɛ.

DUKU 19:4

Chɛ fɛ, a ta‑a wan bui a fanka chɛ ya ɔ, mbɛ a sɛ‑a kɔnɛ ɔ, ɛ to kaina a ni Chisɔsi yen ben‑da. An ni kɔn chɛ chee, an dɔ, sikamɔ kɔnɛ.

DUKU 7:13

Mansa Chisɔsi‑a sunkun chɛ yen kɛn, a ma chinchinɛ‑a a bia wan, mbɛ a‑a a fɔ a ye, a ɔ, “Sɛmbɛ di‑a.”

DUKU 7:19

mbɛ a‑a an sɔ Mansa Chisɔsi tena, a ɔ tisa koe a, ni a wan mu mɔɛ chɛ a, a wan Chɔn ni gbonka chɛ tena min na koe a. A ɔ, kɔ an ni chia a fɛn mɔ dɔ mende ya ɔ.

GBOO SAA KƆYINDI KO A 13:2

Chɛ n bɛɛ, n mbe na tena ka miin ma dan‑da, an ni ma wɛɛ n boo ɔ, koadia ni ma n faa ɔ. Gbasaya ni ma n boo ɔ, Yataa da a kuiɛ ɔ yian koe a mɔɛ n na. A ni ma n boo ɔ, koe gbɛɛ mɔ gbu ee kun min dɔ gbɛ koe a, n ni an dɔ gbɛ. A ni ma to n boo ɔ, n ni n kai fa Chisɔsi a gbeden, min mbe che a ma‑a, n ni a fɔ kɔnkɔɛ ma, n dɔ, a ni ka a gba ɔ, mbɛ a kuɛn‑da. Chɛ n gbɛɛ ni ma wɛɛ n boo ɔ, ni koadia ee n faa ɔ, mɔ ma n na.