DUKU 17:2 - Yataa 'a Dɔbɛnɛ Nama

² Ɛ nyan fan a mɔ bonda chɛ ko a, sen kanɛ ni chii a kan na, mbɛ an ni a a dɛ yii wa ɔ. A mɔɛ chɛ e na to a ma‑a, mɔɛ miin dan‑da ka n na sanche, an dɔndɔ wɛɛ ni dɛ ko yama ma ɔ.

DUKU 17:2 ပူးပေါင်းရင်းမြစ်များ

MATIU 17:27

Chɛɛ min mbe a ma, mɔɛ chɛ n faa ma na tɛ mɔ ma, i 'a duinɛ ya, i ni ta Kadidi yii wa chɛ da a, duin na dɛ tena. E nyɛ saa saa min bɔ‑a, a da a ka, e kɔpɔɛ yen‑da wan a da ɔ. A kɔpɔɛ chɛ ɛ kun fan, a ni mɔ fea ma pawa chɛ Yataa 'a kata chɛ ko a. A ya, i ni ta a a, i ni mɔ fea ma pawa chɛ a a.” Mbɛ Pita ta‑a, a‑a a ma yɔ Chisɔsi‑a a fɔ buɛ min dɔ a ye, a ma koe a.

MATIU 18:10

Chisɔsi ɔ te to, “Wo wo kun ma fɛn. Wo ma wo ya a yii n fɛ denɛ den tachɛen bɛɛ ma. N ni a ma din wo tena, mbɛ maeka n mbe wan an boo ɔ banda bu ɔ, tɛɛ ee miin tɛ an bɛ Fa Yataa a.

MATIU 18:14

A chia dɔndɔ gbe chɛ a mu, Fa Yataa wɛɛ, min mbe banda bu ɔ, a ma to ni n fɛ denɛ den tachɛen bɛɛ ni fo kuɔ fɔ fɔɛ a.”

MATIU 26:24

N fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”

MAKI 9:42

Chisɔsi ɔ, “A sin, den mɛsɛ chɛ nu, miin‑na an kai fa ka n na, mɔ ɔ mɔ ma a ma, an ni ko yama ma. Ni mɔ ɔ mɔ‑a chɛ ma, ɛ nyan‑da wan an mɔɛ chɛ ko a, an ni sen fanka ma chii a kanɛ a, an ni a a dɛ yii wa ɔ.

CHƆN 21:15

An ban‑da kɛn daunɛ chɛ‑a, mbɛ Chisɔsi koɔ‑a Saimɔn Pita tena, a ɔ, “Kai Chɔn 'na denɛ Saimɔn, n ko a di wan i ye, i ni ben i bɔɛ chɛ n gbɛɛ ma?” Mbɛ Saimɔn dɔ, “Aa mansa, i‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ a ma, a ɔ, “Mbɛ n fɛ mɔɛ n kun ma fɛn, yɔ an mbe sa denɛ n kun ma fɛn buɛ min dɔ.”

GBOO SAA KƆYINDI KO A 9:15

Chɛɛ chɛ gbɛɛ ɔ, n ma bea nin bɛ tea chɛ dɔndɔ wɛɛ fɛ. N sin mbe ee gboo chɛ nyɛn tena an tea chɛ konde gbain koe an na. Koe min na mu, n mbe ee chia be tena mɔ ɔ mɔ ma, n da tɔn koe a tea yonka chɛ tɛ koe a. A fisa wɛɛ n ni fa.

GBOO SAA KƆYINDI KO A 9:22

Ni n ma‑a wai chɛ‑a mɔɛ chɛ n tɛ ɔ, miin 'na danaya ɔ ma gbɛ, Chisɔsi a, n bɛɛ, n mbe a ma wan yɔ n ta wɛɛ ɔ ma gbɛ. N mbe chɛ ma, n ni an ma sawan Chasi tena. Chɛ ɛ a ɔ yian, mbɛ n mbe mun fan mɔ kan kɔ kan na, mɔɛ kan kɔ kan tena. N mbe chɛ ma, an dɔ n baun koe an na, chia ɔ chia a.