DUKU 17:1 - Yataa 'a Dɔbɛnɛ Nama

¹ Tee dɔndɔ a, Chisɔsi‑a a fɔ wan a fɛ denɛ n ye, a ɔ, “Koe n mbe ma‑a wan, min mbe a ma, mɔ gbu n ni dɛ ko yama ma ɔ. Chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ.

DUKU 17:1 ပူးပေါင်းရင်းမြစ်များ

MATIU 16:23

Chɛɛ Chisɔsi‑a a ya a mun, a ɔ Pita ma, “Ka n fɛ, e ka Sitana 'a wai an chɛ tena. E ee ka basan tena wan n ma. Koe min na mu, mɔ gbu yiinachii an mbe ka i ɔ. Yataa ta yiinachii ma chɛ a.”

MATIU 18:7

A yau gba mɔɛ n ko a dunya ɔ, a mu min na, koe n mbe wan nɔ, miin mbe an na dɛ‑a ko yama ma ɔ. Ko yama gbu n mbe ma wan, chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ.

DUKU 16:31

Chɛɛ Ebeami ɔ, ‘Ni an mbe ee che an too ma sɔ‑a bai chɛ n ma gboo chɛ n dɔ, an mbe ee na‑a che‑a an ni dan a a, ni mɔɛ wɛɛ‑a a kɔɔ sɔ a ka saya ɔ.’ ”

GBOO DOMI KO A 14:13

Chɛ an fɛ mu, mmɔ sɛmbɛ kaa a tɛ koe a, mmɔ bɔ Chisianɛ n bakoe ma, ko yama ma koe ko a. Chɛɛ wo e chɛ an ma. Wo ma koe ma, min mbe a ma, wo bɔɛ n ni ka Yataa 'a chia ma.

GBOO DOMI KO A 16:17

N bɔ Chisianɛ nu, n mbe wo disa tena wo ni wo kun ma fɛn mɔɛ chɛ n boo ɔ. Mɔɛ chɛ nu, miin mbe mɔɛ n dɔ fasan, an mbe sɔnkɔ sɔnkɔɛ a bea an tɛ ɔ. Mɔɛ chɛ nu, miin mbe an bɔɛ n ka tea chia ma. A yɛ to, wo kan‑da ko chɛndɛ miin ma, an mɔɛ chɛ n mbe wo kan ko dɔ gbɛɛ n na, miin mbe ee a chia ma. Wo ma gbɛn an mɔ bonda chɛ n ma.

GBOO SAA KƆYINDI KO A 10:32

Wo ma mɔ ɔ mɔ sɔ chia yama ma, wo 'a fɔɛ ɔ. Wo ma Chu mɔ sɔ a ma, ni chɛ n bɛɛ miin ma Chu mɔ a. Wo gbu ma chɔchi ɔ mɔɛ n sɔ chia yama ma.

GBOO SAA KƆYINDI KO A 11:19

Tɛnɛ ko ma chɛ a n tena. A gbu nyin fan, wo ni ma sɔ ɔ wo nyɔn kanɛ ɔ. Chɛ an mbe a ma‑a, tea ɛ miin boo ɔ, an ma ni gbɛ chɛndɛ chɛ.

GBOO SAA KƆYINDI KO A 8:13

Chɛ an fɛ mu, ni n daun fenɛ an mbe a ma, n suun ma nyɔɛ ɛ ko yama ma, mbɛ n mbe ee soe daun‑da to. Min mbe a ma, n ma na n suun ma nyɔɛ a dɛ ko yama ɔ.

1 TIMOTI 4:1

Chɛɛ Yataa Nyina ɔ, tima ɛ che‑a wan mɔɛ n ni sɛmbɛ dan koe a Chisɔsi Chasi a, mbɛ an bea nyina yama da a kuiɛ fɛ, a basan fania kanɛ a.

KO Ɔ NUNDENƐ 2:14

Chɛɛ n bu ɔ ma di koe dɔ n na, a si wo ma. Mɔɛ dɔ nu wo tɛ ɔ, an mbe bea tena kan chɛ an fɛ, Badaan ɛ min chɛ tena, Badaan min‑na Badaki kan, Isɔɛɛ mɔɛ n na dɛ koe a ko yama ɔ. A‑a a ma wan, an‑na daun fenɛ n daun, miin ni bɔ yasi a fania yataa n tena. Mbɛ a yɛ‑a to, a‑a a ma, an‑na koe tɛ.

KO Ɔ NUNDENƐ 2:20

Chɛɛ n bu ɔ ma di chɛ a, a si wo ma. Wo ee ko ɔ ko ma tena, a si musu chɛ ma, Chɛsibɛɛ musu chɛ, min‑na a wandi ya Yataa 'a gbonka chɛ mɔɛ a. Chɛɛ ɛ kanɛ min chɛ tena, ɛ n 'na mɔɛ n sɔ tena chia yama an ma, an mbe ko yama tɛ‑a, a basan daun fen daunɛ a, min mbe bɔ yasi a fenɛ n tena, an mbe miin ya yataa a.