DUKU 16:9 - Yataa 'a Dɔbɛnɛ Nama

⁹ “Chɛ an‑na a fɔ, n ni a ma din wo tena, mbɛ wo ni wo dia nyɔɛ n yan wo 'a nyan chɛ n dɔ, wo e miin chɛ‑a nɛ dunya chɛ ɔ. Ni wo‑a chɛ ma, wo dia nyɔɛ n mbe ma‑a wan banda bu ɔ, miin mbe an boo a si‑a wo kɔɔ.

DUKU 16:9 ပူးပေါင်းရင်းမြစ်များ

MATIU 19:21

Mbɛ Chisɔsi ɔ, “Ni i ma to ni tɔmbɛ sima wɛɛ ni ma i ma Yataa tena, ta, i ni i boo fenɛ n gbɛɛ ma tachɛ. Mbɛ i‑a a kɔpɔɛ chɛ ya, i‑a a be yɔn tɔɛ n ma. Chɛ‑a a ma wan, i ni nyanɛ ma sɔn banda bu ɔ. Ni i‑a chɛ ma, mbɛ i na‑a i ma‑a n fɛ denɛ a.”

MATIU 6:19

Chisɔsi ɔ, “Wo ma wo 'a nyanɛ a sɔn nɛ dunya chɛ ɔ, chisi n mbe an yɔn kaina min, an mbe kasa‑a kaina. Wo ma a a sɔn kaina, kanka n mbe min te, mbɛ an‑na a kanka.

MATIU 6:24

Chisɔsi ɔ, “Mɔ ɔ mɔ ee che ma‑a wai chɛ mɔɛ a kun ti fea kɔɔ. Ni chɛ ma‑a, dɔndɔɛ ko a ee dia a ye a ni che dɔndɔɛ ɔ. Ɛ kooya be‑a wan dɔndɔɛ ma, a ni ben a bɔɛ ma. Chɛ an fɛ mu, e ee che wai chɛ‑a Yataa ye, mbɛ i‑a wai chɛ kɔpɔɛ wɛɛ ye dɔndɔ a.

DUKU 11:41

Chɛɛ wo wo boo fenɛ n be yɔn tɔɛ n ma, wo faa gbɛɛ a. Ni wo‑a chɛ ma, ko kan kɔ kan wo e min ma‑a, ɛ Yataa faa chima‑a wan.

DUKU 12:33

Wo wo boo fenɛ n ma tachɛ kɔpɔɛ a, mbɛ wo‑a a kɔpɔɛ chɛ n be yɔn tɔɛ n ma. Ni wo‑a chɛ ma, wo e ma‑a ka nyanɛ an na sɔn‑da wo wandi ko a banda bu ɔ. Kɔpɔ sa basachi nu, miin mbe banda bu ɔ, an mbe ee taa, an sin mbe ee pumbɔ. Wo 'a nyan fen chɛ nu banda bu ɔ, an mbe ee ban kuɔ fɔ ko a. Kanka ee che an kanka‑a. Chisi sin mbe ee che an yɔn‑da.

DUKU 14:14

Mɔɛ n fan nɛ, miin mbe ee che i ta wai nyima a yɛ‑a. Chɛɛ ni i‑a chɛ ma, e dua ma sɔn‑da wan. Tima min na, mɔɛ miin tanden ni Yataa tena, an mbe ma‑a an kɔɔ sɔ‑a a ka saya ɔ, Yataa ɛ a tɔnɔnɛ be‑a wan i ma.”

DUKU 16:11

Ni wo ma danaya bɔ ni dunya chɛ ɔ nyanɛ ɔ, mɔ ɔ mɔ ee to‑a nɔ, a ni nyanɛ chɛndɛ konan wo ma.

DUKU 16:13

“Chɛ an‑na a fɔ, mɔ ɔ mɔ ee che ma‑a wai chɛ mɔɛ a kun ti fea kɔɔ. Ni chɛ ma‑a, dɔndɔɛ ko a ee dia a ye a ni che dɔndɔɛ ɔ. Ɛ kooya be‑a wan dɔndɔɛ ma, a ni ben a bɔɛ ma. Chɛ an fɛ mu, e ee che wai chɛ‑a Yataa ye, mbɛ i‑a wai chɛ kɔpɔɛ wɛɛ ye dɔndɔ a.”

DUKU 16:4

A ɔ, ‘N yii puin‑da, n mbe koe min ma tena,’ a ɔ, ‘min mbe a ma,’ a ɔ, ‘ni an‑na n bɔ wai chɛ ɔ,’ a ɔ, ‘n dia nyɔɛ n ni ma.’ A ɔ, ‘N dia nyɔɛ n mbe ma‑a wan,’ a ɔ, ‘miin mbe an boo si‑a n kɔɔ an 'na chenɛ n na.’

CHISƆSI 'A SƆ MƆƐ NU 10:31

Mbɛ a‑a a fɔ, a ɔ, ‘Kɔniyɔsi, Yataa‑a i 'a samunɛ a min. A sin, a‑a a ɔ yen, e boo fenɛ miin be yɔn tɔɛ n ma.

CHISƆSI 'A SƆ MƆƐ NU 10:4

A‑a maeka chɛ ma fɛn fan tidan, a chianden ba ɛ. Mbɛ a‑a a ɔ tisa, a ɔ, “Mansa, fen mu?” Mbɛ maeka chɛ ɔ, “Yataa‑a i 'a samunɛ n na min. A‑a a ɔ yen, e boo fenɛ miin be tena yɔn tɔɛ n ma. A sin, a ma bɛnden mu, a ni i 'a samunɛ a bia.

GBOO FEAN BƆƐ KƆYINDI KO A 4:17

Nn mbe ko gbɛama miin dɔ bia tena ka sanche, ɛndenɛ mu, a sin, an dɔ ee mɛ tena. Chɛ an mbe na‑a kuɔ fɔ tɔnɔnɛ wa an na, min benden mu kaka ko gbɛama chɛ n ma.

CHUDA 1:21

Wo ma bɔ Yataa 'a koadia kɔɔ. Wo chinchimaya chɛ ma kɔn, mmɔ 'a mansa Chisɔsi Chasi ɛ min chɛ‑a, min mbe na‑a kuɔ fɔ fɔɛ a.