DUKU 16:8 - Yataa 'a Dɔbɛnɛ Nama

⁸ “Chɛ gbakɔ, kun ti chɛ‑a wai chɛ mɔ kafaen chɛ tando wan. A nii ma a tando ni a 'a kafaya chɛ an ko a. A na‑a a tando yiinadia chɛ an ko a, a‑a min bɔ. Dunya chɛ ɔ mɔɛ n yii na di kaka tachɛ koe a an nyɔn na, a ni ben Yataa 'a mɔɛ n ma.

DUKU 16:8 ပူးပေါင်းရင်းမြစ်များ

Gboo Saa Tɛsadonika Ko A 5:5

Wo gbɛɛ mu mɔɛ n fan na, miin mbe manɛ kɔɔ, miin mbe an tee chɛ ko a. Mɔɛ nu ma mmɔ a, miin mbe ee manɛ kɔɔ, miin mbe pimbi pimbi ɔ.

Gboo Ɛfisɔsi Ko A 5:8

Koe min na mu, wo ni wan tee pimbi ɔ, chɛɛ sanche gbɛ wo e wan manɛ kɔɔ. Koe min na mu, wo ma‑a mɔ dɔndɔɛ a Mansa Chisɔsi a. A nyin wo tachɛ buɛ ni bɔ mɔɛ n na, miin mbe manɛ kɔɔ.

DUKU 16:10

Ni mɔ ɔ mɔ‑a danaya yian koe ɛndenɛ ɔ, ɛ danaya yian fan ko chenama wɛɛ ɔ. Chɛɛ mɔ ɔ mɔ min ma danaya yian ni koe ɛndenɛ ɔ, a ee che danaya a ko chenama wɛɛ ɔ.

CHƆN 12:36

Chɛ an fɛ mu, wo wo kai fa man chɛ a, tima min na mu wɛ ɛ wo tɛ ɔ. Chɛ ɛ a ma‑a wan, wo ni ma mɔɛ n na, miin mbe manɛ ɔ tima ɔ tima ko a.” Bai chɛ fɔenɛ gbakɔ Chisɔsi boo ɔ, mbɛ a ta‑a, a‑a a wandi ya kɔɔɛ nun an mɔɛ chɛ n ma.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.

DUKU 16:4

A ɔ, ‘N yii puin‑da, n mbe koe min ma tena,’ a ɔ, ‘min mbe a ma,’ a ɔ, ‘ni an‑na n bɔ wai chɛ ɔ,’ a ɔ, ‘n dia nyɔɛ n ni ma.’ A ɔ, ‘N dia nyɔɛ n mbe ma‑a wan,’ a ɔ, ‘miin mbe an boo si‑a n kɔɔ an 'na chenɛ n na.’

DUKU 20:34

Mbɛ Chisɔsi ɔ, “Musu si basan kai sɔnɛ a, ɛ nɛ wan dunya chɛ ɔ,

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

Gboo Fiipai Ko A 3:19

An 'na Yataa mu an 'na dunya ma buɔdia an na. Koe min ma mauen mu, a ma koe a, an mbe yonka tɛ an ma koe a. A sin, an yiima gbɛɛ ɛ dunya ma koe n fan ma. An danka, ɛ ma‑a kasaa an na.

GBOO SAA KƆYINDI KO A 3:18

Mɔ ɔ mɔ ma a wandi woo. Wo dɔndɔ wɛɛ ma a wandi ya yiimatɛ tɔ wa a, dunya chɛ ta chia a. Wo wo wandi woo mɔ a bɔɛ chɛ pɛn, min mbe a ma, wo ni ma yiimatɛ tɔ wa an na, Yataa ta chia a.

DUKU 18:6

Mbɛ Mansa Chisɔsi ɔ te gbɛ, “Wo‑a a a min, chiti yama 'a tɛ mɔɛ chɛ‑a bai min fɔ.

MATIU 17:26

Mbɛ Pita ɔ, “Mɔɛ tɔɛ n fan mbe a be.” Chisɔsi ɔ, “Chɛ nyin fan. Chɛ a ɔ yian fan mbɛ an 'na denɛ n mbe ee pawa chɛ.

MATIU 12:32

N fan, Mɔ Gbu 'a Denɛ, ni mɔ ɔ mɔ‑a n main, Yataa ɛ kun fan a ni a boo bɔ a ɔ. Chɛɛ ni mɔ ɔ mɔ‑a Yataa Nyina main, a ee a boo bɔ‑a a mɔ sima chɛ 'a main chɛ ɔ, dunya chɛ ɔ, a basan dunya nama a, min mbe na tena.

DUKU 16:7

Mbɛ a‑a mɔɛ fean bɔɛ chɛ ɔ tisa, a ɔ, ‘Kuiɛ minan nyɔn sima ɛ i ma?’ Mbɛ a ɔ, ‘Chin fen kuu busɛ wu dɔndɔ an mbe n ma kuiɛ a.’ Mbɛ wai chɛ mɔɛ chɛ ɔ, ‘I 'a kuiɛ gboo yen ko,’ a ɔ, ‘si, i ni a nyɛn yɔ busɛ chɛmɛ sɛi an mbe i ma.’

DUKU 20:35

chɛɛ a ee an dunya nama chɛ ɔ, min mbe na tena. Yataa ɛ mɔɛ miin ya‑a mɔ chɛndɛ n na, an kɔɔ sɔ koe a a ka saya ɔ, an mbe ee musu si‑a, n mbe ee baa an ni kai sɔn.