DUKU 16:2 - Yataa 'a Dɔbɛnɛ Nama

² Chɛ fɛ, a‑a mɔɛ a ta wan wai chɛ mɔɛ chɛ chee‑a. A na‑a kɛn, nyan tɔɛ chɛ‑a a fɔ wan a ye, a ɔ, ‘N‑na koe miin na min, a si i ma, an na ma di n ye.’ A ɔ, ‘Na,’ a ɔ, ‘i ni i konan a si i 'a wai gbɛɛ ma, e min chɛ tee.’ A ɔ, ‘A mu min na,’ a ɔ, ‘e ee che to ma‑a n boo fen kan kɔ kan kun ma.’

DUKU 16:2 ပူးပေါင်းရင်းမြစ်များ

MATIU 12:36

“N sin, n ni a ma din wo tena, mbɛ ni Yataa na‑a tima min na mɔɛ n gbɛɛ gbɛmbo koe a, a tima chɛ a, mɔ ɔ mɔ‑a a ɔ yian‑da wan, fen‑na a ma, a ni bai faun faunɛ n sa.

MATIU 20:8

“Tee bea‑a kɛn, mbɛ kamin chɛ‑a a fɔ a 'a kamin ya ɔ sɔɛ ma, a ɔ, ‘Wai chɛ mɔɛ chɛ n chee, i ni an pawa. A kuu sɔ wai chɛ mɔɛ chɛ n fan pawa‑a, miin danka‑a ka na‑a, aan i ni danka mɔɛ saa chɛ n ma, n‑na miin ya ka bi sau sau ma.’

DUKU 12:20

Chɛɛ Yataa‑a a fɔ wan a ye, a ɔ, ‘I wooen mu. Yɛɛ chɛ ma, e fa tena wan. Ni i sin fa‑a, fen chɛ n gbɛɛ, i‑a miin na sɔn ka i wandi ko a, i wan ta ee ma‑a an na.’ ”

DUKU 12:42

Mbɛ Mansa Chisɔsi ɔ, “Wo ma yɔ wai chɛ mɔɛ, danaya ni min dɔ, a basan yiimatɛ a. Ni a kun ti ma‑a ta‑a tachɛ ɔ, ɛ a to wan a bɔɛ n kun ma, daun fenɛ be koe a an ma, tima ma.

DUKU 16:1

Mbɛ Chisɔsi‑a a fɔ a fɛ denɛ n ye, a ɔ, “Nyan tɔ dɔndɔ ni wan nɔ, wai chɛ mɔɛ ni min boo ɔ. Wai chɛ mɔɛ chɛ, an ni nyan tɔɛ chɛ boo fenɛ n gbɛɛ kun ma. Mɔɛ n na‑a a ɔ yian fan nyan tɔɛ chɛ a, mbɛ an wai chɛ mɔɛ chɛ, ɛ a boo fenɛ ɔ yayi tena wan.

DUKU 16:3

Mbɛ wai chɛ mɔɛ chɛ‑a a fɔ a yiima ɔ, a ɔ, ‘N ma a ɔ sɔn, n mbe fen ma‑a gbɛ sanche.’ A ɔ, ‘N kun ti ɛ na tena wan gbɛ n bɔ‑a wai chɛ ɔ.’ A ɔ, ‘N dɔ ma gbɛ sɛnɛ sa koe a,’ a ɔ, ‘a yɛ to,’ a ɔ, ‘n mbe mau‑a wan n ni ben ben fen fuinɛ a.’

GBOO DOMI KO A 14:12

Chɛ an fɛ mu, mmɔ gbɛɛ, dɔndɔ, dɔndɔɛ a, mmɔ ɛ a ɔ yian‑da wan Yataa a, mmɔ ɛ wai min chɛ‑a dunya chɛ ɔ.

GBOO SAA KƆYINDI KO A 1:11

Koe min na mu, n suun ma nyɔɛ nu Chasi ɔ, n‑na a a min, mbɛ bɛn mbe ee wo tɛ, an fɛ mu n mbe koɔ tena ka wo tena. Mɔɛ dɔ nu Kowɛ 'a chenɛ a, an ban‑da a ɔ yian‑da n na.

GBOO SAA KƆYINDI KO A 4:2

A yɛ to, bɔi den kan kɔ kan gbu sin, a dinden fan mu a ma, wai chɛ koe a danaya ɔ.

GBOO SAA KƆYINDI KO A 4:5

Chɛ an fɛ mu, wo ma a a gbandia, kaa a tɛ koe a mɔ ɔ mɔ ma, tima ya ɔ, Mansa Chisɔsi e na to na‑a. A wan mbe koe n na bɔ‑a ya a ma, miin mbe nun dɔ, ni koe nu miin mbe mmɔ faa ɔ. A sin, tando min nyin, Yataa ɛ a be‑a wan mɔ ɔ mɔ ma, a be koe nyin mɔɛ miin ma.

GBOO FEAN BƆƐ KƆYINDI KO A 5:10

Koe min na mu, mmɔ gbɛɛ, mmɔ ɛ sɔ‑a wan Chisɔsi chen kɔɔ tee dankama tee ma, a ni kaa a tɛ mmɔ wakoe ma. Ɛ mmɔ gbɛmbo‑a wan dɔndɔ dɔndɔɛ a. Mɔ ɔ mɔ sin mbe koe miin ma‑a, dunya ma gboo chɛ ɔ, an koe n ni nyan, an ni yaua wan, mɔ ɔ mɔ ɛ an pawa ma sɔn‑da.

1 TIMOTI 4:14

Yataa Nyina‑a fenɛ min be i ma, Yataa 'a gbonka chɛ mɔɛ n koɔ‑a tima min na, mbɛ chɔchi gbakoo n‑na an boo bun i ma, a bia i boo fea a.

1 TIMOTI 5:24

Mɔɛ dɔ n 'na ko yama maenɛ ɛ sa ɔ wan den, mɔ ɔ mɔ e na kaa a tɛ a ma. Chɛɛ dɔ n ta ɔ nunden fan mu, a ee fua bɔ‑a a yen koe a.

1 PITA 4:10

Wo gbɛɛ, Yataa‑a wo dua wan chia sɛsɛ a, dɔndɔ dɔndɔɛ a. An chia chɛ n sin, basan koe a mu wo nyɔn ma. Chɛ an mbe a ɔ yian‑da, mbɛ Yataa‑a koadia demanɛ min chɛ wo a, wo e tachɛ tena wan a a chɛndɛ chɛ.

1 PITA 4:5

Chɛɛ an‑na koe miin gbɛɛ ma, an mbe a ɔ yian‑da wan Yataa chen kɔɔ. A ma bɛndenɛ mu gbɛ kaa a tɛ koe a fuɛ n ma, an bɛ chɛndɛ ba an na.

KO Ɔ NUNDENƐ 20:12

Mbɛ mansa sea chɛ ya kɔɔ to, n‑na mɔɛ n yen fan sɔ ɔ, yɔn tɔɛ n bɛ nyan tɔɛ n na, miin na‑a fa tee. Gboo n bɛɛ da a kaen fan ni, mɔ gbu gbɛɛ dunya ma, an chɛ chɛ wai nu, an nyɛn‑da gboo miin dɔ. Mbɛ gboo dɔ mende wɛɛ da a kaen fan ni, mɔɛ n tɔɛ ni gboo min dɔ, mɔɛ nu, miin mbe ma‑a fɔɛ ɔ kuɔ fɔ ko a Yataa chen kɔɔ. Mɔɛ chɛ n gbɛɛ, miin na‑a fa, kaa a tɛ‑a wan an bakoe ma. Dɔndɔ dɔndɔɛ a, mɔ ɔ mɔ na‑a min ma dunya chɛ ɔ, a nyɛndenɛ ɛ gboo chɛ ɔ, kaa a tɛ‑a an ma.