DUKU 16:1 - Yataa 'a Dɔbɛnɛ Nama

¹ Mbɛ Chisɔsi‑a a fɔ a fɛ denɛ n ye, a ɔ, “Nyan tɔ dɔndɔ ni wan nɔ, wai chɛ mɔɛ ni min boo ɔ. Wai chɛ mɔɛ chɛ, an ni nyan tɔɛ chɛ boo fenɛ n gbɛɛ kun ma. Mɔɛ n na‑a a ɔ yian fan nyan tɔɛ chɛ a, mbɛ an wai chɛ mɔɛ chɛ, ɛ a boo fenɛ ɔ yayi tena wan.

DUKU 16:1 ပူးပေါင်းရင်းမြစ်များ

MATIU 20:8

“Tee bea‑a kɛn, mbɛ kamin chɛ‑a a fɔ a 'a kamin ya ɔ sɔɛ ma, a ɔ, ‘Wai chɛ mɔɛ chɛ n chee, i ni an pawa. A kuu sɔ wai chɛ mɔɛ chɛ n fan pawa‑a, miin danka‑a ka na‑a, aan i ni danka mɔɛ saa chɛ n ma, n‑na miin ya ka bi sau sau ma.’

DUKU 12:42

Mbɛ Mansa Chisɔsi ɔ, “Wo ma yɔ wai chɛ mɔɛ, danaya ni min dɔ, a basan yiimatɛ a. Ni a kun ti ma‑a ta‑a tachɛ ɔ, ɛ a to wan a bɔɛ n kun ma, daun fenɛ be koe a an ma, tima ma.

DUKU 15:13

Tee kuun den ben‑da kɛn, denɛ dɔma chɛ‑a a ta boo fen chɛ n gbɛɛ ma tachɛ, mbɛ a bɔ‑a a waa duu chɛ ɔ, kɔpɔɛ chɛ ɛ a boo ɔ. A ta‑a chɛnyɛ min dɔ, a ɔ ni yansan kaka. A ni kɛn nɔ an chɛnyɛ chɛ ɔ, a‑a kɔpɔɛ chɛ gbɛɛ yɔn baa baa chia an fan na.

DUKU 15:30

Chɛɛ i 'a den chɛ‑a i boo fenɛ gbɛɛ ɔ yufuyufu dani ma gbankanda an ma. A yɛ‑a kɛn gbɛ sanche, i‑a ninchi busi chɛ an fa a ye.’

DUKU 16:19

Mbɛ Chisɔsi ɔ, “Tima dɔndɔ a, nyan tɔ dɔndɔ ni wan nɔ, min toen ni a ma chii koe a koa baa gbanden ba n dɔ, mbɛ a sin tee ɔ tee a, a ni buɔdia wa an dɔ.

DUKU 16:2

Chɛ fɛ, a‑a mɔɛ a ta wan wai chɛ mɔɛ chɛ chee‑a. A na‑a kɛn, nyan tɔɛ chɛ‑a a fɔ wan a ye, a ɔ, ‘N‑na koe miin na min, a si i ma, an na ma di n ye.’ A ɔ, ‘Na,’ a ɔ, ‘i ni i konan a si i 'a wai gbɛɛ ma, e min chɛ tee.’ A ɔ, ‘A mu min na,’ a ɔ, ‘e ee che to ma‑a n boo fen kan kɔ kan kun ma.’

DUKU 19:20

“Mbɛ bɔi denɛ dɔ mende na‑a, a ɔ, ‘Fa, i 'a sanu gbɛnsɛn dɔndɔɛ chɛ yen ko, i na‑a min be n ma. N‑na a a chii wan pɔchitanɛ ɔ, mbɛ n‑na a sa tena ɔ bɛn.

DUKU 8:3

Chowana wɛɛ ni to an musu chɛ n dɔndɔ an na, min chɛɛ ni wai chɛ tena Mansa Ɛdɔdi ko a. Susana wɛɛ ni wan nɔ, a basan musu sɛsɛ dɔ gbɛɛ n na. Musu chɛ n ni an fandi ta boo fenɛ n be wan Chisɔsi ma, an bɛ a fɛ denɛ n na, an ta basamaya a.

TAITƆSI 1:7

Chɔchi ya ɔ sɔɛ sin, min mbe Yataa 'a wai kun ma, mabɔ ee ma a ma, dɔpanda tɔ ma a a, a faa ma gbandi, a sin mbe ee gbɛ wa min. Kɔpɔɛ wakoe ee koa a faa ɔ, a sin mbe ee ma gbun na bea mɔ a.

CHIMISI 4:3

Chɛɛ wo sin gbu, wo ni Yataa ɔ tisa wɛɛ, wo ee an ma sɔn. Koe min na mu, wo 'a samunɛ ee ma a chia ma. Wo e samunɛ chɛ fen chɛ n fan ko a, wo faa ma koe n dɔ bɛn koe a.

1 PITA 4:10

Wo gbɛɛ, Yataa‑a wo dua wan chia sɛsɛ a, dɔndɔ dɔndɔɛ a. An chia chɛ n sin, basan koe a mu wo nyɔn ma. Chɛ an mbe a ɔ yian‑da, mbɛ Yataa‑a koadia demanɛ min chɛ wo a, wo e tachɛ tena wan a a chɛndɛ chɛ.