DUKU 15:2 - Yataa 'a Dɔbɛnɛ Nama

² Chɛɛ Chu mɔɛ chɛ nu, miin ni Fayisii n na, an bɛ Chu n 'na sawa kan mɔɛ n na, an bun‑da gbonyɛ‑a Chisɔsi a, an dɔ, “Kamin chɛ ɛ a boo si wan mɔɛ chɛ n bɛɛ kɔɔ, miin mbe ee sɔ ɔ Yataa 'a chia ma, mbɛ an‑na daunɛ chɛ kaina dɔndɔ.”

DUKU 15:2 ပူးပေါင်းရင်းမြစ်များ

MATIU 11:19

Chɛɛ n fan, Mɔ Gbu 'a Denɛ, n na‑a kɛn, n mbe daunɛ chɛ wan, a yɛ to, n mbe gbɛ min fan. An‑na a fɔ wan to, an dɔ, nun namaya tɔɛ mu n na, an dɔ, kɔn gbasi kai mu to n na. An dɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma. Chɛɛ mɔɛ n mbe a ɔ yen‑da wan, mbɛ Yataa 'a yiimatɛ an mu tea tea yiimatɛ a. An mbe chɛ ɔ yen‑da koe n fan ma, mɔɛ chɛ n mbe miin ma‑a, mɔɛ chɛ nu, Yataa‑a a 'a yiimatɛ chɛ be miin ma.”

MATIU 9:11

Mbɛ Fayisii n‑na chɛ ɔ yen kɛn, mbɛ an‑na a fɔ Chisɔsi fɛ denɛ n ye, an dɔ, “Wo kan mɔ yen ko, a ɛ daun chɛ‑a kaina dɔndɔɛ, an bɛ pawa kain mɔɛ n na, a basan mɔɛ n na, miin mbe ee sɔ ɔ Yataa 'a chia ma.”

DUKU 15:3

Chɛ‑a a ma wan, mbɛ Chisɔsi‑a tai chɛ tɛ an tena, a ɔ,

DUKU 19:7

Mɔɛ miin gbɛɛ‑a koe chɛ ɔ yen ka, an bun‑da gbonyɛ‑a, an dɔ, “A yen bɛ, ɛ ta‑a kamin chɛ 'a sondaya a, min mbe ee sɔ ɔ Yataa 'a chia ma.”

DUKU 5:30

Mbɛ Chu mɔɛ dɔ nu miin ni Fayisii n na, an bɛ an 'na mɔɛ n na, miin ni Chu n 'na sawa kan, an bu ɔ nii ma dia ni. An gbonyɛ‑a wan Chisɔsi a, a fɛ denɛ n tena, an dɔ, “Wo kan mɔ ee ka ko chɛndɛ a. A ma nyin wo ni daunɛ chɛ kaina dɔndɔɛ, wo bɛ pawa kain mɔɛ chɛ n na, a basan mɔ dɔ gbɛɛ n bɛɛ a, miin mbe ee sɔ ɔ Yataa 'a chia ma.”

DUKU 7:34

Chɛɛ n fan, Mɔ Gbu 'a Denɛ, n na‑a, n mbe daunɛ chɛ, a yɛ to, n mbe gbɛ min fan. Wo‑a a fɔ wan to, wo ɔ, nun namaya tɔɛ mu n na, wo ɔ, kɔn gbasi kai mu to n na. Wo ɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma.

DUKU 7:39

Fayisii chɛ, min‑na Chisɔsi chee ka a 'a chenɛ a daun chɛ koe a, a‑a koe chɛ ɔ yen kɛn, a‑a a fɔ wan a yiima ɔ, a ɔ, “Ni kamin chɛ ni Yataa 'a gbonka chɛ mɔɛ an na tea a, a ni a ɔ sɔn‑da wan musu min nyɔn sima ɛ ka tu tena a a. A ni a ɔ sɔn‑da wan, mbɛ mɔɛ an nɛ, min mbe ee sɔ ɔ Yataa 'a chia ma.”

CHISƆSI 'A SƆ MƆƐ NU 11:3

an dɔ, “I ta‑a wan mɔɛ chɛ n 'na chenɛ a, mɔɛ miin na ma kamincha ni ka, mbɛ wo gbu sin yɛ‑a to, wo bɛ an na, wo‑a daunɛ chɛ kaina dɔndɔ. Fen ko a mu, i‑a chɛ ma?”

Gboo Kadesia Ko A 2:12

A na‑a a fo kɛn nɔ a saa saa a, an bɛ an ni daunɛ chɛ mɔɛ chɛ n na, miin ma Chu mɔ a. Chɛɛ mɔɛ dɔ n na‑a kɛn, a ka Chimisi tena, a wan Pita sɛmbɛ‑a wan daun chɛ koe a, an bɛ an mɔɛ n na, a ka‑a an kaa a. Koe min na mu, a chianden ni mɔɛ chɛ n fan ma, miin ni a fɔ, mbɛ mɔɛ ee ma Chasi fɛ mɔɛ chɛndɛ chɛndɛ a, ni a a ma kamincha ni yɔ Chu mɔɛ nu.

1 TIMOTI 1:15

Tea bai yen ko, Chisɔsi Chasi na‑a dunya ɔ ko yama ma mɔɛ n baun koe an na. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a. N fan Pɔɔ, ko yama ma mɔɛ n 'na mansa mu n na.