DUKU 13:34 - Yataa 'a Dɔbɛnɛ Nama

³⁴ Mbɛ a‑a a fɔ to, a ɔ, “Wo wan Chuusaɛn mɔɛ nu, wo toen mu Yataa 'a gbonka chɛ mɔɛ n fa koe a. A yɛ to, wo toen mu Yataa 'a sɔ mɔɛ n bon koe a, ɛ miin na na wo tena. Tima sɛsɛ ko a, n toen ni, n ni wo a sɔn sɔn kaina dɔndɔɛ, yɔ tɛ kuinsa ɛ a 'a denɛ n don buɛ min dɔ a kambanɛ kɔɔ. Chɛɛ wo ma dɔn ni n ye.

DUKU 13:34 ပူးပေါင်းရင်းမြစ်များ

MATIU 22:3

Bɛn chɛ tima a, mbɛ a‑a a 'a bɔi denɛ n sɔ mɔɛ chɛ n tena, a na‑a miin chee bɛn chɛ ɔ, a ɔ, an ni na. Chɛɛ an ma dɔn ni, an ni na.

MATIU 22:6

Chɛɛ dɔ n sin chɛ‑a wan bɔi den chɛ n ma, mbɛ an‑na an popoya, an mbe e na to an fa‑a.

DUKU 15:28

“Chɛɛ denɛ chenama chɛ‑a bai chɛ a min kɛn, a faa tɛ‑a wan gbeden, mbɛ a ban‑da don koe a chenɛ a. Mbɛ a fa bɔ‑a, a‑a a tan. Mbɛ a‑a a ma nande, a ɔ, a ni don chenɛ a.

DUKU 19:44

An mbe wo 'a duu chɛ te‑a wan gbɔkɔɔ, mbɛ an‑na wo wandi sa a kun ma. Wo 'a chen kan kɔ kan mbe ee to‑a sɔ ɔ. Wo 'a chenɛ n sɔ sen kan kɔ kan mbe ee to‑a sa ɔ a nyɔn kundu a. Chɛ n mbe ma‑a koe min na, wo nii ma a ɔ sɔn ni, mbɛ tima an nii nɛ, tima min na Yataa na‑a na wo baun koe a.”

DUKU 23:28

Chɛɛ Chisɔsi‑a a ya a yɛ wan an ma, mbɛ a ɔ, “Wo wan Chuusaɛn duu ɔ musu nu, wo ma di chɛ n fan ko a, chɛɛ wo di chɛ wo wandi ko a, a basan wo 'a denɛ n na.

CHISƆSI 'A SƆ MƆƐ NU 7:52

Yataa 'a gbonka chɛ mɔ kan kɔ kan nii nɔ, ni wo bemba n ta bemba n ma ko ma gbaaenɛ sa ni min ma. An‑na Yataa 'a gbonka chɛ mɔɛ chɛ n fa wan, miin na‑a a gbonka suun, a si Yataa 'a wai chɛ mɔɛ ma. Mbɛ an wai chɛ mɔɛ chɛ, min tanden mu a chen kɔɔ, ɛ na‑a wan. Chɛɛ wo gbu‑a a ma tachɛ gbɛ, mbɛ wo‑a a fa.

CHISƆSI 'A SƆ MƆƐ NU 7:59

An sin ni kɛn a ma bon bon tena, Sitibin‑na samunɛ chɛ wan, a ɔ, “Mansa Chisɔsi, n‑na n fɔɛ be i ma. A sa tena ɔ bɛn n ye.”

CHISƆSI 'A SƆ MƆƐ NU 8:1

Sɔɔ‑a toa si, Sitibin fa koe kɔɔ. Sitibin fa‑a kɛn, mɔɛ n‑na a kuu sɔ wan ko ma gbaaenɛ sa‑a chɛ n ma Chuusaɛn, miin na‑a an kai fa Chisɔsi a. A ka Chisɔsi 'a sɔ mɔɛ chɛ n ma, mɔɛ tɔɛ chɛ n gbɛɛ miin na‑a an kai fa Chisɔsi a, an dɔ fasan‑da wan a ɔ ben‑da gbɛɛ Chudia chɛnyɛ ɔ, a basan Samayia a.

KO Ɔ NUNDENƐ 11:8

A sin, an su n mbe ma‑a wan sa ɔ, dani wa dɔndɔ ma, duu wa chɛ ɔ. Duu wa chɛ, an 'na mansa, mɔɛ n na‑a a gbangban kaina min kɔn gbengbandenɛ ma. Mɔɛ n mbe duu wa chɛ chee‑a wan, yiima dɔ mende ɔ, an dɔ, Sɔdɔn, an ni a chee, an dɔ, Ichipi.