DUKU 13:2 - Yataa 'a Dɔbɛnɛ Nama

² Mbɛ Chisɔsi ɔ, “Ɛ wo ta yiima ɔ, mbɛ an‑na Kadidi mɔɛ chɛ miin fa ka buɛ chɛ ɔ, mbɛ ko yama ma mɔ wa ni an na. A ma ma ka wo yii ma, mbɛ an benden ni Kadidi mɔɛ tɔɛ n gbɛɛ ma ko yama ma ɔ.

DUKU 13:2 ပူးပေါင်းရင်းမြစ်များ

DUKU 13:1

A tima dɔndɔ gbe chɛ a ni, mbɛ mɔɛ dɔ nu, miin bɛ ni Chisɔsi a, an‑na ko yama wa ɔ yian a a. Ko yama wa chɛ na‑a ma mɔɛ dɔ n fan na, miin na‑a ka Kadidi chɛnyɛ ɔ. An na‑a na Yataa 'a kata ɔ wan, min mbe a ma, an ni soe n minda, a be koe a Yataa ma an 'na yasi a. An to‑a yasi chɛ n fan bɔ‑a Yataa 'a kata chɛ ɔ, mbɛ Kɔfana Padeti‑a a ma, an‑na an fa. An faen chɛ a, an wii ɔ basan‑da wan soe chɛ n wii a, an na‑a miin bɔ ka yasi a.

DUKU 13:3

N ni a ma din wo tena, a ee ka wan ɛnden bɛɛ a. A sin, ni wo ma wo kan kɔ sɔ ni wo 'a ko yama n na, wo wɛɛ, wo gbɛɛ ɛ kasaa‑a wan.

DUKU 13:4

A ka to chɛ ma, tima min na banda a chen chɛ na‑a bea Sidowan fɔnɛ ɔ, mɔ tan kun ma sɛi an fa‑a. Chɛɛ a ma ma wo yii ma, mbɛ a mɔɛ chɛ n ni yau a ben mɔɛ tɔɛ chɛ n gbɛɛ ma Chuusaɛn duu ɔ.

CHƆN 9:2

Mbɛ Chisɔsi fɛ denɛ n‑na a ɔ tisa, an dɔ, “Kan mɔ, mɔ ma a ɔ sɔn, mɔɛ min 'na ko yama maenɛ‑a kamin chɛ fion buɛ chɛ ɔ. A e na ma a wandi ta an na ba, kɔ a woo mɔɛ nu?”

CHISƆSI 'A SƆ MƆƐ NU 28:4

Duenɛ chɛ nu, an‑na ka chɛ yen kɛn, dɛn dɔ Pɔɔ boo a, an dɔ an nyɔn ma, an dɔ, “Mɔ fa mɔɛ an nɛ kamin chɛ a. Kɔɔsa bia ee chɛ ma. A bɔ‑a wɛɛ boo ɔ boo yii chɛ ɔ, a fɔɛ ɛ a sun da a, chɛɛ mmɔ 'a musu yataa, min mbe tea kaa a tɛ, a‑a a pawa. A kun mbe ee bɔ tena chɛ nɛnɛ ɔ.”