DUKU 13:16 - Yataa 'a Dɔbɛnɛ Nama

¹⁶ Mbɛ sanche gbɛ wo a yen ko, mmɔ suun ma nyɔɛ dɔndɔ an nɛ musu chɛ a, mmɔ gbɛɛ bɔ‑a Ebeami 'a dambi dɔndɔ gbe chɛ an dɔ. Sitana‑a a chii wan, ɛ tɔɔya ɔ san tan kun ma sɛi ko a. Chia ɔ chia a, fɔ ni a fuin‑da wan, a ni ma suin tee wɛɛ ma a.”

DUKU 13:16 ပူးပေါင်းရင်းမြစ်များ

MATIU 4:10

Chɛɛ Chisɔsi‑a a fɔ a ma, a ɔ, “Ka n fɛ, Sitana, ta. Koe min na mu, Yataa 'a gboo ɔ te, ‘Mɔɛ e i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”

MAKI 2:27

Mbɛ Chisɔsi danka‑a gbɛ min fɔ‑a an ye, a ɔ, “Suin tee chɛ, a bɔ‑a mɔ gbu an ko a, chɛɛ mɔ gbu an ma bɔ ni suin tee ko a.

DUKU 16:24

Mbɛ a‑a chee chɛ, a ɔ, ‘Fa Ebeami, n mbe nɛ tɔɔya wa an dɔ ta chɛ ɔ. Chinchin n ma, i ni Dasayɔsi sɔ n tena. A ni a boo ɛndenɛ don yii ɔ, a ni na, mbɛ a‑a a puin n da ɔ, min mbe a ma, n nɛnɛnɛ ma ni chima.’

DUKU 19:9

Mbɛ Chisɔsi‑a a fɔ a ye, a ɔ, “A ka bi ma, i 'a chenɛ‑a bauncha ma sɔn. A mu min na, i dan‑da gbɛ Yataa a, yɔ Ebeami danden ni a a buɛ min dɔ.

DUKU 3:8

Wo chɛ chɛ wai n ni a ɔ yian, mbɛ wo‑a wo kan kɔ sɔ wo 'a ko yama n na. Wo ma bun kafai be‑a a fɔ koe a, mbɛ Ebeami cheeya mu wo a. A ni ma wo yii ma, mbɛ Yataa ɛ kun fan a ni sen chɛ n ya, a ni Ebeami cheeya n nyan an dɔ.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

CHISƆSI 'A SƆ MƆƐ NU 13:26

“N suun ma nyɔɛ nu, wo wɛn mu Ebeami cheeya n na, ni wo wɛɛ, wo wɛn ma Chu mɔ a, chɛɛ wo wɛn mbe kooya be Yataa ma, wo chɛ a min. Sakana bai chɛ, min mbe na bauncha a, a naen mu mmɔ gbɛɛ an ko a.

2 TIMOTI 2:26

Mbɛ an mbe yiimatɛ ma sɔn‑da wan, an ni bɔ gbai chɛ a, an na‑a chɛɛ ka Sitana 'a gbai min na, an ni min 'na sawa kɔɔ.