DUKU 12:4 - Yataa 'a Dɔbɛnɛ Nama

⁴ “N dia nyɔɛ nu, n ni a ma din wo tena, mbɛ wo ma chian mɔ gbu ma wo fa ko a. Ɛ wo fa‑a wan, chɛɛ a ee ko ɔ ko dɔ mende ma‑a chɛ gbakɔ.

DUKU 12:4 ပူးပေါင်းရင်းမြစ်များ

MATIU 10:28

Wo ma chian mɔ gbu ma wo fa ko a. Ɛ wo fa‑a wan, chɛɛ a ee ko ɔ ko ma‑a wo nyina a, min mbe wo ɔ. Wo chian Yataa dɔndɔ gbe an ma. An mbe mɔ gbu fa, mbɛ a‑a a nyina wɛɛ, a‑a a a ta ta ɔ, ɛ minda kaina.

CHƆN 15:13

Ni mɔɛ fa‑a mɔɛ n ko a, a toen mu miin na, chia dɔ mende ee to nɔ, koadia ɔ yian koe a, a ni ben chɛ ma.

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

CHISƆSI 'A SƆ MƆƐ NU 4:13

Chu kuti wa chɛ a fii‑a wan, a ɔ yen koe a Pita an fea Chɔn na, an ni bai sa tena buɛ min dɔ yaagbɛa a. Kun ti chɛ n‑na a ɔ sɔn fan, mbɛ mɔ gbama gbama ni Pita n na, miin gbu nii ma gboo sɔn ba chɛ. A yɛ to, an‑na a ɔ sɔn fan to a tima chɛ a, mbɛ an ni wan tee Chisɔsi fɛ.

Gboo Fiipai Ko A 1:28

A sin, chian mbe ee wo ɔ, a si ko ɔ ko ma, wo chɛɛ ma nyɔɛ n mbe min ma. Chɛ ɛ wan yɔ gbau an nɛ, an tena, mbɛ an mbe na tena wan kasaa a. Chɛɛ wo tana, a mu bauncha an na wo ko a. A sin, ɛ ka tena Yataa an na.

CHIMISI 2:23

Chɛ na‑a a ma wan, Yataa 'a gboo na‑a bai min fɔ, a bɔ‑a a a. A ɔ, “Ebeami‑a a kai fa wan Yataa a. A sin, Yataa wɛɛ‑a a ya mɔ tandenɛ a a chen kɔɔ.” A yɛ to, Ebeami gbu chee‑a wan Yataa dia nyɔɛ a.

1 PITA 3:14

Chɛɛ ni wo‑a tɔɔya ɔ bia wɛɛ, ko chɛndɛ ma gbaa chia a, dua wa mu wo ma. Mɔ ɔ mɔ ma a ma chianɛ ni ma wo ɔ, wo sin faa ma gbaa a.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”