DUKU 11:34 - Yataa 'a Dɔbɛnɛ Nama

³⁴ Mɔ gbu ya ɛ wan yɔ dambo manɛ a gboo ko a. Ni mɔ ya a kaenɛ ma‑a gboden, a gboo gbɛɛ ɛ ma manɛ an dɔ. Chɛɛ ni a ya a pimbienɛ ma‑a, a gboo gbɛɛ ɛ ma pimbi an dɔ.

DUKU 11:34 ပူးပေါင်းရင်းမြစ်များ

MAKI 4:12

Chɛ ɛ a ma‑a wan, yɔ a nyɛnden mu buɛ min dɔ Yataa 'a gboo ɔ, mbɛ ‘an ya a kaenɛ ɛ ma‑a wan, an ni kaina fɛn, chɛɛ an mbe ee ko ɔ ko ɔ yen‑da. Mbɛ an mbe an too ma sɔ‑a wan, chɛɛ an mbe ee ko ɔ ko ɔ gbɛ‑a. Ni chɛ ma, kɔkɔɛ an mbe na‑a an ya a mun‑da wan Yataa ma, mbɛ a‑a a boo bɔ an 'na ko yama n dɔ.’ ”

MAKI 7:22

A ni ma waa ma basan koe an na mɔɛ a, mɔ ee fuu ɔ min na, bɛncha mu, a basan ko yama tɔɛ gbɛɛ a. Mɔɛ bun koe, kan baiya, toomaya, tɔ ɔ tɛ yama chɛ, yonka, wooya.

MAKI 8:18

Wo wan, ya ɛ wo ma, chɛɛ wo ee kaina yen. Too ɛ wo kun fɛ, chɛɛ wo ee koe a min. A gbu sin to‑a wan wo yii ma, koe min na‑a ma.

DUKU 11:35

Chɛ an‑na a fɔ, wo wo kun ma fɛn, min mbe a ma, wo ya a ma na pimbi, mbɛ wo to‑a pimbi ɔ.

CHISƆSI 'A SƆ MƆƐ NU 13:11

Mbɛ a yen ko gbɛ sanche, Mansa Yataa‑a a boo bun i ma. I ya a ɛ pimbi‑a wan tee kuunden ko a.” A ya kɔɔɛ a, mbɛ dingbii bun‑da Ɛdimasi ya a, a don‑da pimbi ɔ, mbɛ a bun‑da a boo mɛmɛ‑a. A toen ni, mɔɛ ni a bia a boo ma, a ni ta a a.

CHISƆSI 'A SƆ MƆƐ NU 2:46

Tee ɔ tee a, an ni bɛn fan kaina dɔndɔ Yataa 'a kata ɔ. An sin ni daunɛ chɛ wan an nyɔn tɛ ɔ an 'na chenɛ n na. An ni daun chɛ n chɛ faaɔgbɛ an dɔ, ni buɔdia ɔ,

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

Gboo Ɛfisɔsi Ko A 1:17

N dɔ, mmɔ 'a mansa Chisɔsi Chasi 'a Yataa a, mmɔ fa min kamayaen mu, a ni a Nyina a yii ma koe a wo fɛ. An Nyina chɛ ni a ma, wo ni yiimatɛ wa ma sɔn, koe n dɔ gbɛ koe a chɛndɛ chɛ. A yɛ to, koe miin dɔ nundenɛ ɛ, a si a ma, wo ni an dɔ gbɛ.

Gboo Ɛfisɔsi Ko A 6:5

Wo wan yɔnɛ nu, wo kooya be wo ti n ma. Wo chian an ma, a sin, masamba ni ma wo ɔ an ko a. Wo kooya be an ma wo faa gbɛɛ a, yɔ wo e a be buɛ min dɔ Chisɔsi Chasi ma.

Gboo Kɔdɔsai Ko A 3:22

Wo wan yɔnɛ nu, chia ɔ chia a, wo kooya be chɛ n ma, miin mu wo ti n na dunya chɛ ma. Wo ma a be dechee an ya kɔɔ wan, mɔ gbu n faa chima koe a dechee. Chɛɛ wo a be wo faa gbɛɛ a, Mansa Chisɔsi ma chianɛ ɛ wo ɔ.