DUKU 10:2 - Yataa 'a Dɔbɛnɛ Nama

² Mbɛ a‑a a fɔ an ye, a ɔ, “Chin fen chɛ a sɔndenɛ kaina dɔndɔɛ, a koo kaka. Chɛɛ a 'a sɔn mɔɛ n ma kɔkoo. Chɛ an‑na a fɔ, wo chin fen ti ɔ tisa, a ni wai chɛ mɔɛ n ma munda n na ta, chin fen chɛ a sɔn koe a.

DUKU 10:2 ပူးပေါင်းရင်းမြစ်များ

MATIU 20:1

Chisɔsi ɔ, “N‑na chɛ fɔ koe min na, Yataa 'a mansaya maen fan mu yɔ min ma‑a tai chɛ ɔ. Kamin dɔndɔ ni wan nɔ, yadi ni min boo ɔ. Mbɛ tee dɔndɔ a, a‑a a kɔɔ sɔ sau sau ma, mbɛ a ta‑a wan wai chɛ mɔ yan tena. A toen ni mɔɛ n fan na, miin mbe wai chɛ a 'a yadi chɛ ɔ, ɛ miin pawa tee ma.

MAKI 13:34

A ɛ wan yɔ mɔɛ, ɛ ma ta‑a tachɛ ɔ. A ɛ ma a waa boo ka‑a, ɛ a 'a bɔi denɛ n to wan chenɛ kun ma fɛn koe a. A ɛ mɔ ɔ mɔ ta wai be wan a ma, mbɛ a‑a a fɔ a 'a chen ma kɔn mɔɛ n ye, a ɔ, an ni chenɛ kun ma fɛn.

MAKI 16:15

Mbɛ a ɔ an ma, “Wo ta dunya chɛ gbɛɛ ɔ, wo ni sakana bai chɛndɛ chɛ ɔ yian mɔ ɔ mɔ a.

MAKI 16:20

Mbɛ a fɛ denɛ n ta‑a kan kɔ kan, an mbe ben‑da sakana bai chɛndɛ chɛ ɔ yian‑da mɔɛ n na. Mansa Chisɔsi sin basan‑da wan an ma, an 'na wai gbɛɛ ɔ. A sin, a‑a a ɔ yian tɔmɔsi n dɔ, miin ni yen an 'na sakana bai gbaa chia a, mbɛ an mbe tea chia an na.]

DUKU 9:1

Mbɛ Chisɔsi‑a a 'a sɔ mɔ tan kun ma fea n chee a tena. Mbɛ a‑a gbasaya be an ma nyina yama n gbain koe a mɔɛ n fɛ, a basan mɔɛ n baun koe a an 'na gbandi n dɔ.

CHISƆSI 'A SƆ MƆƐ NU 11:19

An na‑a Sitibin fa tima min na, mɔɛ n‑na a a kuu sɔ wan ko ma gbaaenɛ sa‑a mɔɛ chɛ n ma, miin na‑a an kai fa Chisɔsi a. Chɛ na‑a a ma wan, mɔɛ miin na‑a an kai fa ka Chisɔsi a, an gbɛɛ fasan‑da a ɔ gbuu. An ta‑a wan aan a che Fonisia chɛnyɛ ɔ. Dɔ n sin ta‑a wan Saipɔsi yii tinɛ ɔ, ni Andiɔki duu wa chɛ ɔ. An nii bai ɔ yian mɔ dɔ gbɛɛ n na, a si Chisɔsi wakoe ma, mɔɔ dechee Chu mɔɛ nu.

CHISƆSI 'A SƆ MƆƐ NU 13:2

Tee dɔndɔ a, an ni kɛn sun bia a, an mbe ta‑a Mansa Yataa fai‑a, Yataa Nyina‑a a fɔ wan an ye, a ɔ, “Wo a ma n ye, Banabasi, an fea Sɔɔ a, an ni ma tenchen wai chɛ ko a, n‑na an chee min chɛ koe a.”

CHISƆSI 'A SƆ MƆƐ NU 13:4

Mbɛ Yataa Nyina chɛ‑a Banabasi sɔ kɛn, an fea Sɔɔ a, ta koe a baa kɔ, an yii‑a wan Sɛdusia duu ɔ. An bɛ an ta‑a Chɔn Maki a, basan koe a an ma an 'na wai chɛ koe a. An ka‑a wan nɔ, mbɛ an‑na yii tɛ dɛndɛ ɔ Saipɔsi yii tinɛ ɔ. An che‑a wan Sadamisi duu ɔ, an don‑da Chu n na samun chɛ chenɛ a, mbɛ an‑na Yataa bai ɔ yian mɔɛ n na.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

CHISƆSI 'A SƆ MƆƐ NU 22:21

“Mbɛ Mansa Chisɔsi‑a a fɔ n ye, a ɔ, ‘Ta, koe min na mu, n mbe i sɔ tena kaina ɔ yansama wan, pande, mɔɛ chɛ n tena, miin ma Chu mɔ a.’ ”

CHISƆSI 'A SƆ MƆƐ NU 8:4

Chisɔsi fɛ mɔɛ miin na fasan‑da ka a ɔ, an ben ben‑da wan, an‑na Yataa 'a sakana bai chɛndɛ chɛ ɔ yian mɔɛ n na.

GBOO SAA KƆYINDI KO A 12:28

Yataa‑a sɔ tena koe ɔ bɛn fan, Chisianɛ n tɛ chɔchi ɔ. A saa ma‑a min na, a‑a a boo sɔ wan Chasi 'a sɔ mɔɛ n ma. A fean bɔɛ mu, a wan Yataa 'a gbonka chɛ mɔɛ n fan na. A sawan bɔɛ mu, mɔɛ n kan mɔɛ n fan na. Chɛ gbakɔ, mɔɛ miin mbe kamaya koe n ma, ni chɛ nu gbasaya be‑a miin ma, mɔɛ n danda koe a, deman koe a an ma, an sɔ koe wɛɛ a chia chɛndɛ ma, a basan kamaya bai n fɔ koe a, miin dɔ ee gbɛ ka dechee.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO FEAN BƆƐ KƆYINDI KO A 6:1

Nn bɛ an mbe wai chɛ tena dɔndɔ a, nn bɛ Yataa wandi a. Chɛ ko a gbɛ, nn mbe wo disa tena, wo wɛn‑na Yataa 'a koadia demanɛ ma sɔn, wo ni a bia wo boo fea a.

Gboo Fiipai Ko A 2:21

Mɔɛ tɔɛ n gbɛɛ, an gbɔsɔen mu an faa ma koe n fan na, an ma an gbɔsɔ ni Chisɔsi Chasi ta ko a.

Gboo Fiipai Ko A 2:25

N‑na n yii na chii wan a a, mbɛ a nyin fan n ni Ɛpafɔditɔsi a yɛ to wo tena. N suun ma nyɔɛ an nɛ, n bɔ soya mɔɛ, n bɔ wai chɛ mɔɛ Chasi ko a. A sin, wo‑a an sɔ, basan koe a n ma nɛ.

Gboo Fiipai Ko A 2:30

Koe min na mu, a‑a a wandi fɔɛ ma tachɛ wan, wo 'a wai a ban koe a n tena. A na‑a to fen den, a ni fa, Chasi 'a wai chɛ ko a.

Gboo Kɔdɔsai Ko A 1:29

N mbe wai chɛ tena n sɔɛ gbɛɛ a, chɛ an ko a. Chasi wan sin‑na an gbasaya wa chɛ chɛ n dɔ.

Gboo Kɔdɔsai Ko A 4:12

Wo bɔɛ dɔndɔ wɛɛ to, Ɛpafasi, min mu to Yataa 'a wai chɛ mɔɛ a, ɛ wo kɔndɔn tena. Tima ɔ tima ko a, ɛ samunɛ chɛ tena wan wo ko a, a faa gbɛɛ a. A ɔ, Yataa ni a ma, wo ni sɔ gban a ko a, wo yii na tɛenɛ ɛ gbae Yataa faa ma koe gbɛɛ ma, min mbe wo ko a.

Gboo Saa Tɛsadonika Ko A 2:9

Nn suun ma nyɔɛ nu Chasi ɔ, wo wandi gbu‑a a ɔ sɔn fan, mbɛ nn‑na wai chɛ wan nn sɔɛ gbɛɛ a. Tima min na nn ni nɔ, su ɔ tee a nn‑na wai chɛ wan, nn fandi deman koe a. Nn nii ma to ni, nn 'na suunɛ ni ma si ɔ wo kun ma, nn mbe ma Yataa 'a sakana bai chɛndɛ chɛ sa‑a.

Gboo Saa Tɛsadonika Ko A 5:12

Nn suun ma nyɔɛ nu Chasi ɔ, nn mbe wo disa tena, wo ni basɔmaya da faenɛ be wo ya ɔ sɔɛ n ma, wo bɛ ɛ miin na. An fan mbe wai chɛ tena wo ko a, an mbe koe n dɔ yian wo a, an mbe wo sɔ‑a chia ma, koe n dɔ, a si Mansa Chisɔsi ma.

GBOO FEAN BƆƐ TƐSADONIKA KO A 3:1

A danka a gbɛ, nn suun ma nyɔɛ nu Chasi ɔ, wo samunɛ chɛ nn ko a. An mbe a ma, sakana bai chɛ, a si Mansa Chisɔsi ma, a tɛ ma tɛ, a ni fasan a ɔ ben‑da bui chɛ bui chɛ a. A sin to, mɔɛ n ni an boo a si a kɔɔ basɔmaya a, yɔ wo‑a a ma buɛ min dɔ.

1 TIMOTI 4:10

Chɛ an fɛ mu, mmɔ ɛ tɔɔ, mmɔ ɛ sɛchɛ kaka. Koe min na mu, mmɔ yiima gbɛɛ a tɛen mu Yataa an ma. A ee chinɔ ɛnden bɛɛ a, ɛ mmɔ baun, a bɛbɛɛ mmɔ wɛn danden mu a a.

2 TIMOTI 4:5

Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.

FIDEMƆN 1:1

N fan Pɔɔ, n fɛn mbe nɛ pimbi chenɛ a Chisɔsi Chasi ko a, n fan mbe gboo chɛ nyɛn tena i tena, i wan Fidemɔn. Nn mbe a nyɛn tena, nn fea Timoti an na, mmɔ suun ma nyɔɛ. Fidemɔn, nn wai chɛ nyɔɛ mu i a, i sin ko a di nn ye.

GBOO IBU MƆƐ N KO A 3:6

Chɛɛ Chasi tana, Yataa 'a denɛ mu a a, a danayaen mu, a sin mbe Yataa 'a chenɛ an kun ma. A sin, mmɔ wan mu Yataa 'a chenɛ a, ni mmɔ‑a mmɔ faa sɔ, mmɔ ni dan a a, mmɔ yii a ni tɛ a ma.

KO Ɔ NUNDENƐ 2:1

Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Ɛfisɔsi duu ɔ. A ɔ, “N fan, mɔɛ chɛ, tɔmbuaka wɔnfea chɛ n mbe min boo a,” a ɔ, “n fan, mɔɛ chɛ, min mbe tachɛ chɛ sanu dambo si fen wɔnfea chɛ n tɛ ɔ,” a ɔ, “n 'na sakana an nɛ.”