DUKU 10:10 - Yataa 'a Dɔbɛnɛ Nama

¹⁰ Chɛɛ ni wo ta‑a duu kan kɔ kan dɔ, mbɛ an ma an boo si ni wo kɔɔ, wo ta chia kunɛ a, mbɛ wo‑a a fɔ an ye, wo ɔ,

DUKU 10:10 ပူးပေါင်းရင်းမြစ်များ

MATIU 10:14

Chɛɛ ni mɔ ɔ mɔ ma a boo si ni wo kɔɔ an chen chɛ a, ni mɔ ɔ mɔ ma a boo si ni wo kɔɔ an duu chɛ ɔ, ni an ma an too ma sɔ ni wo ma, wo bɔ nɔ. Ni wo ma‑a bɔ‑a, wo wo chenɛ a gbɔngbɔn fifii chɛ a, min mbe a ɔ yian an na, mbɛ an‑na koe min ma ka, a ma nyin.

DUKU 10:11

fifii min bɛɛ to‑a wo chenɛ a, a ka an 'na duu ɔ, wo ɔ, wo‑a a a gbɔngbɔn, wo ɔ, min mbe ma‑a dasi a an tena, mbɛ an mbe ka a ma an na, wo ɔ, Yataa faa ni tɛ an ma. Wo ɔ, chɛ gbɛɛ ɔ, wo ɔ, an ma nyina, mbɛ ɛnden fan to‑a gbɛ, wo ɔ, an ni don Yataa 'a mansaya kɔɔ.

DUKU 10:9

Wo gbandi mɔɛ n baun an duu chɛ ɔ, mbɛ wo a fɔ an ye, wo ɔ, ɛnden fan to‑a gbɛ, wo ɔ, mɔɛ n ni don Yataa 'a mansaya kɔɔ.

DUKU 9:5

Ni wo ta‑a duu kan kɔ kan dɔ, min dɔ mɔɛ n ma an too n ma sɔ ni wo ma, wo bɔ nɔ. Ni wo ma‑a bɔ‑a, wo wo chenɛ a gbɔngbɔn fifii chɛ a, min mbe ma‑a dasi a an tena, mbɛ an mbe ka a ma an na, Yataa faa ni tɛ an ma.”

CHISƆSI 'A SƆ MƆƐ NU 13:51

Chɛ ma‑a kɛn, Pɔɔ n‑na an chen 'na fifii a gbɔngbɔn fan an chenɛ a, ma koe a dasi a, an duu chɛ ɔ mɔɛ n ko a. Mbɛ an bɔ‑a nɔ, an ta‑a Ikoniɔn duu ɔ.

CHISƆSI 'A SƆ MƆƐ NU 18:6

An‑na a kɔɔsa bia wan, mbɛ an‑na bai yama gbɛɛ sa a ma. An‑na chɛ ma kɛn, Pɔɔ‑a a 'a doma ɔ gbɔngbɔn fan, ma koe a dasi a an tena. Mbɛ a‑a a fɔ an ye, a ɔ, “Ni wo ma bauncha ma sɔn ni, wo ee wo tɛɛ si‑a to n ma. Wo e wo tɛɛ si‑a gbɛ wo wandi an ma. A ka gbɛ sanche ma, n mbe Yataa bai sa‑a gbɛ chɛ n fan tena, miin ma Chu mɔ a.”