DUKU 1:32 - Yataa 'a Dɔbɛnɛ Nama

³² Ɛ ma‑a wan mɔ chenama a, a sin, an mbe a chee‑a wan, an dɔ, Yataa Wa 'a Denɛ. Mansa Yataa ɛ a ma‑a wan mansa a, yɔ a bemba n ta bemba Defidi ni buɛ min dɔ.

DUKU 1:32 ပူးပေါင်းရင်းမြစ်များ

MATIU 1:1

Chisɔsi bemba n ta bemba n fan nɛ. Chisɔsi bɔ‑a Mansa Defidi 'a dambi an dɔ, min bɛɛ bɔ‑a Ebeami 'a dambi ɔ.

MATIU 12:42

A sin tee min na Yataa ɛ ma‑a dunya gbɛmbo‑a, musu min ni mansa a Seba chɛnyɛ ɔ, a wɛɛ‑a a kɔɔ sɔ‑a wan a ka saya ɔ, mbɛ a‑a wo yɛi siiya bɔ. A mu min na, a na‑a ka wan dunya danka a, na koe a, a too ma sɔ‑a Sɔɔmon 'na yiimatɛ bai n ma. Mɔɛ yen ko wo tɛ gbɛ, min benden mu Sɔɔmon ma, chɛɛ wo ee wo to sɔ tena a ma.”

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

MATIU 3:11

N fan, n mbe yii an chɛ wo kunɛ ɔ, min mbe a ɔ yian, mbɛ wo‑a wo kan kɔ sɔ wo 'a ko yama n na. Chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa wɛɛ bia koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

MAKI 14:61

Chɛɛ a na‑a a ma maun fan, a nii ma bai ɔ bai fɔ ni. Mbɛ tɛ mɔ wa chɛ‑a a ɔ tisa to, a ɔ, “I wan mu kunka mansa chɛ a, mɔɛ n mbe Yataa min tando, a 'a denɛ ɛ?”

MAKI 5:7

Mbɛ a‑a yee wa tɛ, a ɔ, “Chisɔsi, Yataa Wa 'a denɛ! I toen mu i ni fen ma n na? I dimu, I ma n tɔɔya. A chɛ Yataa ko a.”

DUKU 1:15

Koe min na mu, ɛ ma‑a wan mɔ chenama a Mansa Yataa tena. A ma gbɛ kan kɔ kan min. A de e na to a suun‑da, Yataa Nyina ɛ ma‑a wan den chɛ fɛ gban.

DUKU 1:35

Mbɛ maeka chɛ ɔ, “Yataa Nyina an mbe ma‑a i fɛ, mbɛ Yataa Wa 'a gbasaya, a‑a a ma, i‑a bu ya. Chɛ an fɛ mu, e denɛ min suun‑da, ɛ ma‑a tenchen Yataa 'a wai an na. A sin, an mbe a chee‑a wan, an dɔ, Yataa 'a denɛ.

DUKU 1:76

“N 'na den, i sin, an mbe i chee‑a wan Yataa Wa 'a gbonka chɛ mɔɛ a. I wan mbe a ma‑a mɔɛ n ni an ma bɛn chɛndɛ chɛ, Mansa Yataa na tima ya ɔ,

DUKU 3:16

Mbɛ Chɔn‑na a fɔ an gbɛɛ ye, a ɔ, “N fan, n mbe yii an chɛ wo kunɛ ɔ, chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa yuu wɛɛ fuin koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

DUKU 6:35

Chɛɛ wo e min ma, wo to wo ko don ma nyɔɛ n na, mbɛ wo‑a ko chɛndɛ ma an na. Kuiɛ a dɛ, a sin wo ma wo yii na chii a a yɛ koe a wo ma. Ni wo‑a koe chɛ n ma, Yataa ɛ tɔnɔnɛ chenama be‑a wan wo ma, mbɛ wo sɔnɛ bɔ‑a Yataa Wa sɔnɛ a. A mu min na, ɛ ko chɛndɛ ma wan wai nyima sɔn bai n na, a basan chɛ n na, miin yau kaka.

CHƆN 12:34

Mbɛ fanka chɛ koɔ‑a, an dɔ, “Mmɔ 'a sawa‑a a fɔ wan mmɔ ye, mbɛ kunka mansa ɛ ma‑a wan nn tɛ ɔ kuɔ fɔ ko a. Chɛɛ e gbɛ a fɔ‑a nn ye, mbɛ an mbe Mɔ Gbu 'a Denɛ a sɛ‑a wan kɔn gbengbandenɛ ma, a ni fa. Nyɔn mu an Mɔ Gbu 'a Den chɛ a?”

CHƆN 6:69

A sin yen ko gbɛ, nn‑na a ɔ sɔn, a sin, nn dan‑da a a, mbɛ i wan mu mɔɛ a tenchen Yataa 'a wai chɛ koe a, a‑a min sɔ.”

CHISƆSI 'A SƆ MƆƐ NU 16:17

A bea‑a wan nn fɛ, nn bɛ Pɔɔ a, ɛ ta‑a yee tɛ‑a, a ɔ, “Kamin chɛ nu, Mansa Yataa Wa 'a wai chɛ mɔɛ n fan nɛ. An fan mbe a ɔ yian tena wo a, Yataa ɛ wo baun buɛ min dɔ.”

CHISƆSI 'A SƆ MƆƐ NU 2:30

Yataa 'a gbonka chɛ mɔɛ ni a a, a sin na‑a a ɔ sɔn fan, Yataa na‑a tooɔdia min chɛ a a. Yataa na‑a a too ɔ dia wan gbau gbau, mbɛ a wan Defidi gbu cheeya dɔndɔ, ɛ a ma‑a wan mansa chenama a, yɔ Defidi wandi gbu ni buɛ min dɔ.

CHISƆSI 'A SƆ MƆƐ NU 2:36

Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”

CHISƆSI 'A SƆ MƆƐ NU 7:48

“Chɛɛ Yataa Wa ee ma chen na, mɔ gbu n mbe min sɔ. Ɛ wan yɔ Yataa 'a gbonka chɛ mɔɛ n 'na gboo‑a a fɔ buɛ min dɔ, a ɔ,

GBOO DOMI KO A 1:4

Chɛɛ Yataa Nyina‑a a ɔ yian fan gbasaya wandi ɔ, mbɛ Chisɔsi mu to Yataa 'a denɛ an na. A‑a a ma wan, mmɔ 'a mansa Chisɔsi Chasi‑a a kɔɔ sɔ a ka saya ɔ.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”