Gboo Kɔdɔsai Ko A 4:8 - Yataa 'a Dɔbɛnɛ Nama

⁸ N toen mu, a ni a ma wo ni a ɔ sɔn, nn mbe buɛ min dɔ nɛ, a yɛ to, a ni wo faa ma nande. Chɛ an fɛ mu, n‑na a sɔ wo tena.

Gboo Kɔdɔsai Ko A 4:8 ပူးပေါင်းရင်းမြစ်များ

GBOO SAA KƆYINDI KO A 4:17

Chɛ gbu an fɛ mu, n mbe Timoti sɔ tena wo tena. Mɔɛ mu a a, mɔɛ ɛ che i yii sɔ‑a min ma gbau gbau, wai chɛ koe a Chisɔsi Chasi ko a. N 'na denɛ mu gbɛ a a, n toen mu min na kaka. Ɛ a ma‑a wan wo ee nyina‑a koe n ma, n mbe bea tena miin fɛ, n 'na fɔɛ ɔ, Chisɔsi 'a sɔmɔya ɔ. N ni mɔɛ n kan ko dɔndɔ gbe chɛ n fan na, chɔchi kan kɔ kan dɔ, n ni ta miin dɔ.

GBOO FEAN BƆƐ KƆYINDI KO A 1:4

Ko gbɛama gbɛɛ ɔ, ɛ nn nande wan. Ɛ chɛ ma, min mbe a ma, nn bɛɛ ni che mɔ dɔ mende nande‑a, miin mbe ko gbɛama dɔ mende n dɔ. Yataa ɛ nn nande buɛ min dɔ, nn bɛɛ ni mɔ dɔ mende bɛɛ nande a buɛ ɔ.

GBOO FEAN BƆƐ KƆYINDI KO A 12:18

N na‑a Taitɔsi disa wan na koe a wo tena. Mbɛ mmɔ suun ma nyɔɛ Chasi ɔ, n‑na a sɔ, an fea a a. Taitɔsi nii ma wo kafa ni, ae? Nn fea Taitɔsi a, nn yiima ni dɔndɔ gbe, a basan nn 'na ko ma buɛ wɛɛ a.

GBOO FEAN BƆƐ KƆYINDI KO A 2:7

Chɛ gbɛɛ ɔ, ɛ nyan fan gbɛ wo ni a to nɔ, mbɛ wo‑a a nande. Ni chɛ ma, faayɔnɛ ɛ koa‑a wan a ma.

Gboo Ɛfisɔsi Ko A 6:22

Chɛ an fɛ mu, n mbe a sɔ tena wo tena, a ni a ɔ yian wo a, nn gbɛɛ, nn mbe buɛ min dɔ sanche nɛ. A yɛ to, a ni wo faa n ma nande.

Gboo Fiipai Ko A 2:28

Chɛ an fɛ mu, n fan gbu sin faa bɔen mu kaka, n ni a sɔ wo tena. Chɛ ɛ a ma‑a wan, wo ni buɔdia bɔ, ni wo‑a a yen to. An mbe a ma‑a, faagbaa ma ni dɔɔya n ma.

Gboo Kɔdɔsai Ko A 2:2

N‑na chɛ ma, min mbe a ma, wo wan, ni an fan, wo gbɛɛ ni wo faa gbɛa, mbɛ wo ko a dia‑a wo nyɔn ye, wo ni ma kuiɛ dɔndɔya ɔ. Chɛ ɛ a ma‑a wan, yiinatɛ chenama ni ma wo ɔ, koe ɔ gbɛ koe a chɛndɛ, ɛ na min na. An chia chɛ a mu, wo e Chasi wakoe ɔ gbɛ, min mu Yataa 'a koe ɔ nundenɛ a tee.

Gboo Saa Tɛsadonika Ko A 2:11

Wo‑a a ɔ sɔn fan, nn‑na wo bia buɛ min dɔ dɔndɔ dɔndɔɛ a, yɔ fa n bɛ denɛ n na.

Gboo Saa Tɛsadonika Ko A 3:2

Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.

Gboo Saa Tɛsadonika Ko A 3:5

N nii ma a ɔ sɔn, wo ni gbɛ buɛ min dɔ. Ni wo ni wan tun sɔ ɔ gban, Chasi ko a. Chɛ ma, ni Sitana kun‑da wan wo ma, wo ni wo kan kɔ sɔ Chasi a. Mbɛ nn 'na wai nyima gbɛɛ, a ma‑a fufafuu a. N ma che ni to chɛ ɔ bia‑a. Chɛ an fɛ mu, n‑na Timoti a na wo tena, a ni a gba bɔ.

Gboo Saa Tɛsadonika Ko A 4:18

Chɛ ko a gbɛ, wo wo nyɔn faa ma nande bai chɛ n na.

Gboo Saa Tɛsadonika Ko A 5:11

Chɛ ko a, wo e ka a ma‑a buɛ min dɔ sanche, wo ma yɛ to kuu kɔ. Wo wo nyɔn faa ma nande, wo ni basan wo nyɔn ma.

Gboo Saa Tɛsadonika Ko A 5:14

Nn suun ma nyɔɛ nu Chasi ɔ, nn mbe wo ɔ tisa tena, wo ni dasi be baa baa tɔɛ n ma. Chiandia koo miin gboo ɔ, wo ni an faa ma nande, mbɛ wo‑a chɛ n deman, miin dɔ ma gbɛ. Wo wo faa bia mɔ ɔ mɔ a.

GBOO FEAN BƆƐ TƐSADONIKA KO A 2:17

A ni wo faa ma nande, wo ɔ ni gbɛa. Chɛ ni a ma, tima ɔ tima ko a, wo ni bai sa min nyin, a yɛ to, wo ni koe ma min nyin.