Gboo Kɔdɔsai Ko A 4:5 - Yataa 'a Dɔbɛnɛ Nama

⁵ Mɔɛ chɛ nu, miin nii ma an kai fa ni Chisɔsi a, ni wo‑a chia ɔ chia ma sɔn, Chasi wakoe ɔ yian koe a an na, wo wo sɔɛ gbɛɛ chɛ a ɔ.

Gboo Kɔdɔsai Ko A 4:5 ပူးပေါင်းရင်းမြစ်များ

MATIU 10:16

Chisɔsi‑a a fɔ a 'a sɔ mɔɛ n ye, a ɔ, “N yen ko wo a ta‑a, wo e ma‑a wan nɔ yɔ ni sa bɔ‑a kui n tɛ. Chɛ an‑na a fɔ, wo yiima a ni sɛn. A yɛ to, wo ni tea a tachɛ ko ɔ ko ɔ, wo e min ma‑a.

MAKI 4:11

Mbɛ a ɔ an ma, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ mɔɛ tɔɛ chɛ nu, mmɔ bɛ ma miin na, n mbe koɔ an tena tai an dɔ.

GBOO DOMI KO A 16:19

Mɔ ɔ mɔ‑a a min fan, wo kooen mu buɛ min dɔ Mansa Chisɔsi tena. Chɛ gbu sin‑na a ma, n bu ɔ dia‑a wo ko a kaka. N toen mu, fen kɔ fen min nyin, wo 'a yiimatɛ ni koa an ma koe a. Chɛɛ ko ɔ ko min yau, a yiima gbu ma ma wo ɔ a ma koe a.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

Gboo Saa Tɛsadonika Ko A 4:12

Ni wo‑a chɛ ma, basɔmaya ɛ ma‑a wan wo ma chɛ n tena, miin mu Yataa sɔn bai n na. A sin, wo ee na‑a mɔ ɔ mɔ ya ɔ fɛn‑da fen fen ko a, wo e to‑a min na.

1 TIMOTI 3:7

A sɔnɛ ma ni kawa mɔɛ chɛ n ye, miin mbe baa kɔ, min mbe a ma, an mbe ee tɔ yama si‑a a kun ma, mbɛ a chɛɛ‑a Sitana 'a gbai a.

CHIMISI 1:5

Ni yiimatɛ ee wo ɔ, a ɔ sɔn koe a, Yataa toen mu wo ni ma buɛ min dɔ, wo a ɔ tisa. A ee ban‑da a be koe a wo ma. Koe min na mu, ɛ fen sɛsɛ be wan mɔ gbu ma, a bu ɔ diama ɛ.

CHIMISI 3:13

Wo tɛ ɔ, ni mɔɛ min yiima tɛen mu, a‑a koe ɔ gbɛ, an mɔɛ chɛ ni chɛ ma. Mɔɛ n ni a ɔ yen, fɔɛ chɛndɛ ma, ɛ min dɔ. An ni a ɔ yen ko chɛndɛ ma, ɛ min ma, yonka ee a fɛ. Chɛ an mbe yiimatɛ ɔ yian.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

1 PITA 3:1

A chia dɔndɔ gbe chɛ a, wo wɛɛ, wo wɛn mu kai sɔn musu n na, wo don wo chɛɛ n 'na gbasaya kɔɔ. Yataa da a bai chɛ, kɔkɔɛ an dɔ n mbe ban‑da wan an boo si koe a a kɔɔ. Ni chɛ ma‑a wɛɛ, wo e ma‑a ka Yataa fɔɛ min dɔ, ɛ an mun‑da wan Yataa tena, a ben wo da a bai ma.