Gboo Kɔdɔsai Ko A 4:3 - Yataa 'a Dɔbɛnɛ Nama

³ A sin, wo samunɛ chɛ nn ko a, min mbe a ma, Yataa ni chia yian nn na, a 'a bai chɛ ɔ yian koe a. Sakana bai chɛ, Yataa‑a min dɔ nun tee mɔɛ n ma, n ni a ɔ yian den mɔɛ n na. Sakana bai chɛ, a si Chasi ma, n mbe ka sa ɔ pimbi chenɛ a min ko a.

Gboo Kɔdɔsai Ko A 4:3 ပူးပေါင်းရင်းမြစ်များ

MATIU 13:11

Mbɛ Chisɔsi ɔ, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ a nunden fan mu mɔɛ tɔɛ n ma sanche wɛɛ.

CHISƆSI 'A SƆ MƆƐ NU 14:27

An sin, an che‑a kɛn Andiɔki duu ɔ, an‑na chɔchi mɔɛ chɛ n gbɛɛ a kan fan kaina dɔndɔ, mbɛ an si‑a ko ɔ ko ma, an‑na a ɔ yian, Yataa‑a miin chɛ an ye. A yɛ to, Yataa‑a chia sa buɛ min dɔ mɔɛ chɛ n ko a, miin ma Chu mɔ a, an kai fa koe a Chisɔsi a.

GBOO DOMI KO A 16:25

Mmɔ tando be Yataa ma. A wan mbe kun a ma‑a mmɔ gboo ɔ ee fa‑a, dan koe a a a. N mbe chɛ an fɔ wo ye, n mbe ma sakana bai chɛndɛ chɛ ɔ yian‑da wo a, a si Chisɔsi Chasi ma. A sin fɔen mu ka wan ko ɔ nunden chɛ wɛɛ ɔ, min na bɔ‑a ya a ma. An tea ɔ nunden chɛ, Yataa nii ma a ma ni mɔ gbu ni fua min dɔ sɔn‑da san sɛsɛ sɛsɛ ko a suun.

GBOO SAA KƆYINDI KO A 16:9

Tima an nɛ n ko a nɛ, Chisian wai kɔkoo tima min na. Wai n fan nɛ, miin nyin an chɛ koe a, n chɛɛ ma nyɔɛ n kɔkoo wɛɛ ka boo ɔ boo.

GBOO SAA KƆYINDI KO A 4:1

Chɛ ko a, wo nn ya, mbɛ bɔi denɛ mu nn na, Chasi ko a. Nn‑na ko sɛsɛ ɔ sɔn fan, a si Yataa ma, mɔ dɔ gbɛɛ ma min dɔ sɔn. Nn sin fan yaen mu, a ɔ yian koe a mɔɛ n na.

GBOO FEAN BƆƐ KƆYINDI KO A 2:12

N che‑a wan Towasi duu ɔ, sakana bai chɛndɛ chɛ ɔ yian koe a nɔ, a si Chasi ma. N che‑a kɛn, n‑na a ɔ yen fan, mbɛ Mansa Chisɔsi na‑a chia sa wan nɔ, a 'a wai chɛ koe a.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Ɛfisɔsi Ko A 3:3

N‑na a sima ɔ yian fan wo a gboo ɔ, a si koe chɛ ma, min dɔ nunden ni, Yataa‑a a ɔ yian buɛ min dɔ n na.

Gboo Ɛfisɔsi Ko A 3:4

Ni wo‑a gboo nyɛnden chɛ kan, wo yii ɛ ta‑a wan nɔ, mbɛ n‑na koe chɛ n dɔ gbɛ wan, a si Chisɔsi Chasi ma.

Gboo Ɛfisɔsi Ko A 3:9

A sin, n ni a ma to, mbɛ mɔɛ n gbɛɛ ni koe ɔ gbɛ, a si koe chɛ ma, Yataa‑a min dɔ nun kɛn a‑a dunya a dan suun tima min na.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Fiipai Ko A 1:19

Koe min na mu, wo e samunɛ min chɛ n ko a, ɛ a ma‑a wan, n kunɛ ni bɔ a ɔ. A sin to, Chisɔsi Chasi Nyina wɛɛ, ɛ deman chɛ chɛ‑a wan n na.

Gboo Fiipai Ko A 1:7

A nyin yiinachii chɛ sima ni ma n dɔ, a si wo ma. Koe min na mu, wo wakoe ɛ wan n faa ɔ. A mu min na, wo gbɛɛ, wo e basan tena wan n ma, wai chɛndɛ chɛ chɛ koe a, Yataa‑a min be n ma, a chɛ koe a. Wo basan‑da wan n ma, tima min na n ni ben‑da sɔ‑a sawa ti n na, sakana bai chɛndɛ chɛ ko a, a kɔ ni gbɛa. A sin to, n mbe wɛɛ ka sa ɔ pimbi chenɛ a sanche, wo e basan tena wan n ma.

Gboo Kɔdɔsai Ko A 1:26

Bai an nii nɛ, min dɔ nunden ni san wu sɛsɛ ko a, a ka mɔ bemba n ta bemba n na tima ma. Chɛɛ sanche gbɛ, a ɔ yian‑da Yataa 'a mɔɛ n na.

Gboo Kɔdɔsai Ko A 4:18

N fandi gbu, n fan Pɔɔ, n fɛn mbe ka gboo chɛ nyɛn‑da, n ni wo kɔndɔn. A ni ma wo yii ma, mbɛ n mbe sa ɔ pimbi chenɛ a. Yataa ni wo dua.

Gboo Saa Tɛsadonika Ko A 5:25

Nn suun ma nyɔɛ nu Chasi ɔ, wo samunɛ chɛ nn ko a.

2 TIMOTI 1:16

Mansa Chisɔsi ni chinchin Wɔnesifɔyɔsi 'a chenɛ ma, koe min na mu, a ni buɔdia be wan n ma tima sɛsɛ ko a. A ma mau ni n ma, n 'na pimbi chen na sa ko a.

2 TIMOTI 2:9

Sakana bai chɛndɛ chɛ an fɛ mu n mbe tɔɔ tena ka, n chenɛ ɔ chiienɛ ɛ yɔ sawa yɔn mɔɛ. Chɛɛ Yataa 'a bai chen dɔ ma chii ni.

2 TIMOTI 4:2

Sakana bai chɛ ɔ yian mɔɛ n na, tee kɔɔ sona kɔɔ, i ma bɛn a ɔ yian koe a. Mɔɛ n yiima mun, an‑na ko yama fɔ an ye, mbɛ i‑a an faa ma nande, e ta‑a i faa bia‑a an na, ni i ma‑a an kan‑da.

FIDEMƆN 1:22

Ko dɔndɔ to, n yia chenɛ ɔ bɛn. Koe min na mu, ɛ n 'na yiinachii ɔ, mbɛ wo 'a samunɛ a ɛ min‑da wan, n ni bɔ nɛ, n ni na wo tan.