Gboo Kɔdɔsai Ko A 4:10 - Yataa 'a Dɔbɛnɛ Nama

¹⁰ Nn fea ɛ nɛ n bɔɛ min na pimbi chenɛ a, Ayisitakɔsi, a wɛɛ ɛ wo kɔndɔn tena. Maki wɛɛ, Banabasi suun ma nyɔɛ chɛ, ɛ wo kɔndɔn tena. Min sien mu mɔna chɛ ma, n ban‑da a ɔ yian‑da wo a, wo e min ma, ni a che‑a wo ma. Wo wo boo si a kɔɔ chɛndɛ chɛ.

Gboo Kɔdɔsai Ko A 4:10 ပူးပေါင်းရင်းမြစ်များ

CHISƆSI 'A SƆ MƆƐ NU 12:12

Pita ban‑da chɛ ɔ sɔn‑da kɛn, a ta‑a wan Mɛi 'a chenɛ a, min 'na denɛ tɔ ni Chɔn. A tɔ ni to Maki. Mɔ sɛsɛ a kanden fan ni an chen chɛ a, an mbe samun chɛ‑a.

CHISƆSI 'A SƆ MƆƐ NU 12:25

Mbɛ Banabasi n fea Sɔɔ a, an ban‑da kɛn an 'na wai ma, an ta‑a min chɛ koe a Chuusaɛn, an yɛ‑a wan Andiɔki. An na‑a Chɔn dɔndɔ an na an boo a, min tɔ ni to Maki.

CHISƆSI 'A SƆ MƆƐ NU 13:13

Mbɛ Pɔɔ n bɛ a bɔɛ n na, an si‑a dɛndɛ ɔ, mbɛ an bɔ‑a Pafɔsi duu ɔ, an ta‑a Paaka duu ɔ, min ni Panfidia chɛnyɛ ɔ. An che‑a kɛn nɔ, Chɔn Maki‑a an to wan, mbɛ a yɛ‑a Chuusaɛn duu ɔ.

CHISƆSI 'A SƆ MƆƐ NU 19:29

Mbɛ mɔɛ n sɔnkɔ sɔnkɔ chɛ kuiɛ‑a duu wa gbu ɔ bɔ, a si an koe chɛ ma. Mbɛ an gbɛɛ‑a bui sa a a, mɔɛ n gbɛɛ bɛn tena chɛ duu chɛ ɔ. An‑na Kayɔsi bia wan, an ta‑a a a an boo ɔ, an fea Ayisitakɔsi a. Kayɔsi chɛ, an fea Ayisitakɔsi a, Masidonia chɛnyɛ mɔɛ n ni an na, miin bɛ na‑a na Pɔɔ a.

CHISƆSI 'A SƆ MƆƐ NU 20:4

Kai Piyɔsi 'a den kaienɛ Sopata, min ka‑a Bɛyia duu ɔ, a bea‑a wan Pɔɔ fɛ, mbɛ an fea ta‑a a a. Mɔ dɔ mende nu, miin bɛɛ bea‑a a fɛ, an fan nii nɛ, Ayisitakɔsi a, an fea Sɛkundɔsi a, miin ka‑a Tɛsadonika duu ɔ. A yɛ to, ni Kayɔsi, min ka‑a Dabi duu ɔ, an fea Tikikɔsi a, ni Tɔfimɔsi miin ka‑a Esia chɛnyɛ n dɔ. Mɔɛ dankama ni Timoti an na.

CHISƆSI 'A SƆ MƆƐ NU 27:2

Nn sɛ‑a wan dɛndɛ ɔ, min ka‑a Adamitiɔn duu ɔ, min ni gbɛ ta koe a duu chɛ n dɔ, yii a sanɛ Esia chɛnyɛ ɔ. Mbɛ nn ta‑a, nn bɛ Ayisitakɔsi a, min ni Tɛsadonika duu ɔ mɔɛ a, a ka Masidonia chɛnyɛ ɔ.

CHISƆSI 'A SƆ MƆƐ NU 4:36

A tɔmɔsi ni kamin dɔndɔ an na, min tɔ ni Chosɛfi. Chisɔsi 'a sɔ mɔɛ n ni an kamin chɛ chee, an dɔ, Banabasi, min fasaien ni, mɔɛ min mbe a bɔɛ n faa ma nande. A na‑a bɔ Difai dambi an dɔ. A sin na‑a suun Saipɔsi wan, yii tinɛ ɔ.

GBOO DOMI KO A 16:2

Wo wo boo si a kɔɔ chɛndɛ chɛ, yɔ Yataa 'a mɔɛ n mbe an nyɔn bia buɛ min dɔ. A sin, ni a toen mu basɔmaya kan kɔ kan na, wo a chɛ a a. Koe min na mu, a‑a ko chɛndɛ ma wan mɔ sɛsɛ a, a basan n bɛɛ a.

GBOO DOMI KO A 16:7

Andɔnikɔsi an fea Chunia, n mbe an bɛɛ kɔndɔn tena. N bɔ Chu mɔɛ n fan nɛ, nn bɛ ni miin na pimbi chenɛ a. Chisɔsi 'a sɔ mɔɛ nu, an‑na an sɔn fan chɛndɛ chɛ. An sin pɛn pɛn na‑a an kai fa Chisɔsi Chasi a, n ya ɔ.

2 TIMOTI 4:11

Duku dɔndɔ gbe an mbe nɛ n tena. Ni i ma‑a na‑a, wo fea ni na Maki a, a mu min na, ɛ n deman‑da wan n 'na wai a.

FIDEMƆN 1:23

Nn fea mu nɛ Ɛpafasi a, pimbi chenɛ a, Chisɔsi Chasi ko a. A ni i kɔndɔn.

FIDEMƆN 1:24

Chɛ n bɛɛ, n bɔɛ wai chɛ mɔɛ Maki, ni Ayisitakɔsi, ni Demasi, a basan Duku a, an mbe i kɔndɔn tena.

1 PITA 5:13

Mɔɛ miin mbe chɔchi ɔ Babidon duu ɔ, Yataa‑a a boo sɔ ka miin bɛɛ ma, an mbe wo kɔndɔn tena. Kamin tɔngbɔɛ chɛ wɛɛ, Maki, min ma‑a gbɛ n 'na denɛ a, a wɛɛ‑a wo kɔndɔn.