Gboo Kɔdɔsai Ko A 4:1 - Yataa 'a Dɔbɛnɛ Nama

¹ Yɔnɛ n mbe wo wɛn boo ɔ, wo kosan wo 'a yɔnɛ n bia‑a, a chia ma. A ni ma wo yii ma, mbɛ wo wɛɛ, wo kun ti ɛ wan banda bu ɔ.

Gboo Kɔdɔsai Ko A 4:1 ပူးပေါင်းရင်းမြစ်များ

MATIU 20:4

Mbɛ a‑a a fɔ an bɛɛ ye, a ɔ, ‘Wo wɛɛ, wo na, wo ni ta wai chɛ n 'na yadi ɔ. N mbe wo buɔdia pawa chɛ‑a wan wo a.’

DUKU 19:15

“Chɛ gbɛɛ ma‑a wɛɛ, an‑na kamin chɛ ma wan mansa a, mbɛ a yɛ‑a a waa a. A ya kɔɔɛ a, a‑a a ma wan, an‑na a 'a bɔi den tanɛ chɛ n chee a chen kɔɔ. A toen ni a ni a ɔ sɔn, ni bɔi den chɛ n‑na fen nyɔn ma sɔn dɔndɔ dɔndɔɛ a.

CHIMISI 2:13

Koe min na mu, Yataa ɛ kaa a tɛ‑a wan chɛ n ma, miin nii chinchimaya yian, a ni an tɔɔ. Chinchimaya tɔɛ n sin, an mbe chinchimaya sɔn‑da wan.

CHIMISI 5:4

A yen ko, wo ni mɔɛ chɛ n pawa wan, miin‑na wai chɛ wo 'a yadi n dɔ. Chɛɛ wo‑a an 'na pawa bia kafaya ɔ. An di kuiɛ che‑a Yataa tena, Mansa Wa.

KO Ɔ NUNDENƐ 17:14

Soe yama chɛ, an bɛ mansa tan chɛ n na, an mbe chɛɛ bun‑da wan sa tɔngbɔɛ ma. Chɛɛ sa tɔngbɔɛ chɛ, an bɛ a fɛ mɔɛ n na, an mbe tu‑a wan an chɛɛ ma nyɔɛ chɛ n na chɛndɛ chɛ. Koe min na mu, sa tɔngbɔɛ an mu mansa wa a, mansa wa n gbɛɛ kun ma mansa. A fɛ mɔɛ nu, an mu mɔɛ chɛ n fan na, Yataa‑a a boo sɔ miin ma, mbɛ a‑a an chee. An sin, an fan kai faen mu a a.”

KO Ɔ NUNDENƐ 19:16

Doma kai chɛ min ni a ma, a woo kun ma, tɔɛ an nyɛnden ni a ma, min ni Mansa Wa 'a Mansa a.