Gboo Kɔdɔsai Ko A 3:8 - Yataa 'a Dɔbɛnɛ Nama

⁸ Chɛɛ sanche gbɛ, wo koe chɛ n gbɛɛ boo ka. Koe nu, yɔ faatɛ, ni faagbandia. A yɛ to, toomaya wɛɛ, ni tɔ ɔ tɛ yama chɛ, a basan bai yama sa a.

Gboo Kɔdɔsai Ko A 3:8 ပူးပေါင်းရင်းမြစ်များ

MATIU 5:22

Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ faa tɛ‑a a ɔ benden ba a a, a suun ma nyɔɛ ma, an mɔɛ chɛ ɛ gbɛmbo‑a wan. Mɔ ɔ mɔ min mbe bai yama sa‑a a suun ma nyɔɛ ma, an mɔɛ chɛ ta gbɛmbo kɔ ɛ gbɛ‑a wan, Chu kuti wa ɔ. A sin, mɔ ɔ mɔ min mbe a fɔ‑a a suun ma nyɔɛ ma, a ɔ, ‘Yataa sɔn bai mu a a,’ a mɔɛ chɛ nɛnɛ ɛ ta‑a ta an dɔ, ni a fa‑a.

MAKI 7:22

A ni ma waa ma basan koe an na mɔɛ a, mɔ ee fuu ɔ min na, bɛncha mu, a basan ko yama tɔɛ gbɛɛ a. Mɔɛ bun koe, kan baiya, toomaya, tɔ ɔ tɛ yama chɛ, yonka, wooya.

GBOO DOMI KO A 13:13

Mmɔ a kuu sɔ tachɛ‑a chɛndɛ chɛ mmɔ wandi a, fɔɛ ɔ. Wo a ma yɔ mɔɛ nu miin mbe koe n na tachɛ tena chɛndɛ tee a. A yɛ to, wo ma wo boo chɛ gbɛ min kɔmpini ɔ, a basan ko tɛ gbɛɛ a. A sin, wo ma butuin chɛ, wo sin ma too wo nyɔn na.

GBOO SAA KƆYINDI KO A 3:3

Koe min na mu, wo mu tun mɔɛ n fan na, miin faa ma koe n benden mu an ma. Toomaya ɛ wo tɛ ɔ, a basan koɛ a. Chɛ ɛ a ɔ yian fan, mbɛ wo e koe ma tena wan yɔ mɔɛ nu, miin mbe ee Yataa chia ma.

GBOO FEAN BƆƐ KƆYINDI KO A 12:20

N faa gbaaenɛ mu, kɔkɔɛ ni n che‑a wo tena, n mbe ee na‑a wo tan‑da, yɔ n toen mu n ni wo tan buɛ min dɔ. A sin to, kɔkɔɛ wo wɛɛ, wo ee na‑a to‑a n ma buɛ a, wo ta faa ma ɔ. N chiandenɛ mu, n ma na koɛ tan wo tɛ ɔ, a basan toomaya a. A yɛ to, faagbandia basan wo ta diana koe n dechee a, main chɛ basan ko ɔ fɔɛ a, dɔpanda basan ko a fasanɛ a.

Gboo Kadesia Ko A 5:15

Chɛɛ ni wo‑a wo nyɔn chin, wo ni wo nyɔn kasaa, chɛ ni ma wo yii ma. Mbɛ ni wo ma tima ya ni, wo e ban‑da wan wo nyɔn kasaa‑a gbae.

Gboo Kadesia Ko A 5:20

A mu to fenɛ n fai koe an na, fenɛ miin ma Yataa a, ni yawa gbasi, a basan chɛɛ ma nyɔncha a. A yɛ to, koɔ wa, toomaya, ni faa gbandiaya. A sin, an mbe to dechee an fandi an na, mbɛ an du‑a ben‑da gbambe ma.

Gboo Kadesia Ko A 5:26

Mmɔ ma yonka tɛ, mmɔ sin ma sɛ mmɔ nyɔn faa ma, mmɔ sin ma toomaya bɔ mmɔ nyɔn na.

Gboo Ɛfisɔsi Ko A 4:22

Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

Gboo Ɛfisɔsi Ko A 4:25

Chɛ an fɛ mu, wo wo boo bɔ fania fɔɛ ɔ. Wo gbɛɛ, wo tea fɔ wo nyɔn ye. Koe min na mu, mmɔ gbɛɛ, mmɔ mu gboo dɔndɔɛ an na, Chasi ɔ.

Gboo Ɛfisɔsi Ko A 4:26

Wo faa ni tɛ wɛɛ, wo ma ko yama ma. Wo faa gbu sin, a ma tɛ, a ka sauma ma, aan tee ni bea.

Gboo Ɛfisɔsi Ko A 4:29

Ni wo ma‑a koɔ‑a, bai yama ma bɔ wo da ɔ. Chɛɛ bai miin nyin dechee a fɔ koe a, a tima chɛ kɔɔ, wo e an fan fɔ. Bai chɛ nu, miin mbe mɔɛ n faa ma nande, a yɛ to, miin mbe basan an ma.

Gboo Ɛfisɔsi Ko A 5:4

Wo ma maumaya ko ma, wo gbu sin ma kun dɔ ban bai sa. A yɛ to, wo ma damba dambaya koe ma. Koe chɛ n dɔndɔ wɛɛ, a ma ma bɛn ni an ma koe a. Chɛɛ wo e min ma, tima ɔ tima ko a, wo Yataa wai bɔ.

Gboo Kɔdɔsai Ko A 3:5

Chɛ an fɛ mu, dunya chɛ ɔ koe nu, miin na di wo ye, wo faa ni fa an ko a. Koe nu, yɔ ko tɛ kan kɔ kan, wo e na to dɛ‑a fuu ɔ, ni ko yama dɔ mende nu. A yɛ to, yiinachii yama, ni dunya ma koe ben koe a mɔɛ ɔ, a basan fenkoya wa a. Chɛ nɛnɛ ɛ wan dechee, yɔ fenɛ fai koe a, min ma Yataa a.

Gboo Kɔdɔsai Ko A 3:9

Wo ma fania fɔ wo nyɔn ye, koe min na mu, wo‑a wo boo bɔ wan wo sɔn kɔma n dɔ.

1 TIMOTI 1:13

N na‑a a main fan, mbɛ n‑na ko ma gbaaenɛ si a 'a mɔɛ n na. Chɛɛ Yataa chinchin‑da wan n ma, koe min na mu, danaya nii n dɔ a tima a Chisɔsi Chasi ko a, a sin, n nii ma a ɔ sɔn n ni koe min ma tena.

1 TIMOTI 1:20

Mɔ dɔndɔ mu Imenayɔsi a, an fea Adɛsanda a. N‑na an be Sitana ma, a ni an na tɔɔya, min mbe a ma, an ni sɛmbɛ Yataa main‑da.

GBOO IBU MƆƐ N KO A 12:1

Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.

CHIMISI 2:7

An fan mbe baa bɔ tena mɔɛ chɛ tɔɛ chɛndɛ ma, Chisɔsi Chasi, min ta mu wo a.

1 PITA 2:1

Chɛ an fɛ mu, wo wo boo bɔ ko yama ma gbɛɛ ɔ. Wo sɛmbɛ fania fɔ koe a. A yɛ to, wo sɛmbɛ ma koe a nɛnɛn fea ti n na. A sin, wo main chɛ kan kɔ kan boo ka, mbɛ wo sɛmbɛ‑a too koe a mɔ dɔ gbɛɛ n na.

2 PITA 2:18

An mbe bai n fɔ wan, yiimatɛ ee miin dɔ, dɔpandaya bai nu. An mbe koe yama n ma to, miin na di an gboo n ye. An mbe chɛ n ma, mɔɛ chɛ n bia koe an na, mɔɛ chɛ miin‑na a kuu sɔ an kunɛ bɔ‑a an ko yama chɛ n dɔ.

2 PITA 2:7

Yataa ni mɔ yama chɛ n kasaa tena tima min na, a na‑a kai Dɔti kun bɔ wan a ɔ suun. Dɔti chɛ ni mɔ chɛndɛ an na, a sin faa na‑a yɔn fan, tima min na an mɔɛ chɛ n ni ko yama yama chɛ n ma tena.

CHUDA 1:13

A yɛ to, ni yii fa‑a, ɛ fenɛ n na fɔnɔ wan tindi ma, mbɛ a yɛ‑a. Mɔɛ chɛ n bɛɛ, an mbe ka wan. An mbe an 'na mauma koe n to ka wan an gbaa, mbɛ an ta‑a. An mbe wan to yɔ tɔmbuaka chɛ nu, miin ka‑a chia chɛ ma, Yataa‑a min yian an na, mbɛ an ta‑a an ta gbee a. Yataa‑a kaina ɔ bɛn an ko a, ma koe a pimbi pimbi ɔ kuɔ fɔ ko a.

CHUDA 1:8

Mɔɛ chɛ n bɛɛ, miin na‑a mmɔ tɛ ɔ yɛdɛn, an mbe an ko dɔndɔ gbe chɛ n fan ma tena. An 'na yiinachii ɛ a ma tena wan, an mbe ban‑da don koe a Yataa da a kuiɛ kɔɔ. Ɛ a ma tena wan to, an mbe an fandi gbu gboo bia‑a yama yama, a yɛ to, an mbe maeka n main‑da.

KO Ɔ NUNDENƐ 16:9

Tee chɛ win ba chɛ‑a mɔɛ n ma fufu wan. Chɛɛ an ma an kan kɔ sɔ ni an 'na ko yama n na, an ma Yataa bai ni, a 'a gbasaya ko a. An‑na min ma, an‑na a main fan, gbasaya ɛ ka a wɛn boo ɔ kasaa koe chɛ n kun ma.