Gboo Kɔdɔsai Ko A 3:5 - Yataa 'a Dɔbɛnɛ Nama

⁵ Chɛ an fɛ mu, dunya chɛ ɔ koe nu, miin na di wo ye, wo faa ni fa an ko a. Koe nu, yɔ ko tɛ kan kɔ kan, wo e na to dɛ‑a fuu ɔ, ni ko yama dɔ mende nu. A yɛ to, yiinachii yama, ni dunya ma koe ben koe a mɔɛ ɔ, a basan fenkoya wa a. Chɛ nɛnɛ ɛ wan dechee, yɔ fenɛ fai koe a, min ma Yataa a.

Gboo Kɔdɔsai Ko A 3:5 ပူးပေါင်းရင်းမြစ်များ

MATIU 15:19

A mu min na, ko yama gbɛɛ ɛ bɔ mɔ gbu yiima an dɔ. A ni ma mɔ fa koe an na, kanka chɛ ko mu, fania fɔ mu, ni tɔ ɔ tɛ yama chɛ. A yɛ to, a ni ma waa ma basan koe a mɔɛ a, wo ee fuu ɔ min na, ni ko tɛ koe wɛɛ.

GBOO DOMI KO A 1:26

Chɛ an fɛ mu, Yataa‑a an to nɔ, an ni maumaya koe tɛ. Musu n bɛɛ an tɛ ɔ, an mbe waa ma basan fan an nyɔn na. Yataa ma chɛ a bɔ ni dunya chɛ ɔ.

GBOO DOMI KO A 1:29

Ko yama nu, an fan faenɛ an faa an na gban. An toen mu an bɔ n boo fenɛ n fan na, an toen mu to fen fen ni ma an dɔndɔ gbe ta a, an ma to ni an nyɔn na, an sin mbe an nyɔn fa wan. A yɛ to, an mbe butuinɛ chɛ, an mbe an nyɔn bun, an mbe ta‑a yiinachii yama chɛ‑a an nyɔn na. A sin to, an mbe an nyɔn tɔɛ ɔ tɛ ka wan.

GBOO DOMI KO A 6:13

Wo sin gbu ma wo wandi be chia ɔ chia a ko yama ma, wo ma wo boo chɛ ko yama n dɔ. Chɛɛ wo e min ma, wo wo wandi be Yataa ma. Wo a ma yɔ mɔɛ nu, miin‑na fɔɛ ma sɔn, a ka saya ɔ. Wo wo wandi gbɛɛ be a ma, a ma koe a wo ni tea koe n ma.

GBOO DOMI KO A 6:6

Mmɔ‑a a ɔ sɔn fan, mbɛ Chisɔsi ni gbangban tena tima min na kɔn gbengbanden chɛ ma, mmɔ sɔn kɔma n bɛɛ gbangban‑da wan a ma. Chɛ ma‑a min mbe a ma, Yataa ni mmɔ sɔn kɔma n bɔ mmɔ faa n dɔ. Chɛ ɛ a ma‑a wan, mmɔ ee ma‑a to yɔnɛ n na mmɔ 'a ko yama n boo ɔ.

GBOO DOMI KO A 7:23

Chɛɛ n‑na a ɔ sɔn gbɛ n faa ɔ, mbɛ n mbe bea tena sawa dɔ gbɛɛ an fɛ. An sawa chɛ, ɛ butuinɛ chɛ tena wan sawa chɛ a, n toen mu min na n yiima ɔ. A‑a n ma yɔnɛ a, sawa chɛ boo ɔ, min mbe n yiima ɔ.

GBOO DOMI KO A 7:5

Tima min na mmɔ ni mmɔ kun ye, sawa chɛ na‑a mmɔ 'a ko yama n na kunɛ wan mmɔ ɔ, mmɔ gboo bankandenɛ ni miin ma koe a. A sin, mmɔ faa ma koe yama chɛ n fan‑na a ma, mbɛ saya‑a mmɔ boo kana bia.

GBOO DOMI KO A 8:13

Koe min na mu, ni wo ma‑a an gbasaya chɛ kɔɔ, wo e na‑a wan fa‑a kuɔ fɔ ko a. Chɛɛ ni Yataa Nyina chɛ‑a a ma, wo sɛmbɛ‑a fion an ko yama n na, wo e kuɔ fɔ fɔɛ ma sɔn‑da wan.

GBOO SAA KƆYINDI KO A 5:1

A che‑a n ma, mbɛ mɔ dɔndɔ wo tɛ ɔ nɔ, Kɔyindi chɔchi ɔ, ɛ ko yama ma tena, an fea musu a. Mɔɛ miin ma Yataa sɔn, an mbe ee ko yama miin nyɔn sima n ma, wo bɔɛ chɛ ɛ an fan ma tena. An‑na a gbu fɔ n ye, mbɛ ɛ waa ma basan tena wan, a de tinanɛ a.

GBOO SAA KƆYINDI KO A 6:11

Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.

GBOO SAA KƆYINDI KO A 6:13

Wo dɔ n sin mbe a fɔ, wo ɔ, “Daun fenɛ ɛ bu an ko a,” wo ɔ, “bu wɛɛ ɛ daun fenɛ ko a.” A gbu sin mbe ka wan. Chɛɛ tee dɔndɔ a, Yataa ɛ a ma‑a wan, an fea gbɛɛ ee ma‑a to nɔ. Wo gboo ee nɔ, min mbe a ma, wo ni koe tɛ. Chɛɛ wo tachɛ koe mu Chisɔsi ko a, mbɛ wo gboo kɔ koe sin, a ma‑a Mansa Chisɔsi wɛɛ ma.

GBOO SAA KƆYINDI KO A 6:18

Wo wo boo bɔ waa ma basan ko yama kan kɔ kan dɔ. Koe min na mu, ko yama kan kɔ kan, mmɔ ɛ min ma, a ee mmɔ gboo tɔɔ. Chɛɛ mɔɛ min mbe koe tɛ, a‑a ko yama si a wandi gboo a.

GBOO FEAN BƆƐ KƆYINDI KO A 12:21

N faa gbaaenɛ mu, mbɛ ni n yɛ‑a to nɔ wo tena, n 'na Yataa ɛ a ma‑a wan, a ni n ma yii, wo ya kɔɔ. A sin, n mbe na‑a di chɛ‑a wan, a si mɔɛ chɛ n sɛsɛ wakoe ma, miin na‑a ko yama ma, an sin ma an kan kɔ sɔ ni ko yama ma a. An 'na ko tɛ chɛ, min danka ee ka.

Gboo Kadesia Ko A 5:24

Mɔɛ chɛ n sin, miin gbɛɛ, an mbe Chisɔsi Chasi ko a, an‑na chɛ an ma. Koe gbɛɛ, min ma nyin an 'na mɔgbuya ɔ, an faa ɛ miin dɔ chɛndɛ chɛ, an‑na an gbangban kɔn gbengbandenɛ ma.

Gboo Ɛfisɔsi Ko A 4:19

An ma‑a gbɛ mɔɛ n na, ko ee miin faa gbaa, a sin, an‑na an kunɛ a fuin gbɛ ko yama ma koe a. An ma bɛndenɛ mu, tima ɔ tima ko a, ko yama ma koe a.

Gboo Kɔdɔsai Ko A 2:11

Wo ma min chɛ‑a mɔ dɔndɔɛ a, wo bɛ Chasi a, wo a ban‑da kamincha‑a. Mɔ gbu ta da kamincha ma, chɛɛ Chisɔsi ta mu. A sin‑na a ma, mbɛ wo kunɛ bɔ‑a wo 'a ko yama n dɔ, miin ma nyin mɔgbuya chɛ ɔ.

Gboo Saa Tɛsadonika Ko A 4:3

Yataa toen mu wo ni ma tenchen a wan ko a, wo ni wo boo bɔ ko tɛ kan kɔ kan dɔ.

Gboo Saa Tɛsadonika Ko A 4:5

Wo ma ma koe tɛ mɔɛ n na, yɔ mɔɛ chɛ nu, miin ma Chisɔsi sɔn.

1 TIMOTI 6:10

A mu min na, kɔpɔɛ koe, ko yama sɛsɛ ɛ a kuu sɔ an ma. Kɔpɔ koe wa dɛgbɛ chɛ, an‑na a ma, mɔɛ dɔ n ka‑a danaya chia ma Chisɔsi a, a sin‑na an na dɛ faa yɔn koe n dɔ.

GBOO IBU MƆƐ N KO A 12:16

Mɔ ɔ mɔ ma ko tɛ ma a ma gbɔsɔɛ a, wo tɛ ɔ. Mɔ ɔ mɔ ma ma wo tɛ ɔ, Yataa wakoe ee min faa ɔ, yɔ Isɔ. Den saa ni a a, chɛɛ a tana, daun fen dɔndɔ gbe ko a, a‑a an tea ma tachɛ wan.

GBOO IBU MƆƐ N KO A 13:4

Basɔmaya wa ni be fuu ma, wo gbɛɛ tɛ ɔ. A sin, wo ma waa ma basan mɔ dɔ mende n na, wo ee miin na fuu ɔ. Koe min na mu, mɔɛ min mbe koe tɛ, ɛ waa ma basan mɔ dɔ mende n na, Yataa ɛ a mɔɛ chɛ gbɛmbo‑a wan.

GBOO IBU MƆƐ N KO A 13:5

Kɔpɔɛ wakoe ma ma wo faa ɔ kaka. Chɛɛ fen kɔ fen min mbe wo boo ɔ, wo bu ɔ ni dia, mbɛ ɛ wo boo ɔ. Koe min na mu, Yataa‑a a fɔ wan a 'a gboo ɔ, a ɔ, “N mbe ee i dɔndɔ gbe to‑a, n sin, n mbe ee i boo ka‑a.”

CHIMISI 4:1

Koe n fan mbe a ma wo ee bɛn, an mbe a ma, koɛ ɛ don wo tɛ. Wo faa ma koe chɛ nu, an fan mbe ma ka wo tɔɔ‑a.

1 PITA 2:11

N dia nyɔɛ nu, sonda mu wo a nɛ dunya chɛ ɔ, mɔ gbama gbama nu. Chɛ an fɛ mu, n mbe wo disa tena, wo ma bea wo gboo faa ma koe n fan fɛ. Tima ɔ tima ko a, an koe chɛ n mbe butuin chɛ an na, wo fo koe a Yataa 'a bauncha a.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”

KO Ɔ NUNDENƐ 22:15

Chɛɛ mɔɛ chɛ n nɛnɛ nu, wuu chɛ nu, an mbe ma‑a an duu wa chɛ fɛnsi kɔ wan. Mɔɛ nu, miin mbe suaya a, ni miin mbe ko tɛ a. Chɛ n bɛɛ miin mbe mɔɛ fa, ni miin mbe fenɛ n fai, min ma Yataa a. A basan chɛ n gbɛɛ a, miin toen mu fania koe n na, an sin mbe fania fɔ tima ɔ tima ko a.