Gboo Kɔdɔsai Ko A 3:4 - Yataa 'a Dɔbɛnɛ Nama

⁴ Chasi dɔndɔ gbe, an mbe a ma wo ni ma fɔɛ nama ɔ. A sin, ni a yɛ‑a to dunya chɛ ɔ, wo bɛ an mbe ma‑a a a. A sin mbe ma‑a Yataa 'a manɛ min dɔ, wo wɛɛ, wo e ma‑a an dɔ.

Gboo Kɔdɔsai Ko A 3:4 ပူးပေါင်းရင်းမြစ်များ

MATIU 13:43

Chɛɛ mɔɛ miin tanden mu Yataa tena, an mbe man‑da wan taun, yɔ tee manɛ an Fa Yataa 'a mansaya kɔɔ. Chɛ an fɛ mu, wo wɛn too ɛ koe a min, wo chɛ a min.”

DUKU 17:30

Ɛ ma‑a ka wan to an tee chɛ ma, tee min ma, n fan, Mɔ Gbu 'a Denɛ, n mbe n 'na gbasaya ɔ yian‑da.

CHƆN 11:25

Mbɛ Chisɔsi ɔ te to a ma, “N fan mbe a ma, mɔɛ n mbe an kɔɔ sɔ, a ka saya ɔ, mbɛ n‑na a ma to, an‑na fɔɛ ma sɔn. An ni a fɔ mɔɛ ni fa wɛɛ, ɛ a tun fan ma koe a fɔɛ ɔ, ni a kai faen fan ni n na.

CHƆN 14:3

A sin, ni n ta‑a, mbɛ n‑na kaina chɛ ɔ bɛn wo ko a, n mbe yɛ‑a wan to nɛ wo ya ɔ. Mbɛ n‑na a ma, mmɔ ta‑a, min mbe a ma‑a, n mbe ma‑a kaina min, wo wɛɛ, wo ni ma nɔ.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

CHƆN 20:31

Chɛɛ miin nyɛndenɛ ɛ ka gboo chɛ ɔ, an nyɛn‑da, min mbe a ma, wo ni wo kai fa Chisɔsi a, mbɛ a wan mu kunka mansa a. A yɛ to, mbɛ Yataa 'a denɛ mu a a, a sin, ni wo‑a wo kai fa a a, wo e kuɔ fɔ fɔɛ ma sɔn‑da wan.

CHISƆSI 'A SƆ MƆƐ NU 3:15

A sin, wo‑a Chisɔsi fa wan, gbasaya ɛ min boo ɔ, kuɔ fɔ fɔɛ be koe a. Chɛɛ Yataa‑a Chisɔsi gbu kɔɔ sɔ wan, a ka saya ɔ. Nn sin mbe siiya bɔ tena wan chɛ ma.

GBOO DOMI KO A 8:18

Sanche, mmɔ ɛ mɔnɛ ɔ bia tena. Chɛɛ n danden mu a a chɛndɛ chɛ, mbɛ mmɔ ɛ ka mɔnɛ min dɔ bia tena sanche, a a ma kan ni basɔmaya chɛ a, Yataa ɛ min be‑a mmɔ ma ya ɔ ma.

GBOO DOMI KO A 8:19

Yataa‑a fenɛ miin gbɛɛ a dan, an gbɛɛ ɛ wan gbɛ makɔnɛ chɛ‑a nyaka, nyaka, tima chɛ ko a, tima min na Yataa ɛ a 'a denɛ n yian‑da.

GBOO SAA KƆYINDI KO A 1:7

Chɛ ko a, Yataa Nyina ɛ dua kan kɔ kan min mbe, koe n ma koe a, wo‑a an ma sɔn, wo e ta‑a mmɔ 'a mansa Chisɔsi Chasi yɛ tima ma kɔn‑da.

GBOO SAA KƆYINDI KO A 15:43

Mɔ su ɛ ma tɔn‑da, baa ee ma to a ma. Chɛɛ a kɔɔ sɔ buɛ nan tana, a ka saya ɔ, baa ɛ ma wan a ma. Mɔɛ ɛ ma tɔn‑da, a su chɛ, gbasaya ee ma a boo ɔ. Chɛɛ a kɔɔ ɛ ma sɔ‑a, ɛ ma gbasaya an dɔ.

GBOO FEAN BƆƐ KƆYINDI KO A 4:17

Nn mbe ko gbɛama miin dɔ bia tena ka sanche, ɛndenɛ mu, a sin, an dɔ ee mɛ tena. Chɛ an mbe na‑a kuɔ fɔ tɔnɔnɛ wa an na, min benden mu kaka ko gbɛama chɛ n ma.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Fiipai Ko A 3:21

Mmɔ gboo chɛ, baa a tenden mbe ee ka min ma, a wan mbe a mun‑da. A sin, ɛ a ma‑a wan, yɔ a ta gboo, min kamayaen mu. A 'a gbasaya min mbe a ɔ, min mbe a ma, fen kɔ fen mbe don a kɔɔ, ɛ an na tachɛ a a.

Gboo Saa Tɛsadonika Ko A 4:17

Mbɛ a tima chɛ a, mmɔ wɛn mbe ma‑a fɔɛ ɔ, mmɔ bɛ an na, mmɔ gbɛɛ ɛ ya a wan, mmɔ a ni sɔn dugbu ɔ banda a. Chɛ an mbe ma‑a, mmɔ ni Mansa Chisɔsi tan. Chɛ ɛ a ma‑a wan, mmɔ bɛ ni ma kuɔ fɔ ko a.

1 TIMOTI 6:14

dasi chɛ ya i sɔɛ a. I ni tachɛ teaya ɔ, mabɔ ee min ma, aan tee chɛ ni che, tee min ma mmɔ 'a mansa Chisɔsi Chasi ɛ na‑a to.

2 TIMOTI 1:1

N fan Pɔɔ, n fan mbe ka gboo chɛ nyɛn‑da i tena, i wan Timoti. N faa ma denɛ mu gbɛ i a. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. A‑a n sɔ, n ni a ɔ yian mɔɛ n na, mbɛ ni mmɔ ma‑a mɔ dɔndɔɛ a, mmɔ bɛ Chisɔsi Chasi a, an mbe a ma, mmɔ ni kuɔ fɔ fɔɛ ma sɔn. Yataa na‑a a fɔ ka wan. Mmɔ Fa Yataa, an fea mmɔ 'a mansa Chisɔsi Chasi a, an 'na dua ni ma i ma, an 'na chinchimaya ni ma i ma, a basan an 'na faachima a.

2 TIMOTI 4:8

A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

1 PITA 1:13

Chɛ an fɛ mu, wo wo yiima ɔ bɛn gbɛ chɛndɛ chɛ, wai n chɛ koe a, wo e min chɛ. Wo kun wo tachɛ buɛ kun ma fɛn‑da tima ɔ tima ko a, wai chɛ koe a. Wo yii na tɛenɛ ni ma gbae dua chɛ ma, min mbe be‑a wo ma. Dua chɛ, wo e min sɔn‑da, Yataa ɛ Chisɔsi Chasi yian‑da tima min na.

1 PITA 5:4

A sin, ni Chasi‑a a kunɛ a bɔ, a wɛn mu mɔɛ n kun ma fɛn mɔɛ n 'na mansa a, wo e banfua chɛ ma sɔn‑da wan, baa koo min ma. Banfua an nɛ, min mandenɛ ɛ ma‑a taun kuɔ fɔ ko a.

1 CHƆN 2:28

N 'na denɛ nu, tea ko a, wo wo boo a chii, ma koe a mɔ dɔndɔɛ a, wo bɛ a a. Chɛ ɛ a ma‑a wan, mmɔ kunɛ kɔɔ sɔenɛ ni ma a tena, mmɔ ee na‑a mmɔ ya kɔɔɛ nun‑da a ma tima chɛ a, ɛ na‑a to tima min na.

1 CHƆN 3:2

N dia nyɔɛ nu, Yataa 'a denɛ mu gbɛ mmɔ a. A sin, mmɔ ma chɛ ɔ gbɛ nin bɛ, mmɔ ɛ ma‑a buɛ min dɔ ya ɔ ma. Chɛɛ mmɔ‑a a ɔ sɔn fan, mbɛ ni Chisɔsi na‑a to, mmɔ ɛ ma‑a wan yɔ a wan. Koe min na mu, mmɔ ɛ a ma gbɛ‑a wan gbadan, yɔ ɛ buɛ min dɔ.

1 CHƆN 5:12

Mɔ ɔ mɔ min ma‑a gbɛ mɔ dɔndɔɛ a, an fea Yataa 'a denɛ Chisɔsi a, a‑a fɔɛ chɛ ma sɔn. Chɛɛ mɔ ɔ mɔ min ma ma ni mɔ dɔndɔɛ a, an fea a 'a denɛ chɛ a, a mɔɛ chɛ ee fɔɛ chɛ ma sɔn.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.

KO Ɔ NUNDENƐ 2:7

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ miin mbe sɔ‑a gban Yataa ko a, an mɔɛ chɛ nu, n mbe a ma‑a wan, an ni kɔnɛ chɛ gbɔɛ daun, kɔn chɛ Yataa 'a yadi ɔ banda bu ɔ, min mbe kuɔ fɔ fɔɛ be.”

KO Ɔ NUNDENƐ 22:1

Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.

KO Ɔ NUNDENƐ 22:14

Mɔɛ chɛ n duaen mu, miin mbe an 'na koa ko‑a, min mbe a ma, an ni don duu wa chɛ ɔ, fɛnsi chɛ da chɛ n na, mbɛ an‑na kɔn chɛ gbɔɛ daun, kɔn chɛ min mbe fɔɛ be ka.