Gboo Kɔdɔsai Ko A 3:24 - Yataa 'a Dɔbɛnɛ Nama

²⁴ Wo e ma‑a ka wai chɛ‑a kun ti min ko a, a mu Chasi an na. A sin ni ma wo yii ma, mbɛ wo e wo 'a tɔnɔnɛ ma sɔn‑da Mansa Chisɔsi an na.

Gboo Kɔdɔsai Ko A 3:24 ပူးပေါင်းရင်းမြစ်များ

MATIU 10:41

Mɔ ɔ mɔ min mbe a boo si‑a Yataa 'a gbonka chɛ mɔɛ kɔɔ, koe min na mu, a dan‑da a a, mbɛ Yataa 'a gbonka chɛ mɔɛ mu a a, Yataa ɛ tɔnɔnɛ be‑a wan an mɔɛ chɛ ma, yɔ ɛ min nyɔn sima be a 'a gbonka chɛ mɔɛ nu ma. Ni mɔ ɔ mɔ‑a a boo si mɔɛ kɔɔ, min tanden mu Yataa tena, a mu koe min na, a tandenɛ ɛ Yataa a, Yataa ɛ tɔnɔnɛ be‑a wan an mɔɛ chɛ ma, yɔ ɛ min nyɔn sima be mɔɛ chɛ ma, min tanden mu a a.

MATIU 5:12

Wo bu ɔ ni dia kaka, koe min na mu, Yataa ɛ tɔnɔnɛ chenama sa tena ɔ bɛn‑da wan wo ko a banda bu ɔ. Wo wo faa bia, a mu min na, an‑na ko yawaen dɔndɔ gbe chɛ an sa suun Yataa 'a gbonka chɛ mɔɛ n ma, an‑na min sa ka wo wɛɛ ma.”

MATIU 5:46

Chɛɛ ni wo to‑a dechee mɔɛ n na, miin toen mu wo a a, wo ee tɔnɔn ma sɔn chɛ ko a Yataa a. Koe min na mu, mɔɛ miin mbe pawa kain, an mbe a ma ka wan.

MATIU 6:16

Chisɔsi ɔ, “Ni wo‑a sunɛ bia, wo ma wo ya kɔɔɛ ma digbi digbi, yɔ mɔɛ chɛ n mbe a ma buɛ min dɔ, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a sunɛ bia‑a, an mbe a ɔ yian fan an ya kɔɔɛ ma mɔɛ n na, mbɛ an mbe ka ko gbɛɛ ma wa an dɔ bia tena. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da.

MATIU 6:5

Chisɔsi ɔ, “Ni wo toen mu wo ni samunɛ chɛ, wo ma a ma yɔ mɔɛ chɛ nu, miin‑na an fandi ya mɔ chɛndɛ a, min mu ka mɔ chɛndɛ ma an na. A mu min na, an toen mu sɔ koe a, Chu n 'na samun chɛ chenɛ n na, a basan dani tɔnfɛ n na. An mbe chɛ ma, min mbe a ma, mɔ ɔ mɔ ni an yen samun chɛ‑a. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da.

DUKU 14:14

Mɔɛ n fan nɛ, miin mbe ee che i ta wai nyima a yɛ‑a. Chɛɛ ni i‑a chɛ ma, e dua ma sɔn‑da wan. Tima min na, mɔɛ miin tanden ni Yataa tena, an mbe ma‑a an kɔɔ sɔ‑a a ka saya ɔ, Yataa ɛ a tɔnɔnɛ be‑a wan i ma.”

DUKU 6:35

Chɛɛ wo e min ma, wo to wo ko don ma nyɔɛ n na, mbɛ wo‑a ko chɛndɛ ma an na. Kuiɛ a dɛ, a sin wo ma wo yii na chii a a yɛ koe a wo ma. Ni wo‑a koe chɛ n ma, Yataa ɛ tɔnɔnɛ chenama be‑a wan wo ma, mbɛ wo sɔnɛ bɔ‑a Yataa Wa sɔnɛ a. A mu min na, ɛ ko chɛndɛ ma wan wai nyima sɔn bai n na, a basan chɛ n na, miin yau kaka.

CHƆN 12:26

Mɔ ɔ mɔ min toen mu, a ni ma n kɔɔ, mɔɔ ni a bea‑a n fɛ. Koe min na mu, n 'na bɔi denɛ ɛ ma kaina chɛ wan, n mbe ma‑a kaina min. A sin, Fa Yataa ɛ baa be‑a wan mɔ ɔ mɔ ma, min mbe ma‑a n kɔɔ.

CHISƆSI 'A SƆ MƆƐ NU 20:32

“Sanche gbɛ, n mbe wo kai fa tena Yataa an na. Wo a a tun dan koe a sakana bai chɛ a, a si Yataa 'a koadia demanɛ chɛ ma wo tena. Ɛ kun fan, a ni a ma, wo 'a danaya n dɔ ni gbɛa. A yɛ to, ɛ kun fan, a ni dua chɛ be wo ma, min mbe Yataa boo ɔ, a 'a mɔɛ n gbɛɛ ko a.

GBOO DOMI KO A 1:1

N fan Pɔɔ, Chisɔsi Chasi 'a wai chɛ mɔɛ, n fan mbe ka gboo chɛ nyɛn‑da. Yataa an‑na n chee ma koe a a 'a sɔ mɔɛ a, mbɛ a‑a a ma, n ma‑a tenchen mɔɛ a, min mbe a 'a sakana bai chɛndɛ chɛ ɔ yian mɔɛ n na.

GBOO DOMI KO A 14:18

A sin, mɔ ɔ mɔ min mbe wai chɛ a buɛ chɛ ɔ ka Chisɔsi Chasi ko a, ɛ ma‑a Yataa faa ma koe an na, mɔɛ n bɛɛ bu ɔ dia‑a wan a mɔɛ chɛ ko a.

GBOO SAA KƆYINDI KO A 11:23

Koe min na mu, n bɛɛ n‑na min na ben wo tena, n‑na a ma sɔn Mansa Chisɔsi an na. An na‑a a ma tachɛ ka yɛɛ min ma, a‑a biidi gbugbu ya wan.

GBOO SAA KƆYINDI KO A 3:8

Mɔɛ min mbe chin fenɛ chin, an fea mɔɛ chɛ a, min mbe yii chɛ a ma, an mbe wai dɔndɔɛ an chɛ. Yataa ɛ an fea gbɛɛ pawa‑a wan, yɔ an‑na wai chɛ buɛ min dɔ.

GBOO SAA KƆYINDI KO A 7:22

Koe min na mu, Mansa Chisɔsi ɛ yɔnɛ min chee, a ma‑a mɔ kun kaenɛ a. A chia dɔndɔ gbe chɛ a, mɔɛ min mbe ee yɔncha ɔ, ni Mansa Chisɔsi‑a a chee, a mɔɛ chɛ ma‑a a 'a yɔnɛ a.

Gboo Kadesia Ko A 1:10

Ni n ma‑a chɛ fɔ‑a, n mbe ee ka a ma‑a na tea tea ɔ, mɔ gbu n ni to n na. Chɛɛ n mbe a ma tena wan ka, Yataa faa ni chima n na. Ni n toen ni tun mɔ gbu n faa ma koe an na, n nii che ma‑a tima chɛ a, Chasi 'a wai chɛ mɔɛ a.

Gboo Ɛfisɔsi Ko A 6:6

Wo ma chɛ ma dechee an ya kɔɔɛ ma wan, an faa chima koe a mɔgbuya ɔ. Chɛɛ wo a ma, wo faa gbɛɛ a, yɔ Chasi 'a yɔnɛ nu, miin mbe Yataa faa ma koe ma.

Gboo Ɛfisɔsi Ko A 6:8

Wo ni a ɔ sɔn, ko chɛndɛ kan kɔ kan, mɔɛ ɛ min ma, Mansa Chisɔsi ɛ a nyɔn sima tɔnɔnɛ be wan a ma. Chɛ ɛ ma wan, a mɔɛ chɛ ni ma yɔn fan na, chɛ ma, a ni ma mɔ dɔ mende wɛɛ a.

Gboo Kɔdɔsai Ko A 2:18

Wo ma dɔn mɔɛ chɛ n ni a fɔ wo ye, mbɛ wo ee Yataa chia ma. Mɔɛ chɛ nu, miin toen mu chii koe a wo ma, kooya be koe a maeka n ma, mbɛ wo‑a an fai. A yɛ to, an mbe a fɔ, an dɔ, an mbe koe n dɔ yen fan, miin dɔ nunden mu. An mbe ma‑a ka fania an dɔ, an mbe yonka tɛ‑a, mɔgbuya chia a, tea sin mbe ee a ɔ.

GBOO IBU MƆƐ N KO A 10:35

Chɛ an fɛ mu, wo gboo ɔ ma fa. Koe min na mu, a dankama a, wo e tɔnɔnɛ ma sɔn‑da wan min koo.

GBOO IBU MƆƐ N KO A 11:6

Mɔ ɔ mɔ ee che a ma‑a Yataa faa ni chima, ni an mɔɛ chɛ ma a kai fa ni Yataa a. Koe min na mu, mɔ ɔ mɔ min mbe na Yataa chen kɔɔ, fɔ ni a dan‑da a a, mbɛ Yataa ɛ wan nɔ. A sin, mbɛ Yataa ɛ tɔnɔnɛ be wan chɛ n ma, miin mbe na a tena.

GBOO IBU MƆƐ N KO A 9:15

Chɛ an fɛ mu, Chasi an mbe mmɔ tɛ Yataa a, dɔbɛn nama chɛ ko a. Chɛ ni a ma, Yataa ɛ mɔɛ miin chee‑a, an ni kuɔ fɔ fɔɛ chɛ ma sɔn, min bakoe na‑a don an too ɔ. Koe min na mu, Chasi ban‑da gbɛ saya chɛ‑a, mɔɛ kun ka koe a, a bɔ an 'na ko yama n dɔ, an na‑a miin ma dɔbɛnɛ kɔma kɔɔ.

1 PITA 1:4

Chɛ an‑na a fɔ, fen kuu ma chɛ ɛ wan nɔ, Yataa‑a min sa tena ɔ bɛn a 'a denɛ n ko a. Ɛ wan nɔ banda bu ɔ, wo ko a. Ko ɔ ko ma ma ni a a, a sin, tɔmbɛ ee a ma. An fen chɛ ee tui, a sin mbe ee ka a gba ɔ.

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.

CHUDA 1:1

N fan Chuda, n fan mbe gboo chɛ nyɛn tena wo tena, wo wan Chisian mɔɛ nu. Chisɔsi Chasi 'a wai chɛ mɔɛ mu n na, n fan Chimisi dɔ kaima. Fa Yataa toen mu wo a, a‑a wo chee wan a tena, a sin, Chisɔsi Chasi ɛ wo kun ma fɛn tena wan.