Gboo Kɔdɔsai Ko A 3:17 - Yataa 'a Dɔbɛnɛ Nama

¹⁷ A sin, ni wo ma‑a ko ɔ ko ma‑a, wo da ɔ, ni wo chɛ chɛ wai n dɔ, wo an ma Mansa Chisɔsi tɔɛ ɔ. Ni wo ma‑a chɛ gbɛɛ ma‑a, wo Fa Yataa wai bɔ, Mansa Chisɔsi 'a gbasaya ɔ.

Gboo Kɔdɔsai Ko A 3:17 ပူးပေါင်းရင်းမြစ်များ

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

CHISƆSI 'A SƆ MƆƐ NU 19:17

Mbɛ Chu mɔɛ nu, an bɛ chɛ n na, miin nii ma Chu mɔ a, an‑na koe chɛ a min fan Ɛfisɔsi. Chiandia dɛ‑a wan an gbɛɛ ɔ, mbɛ an‑na basɔmaya wa be wan gbɛ Mansa Chisɔsi tɔɛ ma.

CHISƆSI 'A SƆ MƆƐ NU 4:30

A ma mɔɛ n ni i 'a gbasaya ɔ yen, i 'a baun chɛ ɔ. Gbasaya be nn ma, nn ni kun a ma‑a, kamaya ko wa n ni ma, i 'a wai chɛ mɔɛ Chisɔsi tɔɛ ɔ, min mbe tenchen i ko a.”

GBOO DOMI KO A 1:8

Koe saa mu min na, n mbe Yataa wai bɔ tena wo gbɛɛ ko a, Chisɔsi Chasi 'a gbasaya ɔ. N mbe Yataa wai bɔ tena, koe min na mu, dunya gbɛɛ, an mbe a fɔ tena wan danaya min mbe wo ɔ Chisɔsi Chasi ko a.

GBOO SAA KƆYINDI KO A 10:31

Chɛ an fɛ mu, mɔ ni ma ko ɔ ko kan kɔ kan ma‑a, basɔmaya ni ma i boo ɔ Yataa ko a. A ni ma daun chɛ ko a, a ni ma fen min koe wɛɛ a.

Gboo Ɛfisɔsi Ko A 1:17

N dɔ, mmɔ 'a mansa Chisɔsi Chasi 'a Yataa a, mmɔ fa min kamayaen mu, a ni a Nyina a yii ma koe a wo fɛ. An Nyina chɛ ni a ma, wo ni yiimatɛ wa ma sɔn, koe n dɔ gbɛ koe a chɛndɛ chɛ. A yɛ to, koe miin dɔ nundenɛ ɛ, a si a ma, wo ni an dɔ gbɛ.

Gboo Ɛfisɔsi Ko A 5:20

Tima ɔ tima ko a, mmɔ Yataa wai bɔ, mmɔ Fa. Mmɔ a wai bɔ fen kɔ fen ko a. Mmɔ chɛ ma, Mansa Chisɔsi Chasi tɔɛ ɔ.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 2:11

An gbɛɛ, an ni a bɔ an da ɔ, an dɔ, Chisɔsi Chasi an mu mansa a. Chɛ an mbe na basɔmaya a, mmɔ Fa Yataa tena.

Gboo Kɔdɔsai Ko A 1:12

Nn mbe Yataa wai bɔ tena tima ɔ tima, tɔnɔnɛ chɛ n bɛɛ ma sɔn koe a, a‑a miin be koe fɔ a ta mɔɛ n ma, miin mbe a 'a manɛ kɔɔ. A wan Yataa dɔndɔ gbe, an mbe a gbasaya be wo ma, an ma sɔn koe a.

Gboo Kɔdɔsai Ko A 2:7

Wo ban‑da wo kai fa‑a a a gban. Chɛ an fɛ mu, wo a a tun wo kai fa koe ma a a, wo ma yɛ kuu kɔ. A sin, wo‑a wo kai fa ka buɛ min dɔ a a, wo ma yɛ to kuu kɔ, yɔ a fɔen mu buɛ min dɔ wo ye. Tima ɔ tima ko a, wo Yataa wai bɔ.

Gboo Kɔdɔsai Ko A 3:15

Chasi ɛ faachima min be, a ni ma wo faa ɔ wo nyɔn ko a. Koe min na mu, Yataa‑a wo chee kaina dɔndɔɛ faachima chɛ an ko a, yɔ mɔ gbu sɔna n mbe buɛ min dɔ an nyɔn boo ɔ. A sin nyin wo ni Yataa wai bɔ tima ɔ tima.

Gboo Kɔdɔsai Ko A 3:23

A ni ma wai kan kɔ kan na wo boo ɔ, wo a chɛ wo faa gbɛɛ a. Wo a chɛ yɔ wo e ka a chɛ‑a Mansa Chisɔsi an ko a, chɛɛ mɔ gbu an ma.

Gboo Saa Tɛsadonika Ko A 1:1

Nn fan mbe gboo chɛ nyɛn tena, n fan Pɔɔ, Sidasi, ni Timoti. Nn mbe a nyɛn tena wo wan chɔchi mɔɛ chɛ n fan tena pan Tɛsadonika duu ɔ. Wo wɛn mbe kuiɛ dɔndɔya ɔ, wo bɛ mmɔ Fa Yataa a, an fea Mansa Chisɔsi Chasi a. Yataa ni wo dua, a ni faachima be wo ma.

Gboo Saa Tɛsadonika Ko A 5:18

Wo ma min chɛ‑a mɔ dɔndɔɛ a Chisɔsi Chasi a, Yataa toen mu wo ni chɛ an ma. Ko ɔ ko ni wo tan, wo ni a wai bɔ.

GBOO FEAN BƆƐ TƐSADONIKA KO A 2:17

A ni wo faa ma nande, wo ɔ ni gbɛa. Chɛ ni a ma, tima ɔ tima ko a, wo ni bai sa min nyin, a yɛ to, wo ni koe ma min nyin.

GBOO IBU MƆƐ N KO A 1:5

Koe min na mu, Yataa na‑a min fɔ a 'a denɛ ye, a nii ma a nyɔn fɔ ni maeka kan kɔ kan ye. A‑a a fɔ wan a 'a gboo ɔ, a ɔ, “N 'na denɛ mu i a. N ma‑a i fa a bi.” Chɛɛ a nii ma a fɔ ni a 'a gboo ɔ, maeka kan kɔ kan ma, a ɔ, “N mbe ma‑a wan i fa a, mbɛ i wɛɛ ma‑a n 'na denɛ a.”

GBOO IBU MƆƐ N KO A 13:15

Chɛ an fɛ mu, mmɔ tando be Yataa ma, tima ɔ tima ko a. Mmɔ 'a yasi dɔndɔ mu chɛ an na, mmɔ ɛ min be a ma, Chisɔsi 'a gbasaya ɔ. Mɔɛ min mbe a fɔ, a ɔ, ɛ Yataa an ko a, a ɛ chɛ an fɔ.

1 PITA 2:5

Wo na Chisɔsi tena yɔ senɛ miin mbe fɔɛ ɔ. Wo a ma Yataa ni a 'a chenɛ sɔ wo a. A yɛ to, wo e ma‑a tenchen tɛ mɔɛ n fan na, mɔ gbu n tɛ ɔ Yataa a. Nɔ mu wo e basɔmaya fenɛ n be‑a Yataa ma, ɛ a boo si‑a miin kɔɔ. Chɛ ɛ ma‑a wan, a mu min na, Chisɔsi na‑a a ma wan.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

1 CHƆN 2:23

Koe min na mu, ni mɔ ɔ mɔ ban‑da Yataa 'a denɛ ɔ, a mɔɛ chɛ ban‑da ka Fa Yataa wandi an dɔ. Ni mɔ ɔ mɔ‑a a boo si Yataa 'a denɛ kɔɔ, a‑a a boo si ka Fa Yataa wandi wɛɛ an kɔɔ.

1 CHƆN 3:18

N 'na denɛ nu, mmɔ 'a koadia, a ma ma dechee bai n na, mmɔ ɛ miin fɔ. A ni ma tea koadia a, min dɔ ɛ yian mmɔ chɛ chɛ wai an dɔ.