Gboo Kɔdɔsai Ko A 3:15 - Yataa 'a Dɔbɛnɛ Nama

¹⁵ Chasi ɛ faachima min be, a ni ma wo faa ɔ wo nyɔn ko a. Koe min na mu, Yataa‑a wo chee kaina dɔndɔɛ faachima chɛ an ko a, yɔ mɔ gbu sɔna n mbe buɛ min dɔ an nyɔn boo ɔ. A sin nyin wo ni Yataa wai bɔ tima ɔ tima.

Gboo Kɔdɔsai Ko A 3:15 ပူးပေါင်းရင်းမြစ်များ

CHƆN 14:27

“N mbe wo to tena faachima an dɔ. Faachima min nyɔn sima ɛ n dɔ, n mbe an be tena wo ma. N ta faachima, n mbe min be, a ee ka yɔ dunya chɛ ɔ nɛnɛ. Wo ma ma faamɔnɛ ɔ, a sin to, wo ma chian, a si koe chɛ n ma, miin mbe ma‑a.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

GBOO DOMI KO A 1:21

An‑na a ɔ sɔn fan, mbɛ Yataa ɛ wan nɔ, chɛɛ an mbe ee a tando a chia ma, an sin mbe ee a wai bɔ. An mbe yiinachii miin chɛ, ko ɔ ko ee bɔ an dɔ. Fen kɔ fen mbe ee an 'na yiinachii n dɔ, a mu min na, yiinachii yama n fan mbe an dɔ.

GBOO DOMI KO A 14:17

Koe min na mu, mmɔ ɛ fenɛ miin daun, mmɔ ɛ miin min, an fan mbe ee Yataa ma mmɔ 'a mansa a. Chɛɛ a kuu si mu tan koe an na a tena, ni faachima, a basan buɔdia chɛ a, Yataa Nyina ɛ min be mmɔ ma.

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO DOMI KO A 5:1

Chɛ an fɛ mu, mmɔ ya‑a mɔ tandenɛ n na, mmɔ 'a danaya ko a Yataa a. Chɛ an‑na a fɔ gbɛ, mmɔ 'a mansa Chisɔsi Chasi‑a a ma, mmɔ ɛ faachima ɔ Yataa a.

GBOO SAA KƆYINDI KO A 10:17

Mmɔ da a koo, chɛɛ mɔ dɔndɔ gbe mu mmɔ a, a mu min na, mmɔ ɛ biidi gbugbu dɔndɔ gbe an daun.

GBOO SAA KƆYINDI KO A 7:15

Chɛɛ ni mɔɛ n ma‑a fuu ɔ, min ma ka Chisianɛ a, a toen mu an ni du, yuu tɛen fan mu an ma, du koe a. Chɛɛ chɛ gbɛɛ ɔ, ni ɛ bɛn fan, an ni to an fuu chɛ ɔ. Yataa toen mu, mmɔ ni ma faachima an dɔ, mɔ dɔ mende n na.

GBOO FEAN BƆƐ KƆYINDI KO A 4:15

Koe min na mu, wo ko a mu, koe chɛ n gbɛɛ n mbe ma tena. A sin, Yataa 'a koadia demanɛ ɛ che tena buɛ min dɔ mɔ sɛsɛ ma, an bɛɛ, an mbe Yataa wai bɔ ka wan, min mu basɔmaya a a tena.

GBOO FEAN BƆƐ KƆYINDI KO A 9:11

Ɛ a ma‑a wan i nyanden ba ni ma, ko chɛndɛ ma koe a, tima ɔ tima ko a. Chɛ ɛ a ma wan, mɔ sɛsɛ ni Yataa wai bɔ, i boo fenɛ chɛ n ko a, an mbe miin ma sɔn, a ka nn na.

Gboo Ɛfisɔsi Ko A 4:16

Chasi an mbe na a 'a mɔɛ n gbɛɛ a kaina dɔndɔɛ. Ɛ wan dechee yɔ mɔ gbu gboo, ni a sɔna nu, an gbɛɛ‑a tun tunden mu buɛ min dɔ. Fasa mɛsɛ chɛ nu, miin mbe an dɔ, an tɛ ma tɛ ni, a sin an mbe wai chɛ kuiɛ dɔndɔya an dɔ. Ni an gbɛɛ ma‑a wai chɛ‑a chɛndɛ chɛ, mbɛ mɔ gbu gboo koa‑a, a ɔ gbɛa‑a gbechen. Mɔɛ n bɛɛ, miin mbe chɔchi ɔ, ni an to‑a an nyɔn na, an ni wai chɛ kuiɛ dɔndɔya ɔ, chɔchi ɛ koa wan Chasi 'a gbasaya ɔ.

Gboo Ɛfisɔsi Ko A 4:4

Mmɔ gbɛɛ, mmɔ dɔndɔɛ mu mmɔ a, yɔ Chasi gboo ɛ buɛ min dɔ. Koe min na mu, Yataa Nyina, min mbe mmɔ fɛ, ɛ dɔndɔ gbe. Ɛ ka wan dechee, yɔ yiinatɛ chɛ wɛɛ, Yataa‑a mmɔ chee min ko a, a sin mbe mmɔ ɔ.

Gboo Ɛfisɔsi Ko A 5:1

Chɛ an fɛ mu, wo mu ka buɛ min dɔ Yataa faa ma denɛ n na, a nyin gbu wo ni butuin chɛ, wo ni a sɔnɛ ya.

Gboo Ɛfisɔsi Ko A 5:20

Tima ɔ tima ko a, mmɔ Yataa wai bɔ, mmɔ Fa. Mmɔ a wai bɔ fen kɔ fen ko a. Mmɔ chɛ ma, Mansa Chisɔsi Chasi tɔɛ ɔ.

Gboo Kɔdɔsai Ko A 1:12

Nn mbe Yataa wai bɔ tena tima ɔ tima, tɔnɔnɛ chɛ n bɛɛ ma sɔn koe a, a‑a miin be koe fɔ a ta mɔɛ n ma, miin mbe a 'a manɛ kɔɔ. A wan Yataa dɔndɔ gbe, an mbe a gbasaya be wo ma, an ma sɔn koe a.

Gboo Kɔdɔsai Ko A 2:7

Wo ban‑da wo kai fa‑a a a gban. Chɛ an fɛ mu, wo a a tun wo kai fa koe ma a a, wo ma yɛ kuu kɔ. A sin, wo‑a wo kai fa ka buɛ min dɔ a a, wo ma yɛ to kuu kɔ, yɔ a fɔen mu buɛ min dɔ wo ye. Tima ɔ tima ko a, wo Yataa wai bɔ.

Gboo Kɔdɔsai Ko A 3:17

A sin, ni wo ma‑a ko ɔ ko ma‑a, wo da ɔ, ni wo chɛ chɛ wai n dɔ, wo an ma Mansa Chisɔsi tɔɛ ɔ. Ni wo ma‑a chɛ gbɛɛ ma‑a, wo Fa Yataa wai bɔ, Mansa Chisɔsi 'a gbasaya ɔ.

Gboo Saa Tɛsadonika Ko A 5:18

Wo ma min chɛ‑a mɔ dɔndɔɛ a Chisɔsi Chasi a, Yataa toen mu wo ni chɛ an ma. Ko ɔ ko ni wo tan, wo ni a wai bɔ.

1 TIMOTI 2:1

N mbe a fɔ tena wo ye, a saa saa a ɔ, mbɛ wo ni samunɛ chɛ mɔ ɔ mɔ ko a. A sin, ni wo ma‑a Yataa ɔ tisa‑a, wo a disa chinchin koe a an ma, wo ni yɛ to, wo ni a wai bɔ.

1 TIMOTI 6:12

Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.

GBOO IBU MƆƐ N KO A 13:15

Chɛ an fɛ mu, mmɔ tando be Yataa ma, tima ɔ tima ko a. Mmɔ 'a yasi dɔndɔ mu chɛ an na, mmɔ ɛ min be a ma, Chisɔsi 'a gbasaya ɔ. Mɔɛ min mbe a fɔ, a ɔ, ɛ Yataa an ko a, a ɛ chɛ an fɔ.

KO Ɔ NUNDENƐ 7:12

An dɔ, “A ni ma ka. Basɔmaya ɛ be Yataa an ma. An gbasa, a 'a yiimatɛ koo, a sin dɔ gbɛ kaka. Tando ni be a ma, wai bɔɛ ni chɛ a a, kuɔ fɔ, ni kuɔ fɔ ko a.”