Gboo Kɔdɔsai Ko A 3:12 - Yataa 'a Dɔbɛnɛ Nama

¹² Wo gbɛɛ, wo e gbɛ Yataa an na boo ma. A to‑a wan wo a, a sin‑na a boo sɔ wan wo ma, a ta mɔɛ n na. Chɛ an‑na a fɔ, chinchimaya faa ni ma wo ɔ, ni ko chɛndɛ ma faa. A yɛ to, wo ni wo wandi ma yii, wo ni wo ma chima, a sin, wo ni wo faa bia.

Gboo Kɔdɔsai Ko A 3:12 ပူးပေါင်းရင်းမြစ်များ

MATIU 24:22

Chɛɛ Yataa‑a a tee chɛ n ma wua, ko yawaen bia tee chɛ nu. Ni a nii ma an ma wua ni, mɔ gbu kan kɔ kan kun nii bɔ‑a a ɔ. Chɛɛ a‑a tee chɛ n ma wua a 'a mɔɛ chɛ n fan ko a, a‑a a boo sɔ miin ma, an ma koe a a 'a mɔɛ n na.”

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MATIU 24:31

Ni buu fɛ‑a gbankon, n mbe n 'na maeka n na ta‑a wan dunya gbɛɛ ɔ, an ni mɔɛ chɛ n na sɔn sɔn, n‑na n boo sɔ miin ma, ma koe a n 'na mɔɛ n na.”

MAKI 13:20

Chɛɛ Mansa Yataa‑a tee chɛ n ma wua, ko yawaen bia tee chɛ nu. Ni a nii ma an ma wua ni, mɔ gbu kan kɔ kan kun nii bɔ‑a a ɔ. Chɛɛ a‑a tee chɛ n ma wua a 'a mɔɛ chɛ n fan ko a, a‑a a boo sɔ miin ma, an ma koe a a 'a mɔɛ n na.

MAKI 13:22

A mu min na, fania kunka mansa an mbe na‑a wan, a basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MAKI 13:27

A sin, n mbe n 'na maeka n na ta‑a wan, an ni mɔɛ chɛ n na sɔn sɔn, n‑na n boo sɔ miin ma, ma koe a n ta mɔɛ n na. N mbe an na sɔn sɔn‑da wan, a ka dunya tɔnkɔnɛ naaninɛ gbɛɛ ɔ, a ka kan kɔ kan dunya gbɛɛ ɔ.”

DUKU 1:78

Chinchincha Yataa mu mmɔ 'a Yataa a. Ɛ mɔɛ a na‑a wan mmɔ baun koe a, yɔ ɛ tee kaienɛ a na buɛ min dɔ, manɛ be koe a mmɔ ma.

DUKU 18:7

Ni ɛ chɛ ma wan, mbɛ Yataa ɛ tea be‑a wan a 'a mɔɛ n ma, miin mbe di chɛ‑a a tena su ɔ tee a. A ee wo sa‑a tima ma, tee ɔ tee a.

GBOO DOMI KO A 1:7

Chɛ an fɛ mu, n mbe gboo chɛ nyɛn tena wo tena, wo gbɛɛ Domi duu ɔ. Wo ko a di Yataa ye, a sin‑na wo ya ma koe a a 'a mɔɛ n na. Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

GBOO DOMI KO A 13:14

Chɛɛ wo e min ma, wo to mmɔ 'a mansa Chisɔsi Chasi kɔ, a ni butuinɛ chɛ wo ko a. Wo sɛmbɛ wo yiima a ta koe a wo faa ma koe yama chɛ n tena, bea koe a an fɛ.

GBOO DOMI KO A 9:11

Chɛɛ an fɛn chɛ nu, an nii na to suun‑da, an dɔndɔ e na to koe ma‑a min nyin, chɛ ma, min ma nyin, Yataa na‑a koɔ wan Debɛka tena. Chɛ ɛ a ɔ yian fan, mbɛ Yataa ɛ koe ma, a ta chia an na.

GBOO SAA KƆYINDI KO A 13:4

Faabia, an mbe koadia ɔ, a basan chinchimaya a. Toomaya ee koadia ɔ, yonkatɛ ee a ɔ, dɔpandaya wɛɛ ee a ɔ.

GBOO FEAN BƆƐ KƆYINDI KO A 6:6

Nn‑na a ɔ yian fan, mbɛ nn mbe wai chɛ tena Yataa an ko a. Nn sɔnɛ a koen fan mu Yataa tena, a 'a yiimatɛ ɛ wan nn dɔ, nn mbe nn faa bia wan. A sin to, nn mbe ko chɛndɛ ma wan mɔɛ n na. Yataa Nyina ɛ wai chɛ tena wan nn dɔ, koadia wɛɛ ɛ nn faa ɔ.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

Gboo Ɛfisɔsi Ko A 1:4

A e na to dunya gbu a dan‑da wɛɛ, a na‑a ban fan gbɛ a boo sɔ‑a mmɔ ma, mmɔ ma koe a a ta mɔɛ n na, mmɔ wɛn mu mɔ dɔndɔɛ a Chisɔsi Chasi a. A na‑a chɛ ma, min mbe a ma, mmɔ ni ma a ko a tenchen, mɔɛ nu, mabɔ kan kɔ kan mbe ee miin ma. Koadia ɔ,

Gboo Ɛfisɔsi Ko A 4:2

Tima ɔ tima ko a, wo ni wo wandi ma yii, wo faa ma gbandia, wo sin ni wo faa bia. Wo wo faa bia wo nyɔn na. Wo e kun‑da wan koadia yian‑da.

Gboo Ɛfisɔsi Ko A 4:24

Wo sɔnɛ nama n ya, yɔ mɔɛ nu, miin nyanden mu Yataa bɔ nyɔɛ n na. A‑a wo nyan wo ni ma mɔ tandenɛ n na, miin mbe tenchen a ko a. Koe chɛ n mbe bɔ tea an dɔ.

Gboo Ɛfisɔsi Ko A 4:32

A sin to, wo faa ni nyan wo nyɔn ko a, wo ni ko chɛndɛ ma wo nyɔn na. A yɛ to, wo ni wo boo bɔ ko yama n dɔ, wo bɔɛ n mbe miin ma wo a, yɔ Yataa‑a a ma buɛ min dɔ, Chisɔsi Chasi ɔ, ɛ a boo bɔ wo 'a ko yama n dɔ.

Gboo Fiipai Ko A 1:8

Koe min na mu, n toen mu wo a, yɔ Chisɔsi Chasi 'a koadia ɛ buɛ min dɔ. Yataa wandi an mu n 'na siiya a, ni tea ma chɛ a.

Gboo Kɔdɔsai Ko A 3:10

A sin, an sɔn nama chɛ, Yataa wandi an‑na a chɛ wo ɔ. A sin, ɛ a ma tena wan tun tun, wo ni ma yɔ ɛ buɛ min dɔ, wo ni a sɔn chɛndɛ chɛ.

Gboo Saa Tɛsadonika Ko A 5:15

Wo a ɔ yen, mbɛ wo dɔndɔ wɛɛ ma ko yama a yɛ ko yama ko a. Chɛɛ wo a ma wo ma gbɔsɔɛ a, tima ɔ tima ko a, wo ni ko chɛndɛ ma wo nyɔn na, wo ni a ma mɔ dɔ gbɛɛ n bɛɛ a.

2 TIMOTI 1:9

A‑a mmɔ baun fan, mbɛ a‑a mmɔ chee ma koe a a ta mɔɛ n na. A ma chɛ ma ni mmɔ sɔn chɛndɛ an ko a. Chɛɛ Yataa e na to dunya a dan‑da, a wandi na‑a a ɔ bɛn ka wan, a 'a koadia demanɛ ɔ, a‑a min dɔ yian Chisɔsi Chasi ɔ.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

TAITƆSI 1:1

N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

1 PITA 1:2

Mmɔ fa Yataa na‑a wo sɔn pɛn chɛndɛ chɛ, mbɛ a‑a a boo sɔ wo ma suun gbɔɔ. A sin, Yataa Nyina wɛɛ‑a a ma wan, wo ma‑a tenchen Yataa ko a. Chɛ sin mbe a ma tena wan, wo e kooya be tena Chisɔsi Chasi ma. A wii min sin bɔ‑a a fa tima a, a‑a wo ko fo. Yataa ni wo dua, a ni faachima ma munda wo ɔ.

2 PITA 1:10

Chɛ an‑na a fɔ, n suun ma nyɔɛ nu Chasi ɔ, wo butuinɛ chɛ wo sɔɛ gbɛ a. Wo ni a ɔ yian, mbɛ Yataa‑a wo chee min chɛ, a‑a a boo min sɔ wo ma, ma koe a a ta mɔɛ n na, kuɔ fɔ koe mu. Chɛ sin mbe a ma‑a wan, wo ee sɛmbɛ‑a wo kai fa koe a Yataa a.

1 CHƆN 4:19

A nyin koadia ni ma mmɔ ɔ, koe min na mu, Yataa pɛn‑na koadia yian mmɔ a.

2 CHƆN 1:13

I suun ma nyɔɛ musu ma, Yataa faa ma chɛ, a 'a denɛ n‑na i kɔndɔn.

KO Ɔ NUNDENƐ 17:14

Soe yama chɛ, an bɛ mansa tan chɛ n na, an mbe chɛɛ bun‑da wan sa tɔngbɔɛ ma. Chɛɛ sa tɔngbɔɛ chɛ, an bɛ a fɛ mɔɛ n na, an mbe tu‑a wan an chɛɛ ma nyɔɛ chɛ n na chɛndɛ chɛ. Koe min na mu, sa tɔngbɔɛ an mu mansa wa a, mansa wa n gbɛɛ kun ma mansa. A fɛ mɔɛ nu, an mu mɔɛ chɛ n fan na, Yataa‑a a boo sɔ miin ma, mbɛ a‑a an chee. An sin, an fan kai faen mu a a.”