Gboo Kɔdɔsai Ko A 3:11 - Yataa 'a Dɔbɛnɛ Nama

¹¹ Chɛ an fɛ mu, sɔn nama chɛ ɔ, tɛ bɔ kan kɔ kan mbe ee Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin na kaminchaen mu, an bɛ chɛ n na, miin na ma kamincha ni. Tɛ bɔ ee chɛ n bɛɛ ma, miin ka‑a chɛnyɛ dɔ mende n dɔ, a ee yɔnɛ n ma, a ee fia ɔ mɔɛ n ma, an bɛ mɔɛ n na, miin mu mansaenɛ a. Chɛɛ Chasi an mu koe a, a sin mbe wan gbɛ wo gbɛɛ 'a fɔɛ ɔ.

Gboo Kɔdɔsai Ko A 3:11 ပူးပေါင်းရင်းမြစ်များ

CHƆN 14:23

Mbɛ Chisɔsi ɔ, “Mɔɛ min toen mu n na, ɛ koe chɛ n ma wan, n‑na miin fɔ a ye, an ma koe a. Fa ɛ to‑a wan a mɔɛ chɛ a. A sin, Fa ni ma, ni n fan, nn mbe na‑a wan a tena, mbɛ nn bɛ gbɛɛ ɛ ma‑a kaina dɔndɔ.

CHƆN 15:5

“N fan mu kɔnɛ a, wo sin, n bonɛ n mu wo a. Nn mbe ma‑a mɔ dɔndɔya ɔ, mɔɛ min na, a ma n boo ka ni, n bɛɛ, n ma a boo ka ni, a mɔɛ chɛ ɛ gbɔ sɛsɛ be‑a wan. Koe min na mu, wo ee che ko ɔ ko ma‑a, wo kun ma a a, ni n mbe ee wo kɔ.

CHƆN 17:23

Nn bɛ an na, mɔ dɔndɔɛ mu nn na, yɔ mɔ fea wɛɛ, mɔ ɛ buɛ min dɔ. Chɛ ni a ma, an mbe mɔ dɔndɔya min dɔ an nyɔn na, a da ni fa gban. Chɛ ɛ a ma‑a wan, i wakoe ee mɔɛ miin faa ɔ, an ni a ɔ sɔn, mbɛ i wan‑na n sɔ. A yɛ to, an mɔɛ chɛ n ni a ɔ gbɛ chɛndɛ chɛ, mbɛ i toen fan mu n fɛ den chɛ n na, yɔ i toen mu n na buɛ min dɔ.

CHISƆSI 'A SƆ MƆƐ NU 15:17

A tima chɛ a mu, mɔɛ tɔɛ nu, an mbe an ya a mun‑da n ma, an bɛ mɔɛ chɛ n gbɛɛ a, miin ma Chu mɔ a, n‑na n boo sɔ miin ma, ma koe a n ta mɔɛ n na. N fan, Mansa Yataa, n fan‑na chɛ fɔ.

CHISƆSI 'A SƆ MƆƐ NU 28:2

Mɔɛ miin sin ni nɔ an kaina chɛ, an‑na ko chɛndɛ min ma nn na, a ɔ gbɛ, an nyɔn sima a ɔ yen koe a. Koe min na mu, an‑na ta a dɛn fan, mbɛ an‑na an boo si nn gbɛɛ kɔɔ, buɔdia ɔ. Sona an ni na tena, a sin, kaina chimaen fan ni kaka.

CHISƆSI 'A SƆ MƆƐ NU 28:4

Duenɛ chɛ nu, an‑na ka chɛ yen kɛn, dɛn dɔ Pɔɔ boo a, an dɔ an nyɔn ma, an dɔ, “Mɔ fa mɔɛ an nɛ kamin chɛ a. Kɔɔsa bia ee chɛ ma. A bɔ‑a wɛɛ boo ɔ boo yii chɛ ɔ, a fɔɛ ɛ a sun da a, chɛɛ mmɔ 'a musu yataa, min mbe tea kaa a tɛ, a‑a a pawa. A kun mbe ee bɔ tena chɛ nɛnɛ ɔ.”

GBOO DOMI KO A 1:14

Koe min na mu, n gbɔsɔen fan mu mɔ gbu gbɛɛ ko a. N gbɔsɔen fan mu chɛ n ko a, miin bonchenden mu, a basan chɛ n bɛɛ a, miin ma bonchen ni. A yɛ to, chɛ n ko a, miin‑na koe sɔn, a basan chɛ n bɛɛ a, miin ma ko sɔn.

GBOO DOMI KO A 10:12

Mɔ ɔ mɔ ɛ wan chɛ ɔ. Koe min na mu, tɛ bɔ ee Chu mɔɛ n ma, an bɛ mɔɛ n na miin nii ma Chu mɔɛ n na. Mansa Yataa dɔndɔ gbe an mbe mɔɛ gbɛɛ ko a, a sin‑na mɔ ɔ mɔ dua wan chɛndɛ chɛ, mɔɛ min mbe a tɔɛ chee demanɛ ko a.

GBOO DOMI KO A 3:22

Yataa ɛ mmɔ ya wan mɔ tandenɛ n na a chen kɔɔ, ni mmɔ‑a mmɔ kai fa Chisɔsi Chasi a. Yataa ɛ chɛ ma wan mɔ ɔ mɔ ko a, min kai faen mu Chisɔsi a. Koe min na mu, a ni ma Chu mɔ a, a ma ma Chu mɔ a, Yataa ɛ mɔɛ gbɛɛ bia dɔndɔ gbe.

GBOO DOMI KO A 3:29

Yataa ee dechee Chu mɔɛ n fan ko a, ɛ wan mɔɛ chɛ n bɛɛ ko a, miin ma Chu mɔɛ n na. Ɛ ka wan tea gbu a.

GBOO SAA KƆYINDI KO A 12:13

A chia dɔndɔ gbe chɛ a, mmɔ wan mɔ gbu gbɛɛ, mmɔ ɛ ka wan. Mmɔ ni ma Chu mɔ a, chɛ ma, mɔɛ nu miin ma Chu mɔ a, mmɔ ni ma yɔn fan na, mmɔ ma ma yɔn na. Yii min chɛ‑a mmɔ kunɛ ɔ, Yataa chia a, a Nyina‑a mmɔ ma mɔ dɔndɔɛ a, gboo dɔndɔɛ sɛ‑a mmɔ ma. A sin, Yataa‑a an Nyina dɔndɔ gbe chɛ a na, ma koe a mmɔ fɛ.

GBOO SAA KƆYINDI KO A 14:11

Chɛɛ ni n ma chɛnyɛ koɛ sɔn, mɔɛ min mbe a fɔ tena n ye, sonda mu a a n tena. N bɛɛ, n mu sonda an na a wɛɛ tena.

GBOO SAA KƆYINDI KO A 7:19

Mɔɛ a ni kamincha wan, a a ma kamincha ni fan, ko ɔ ko ma chɛ a. Koe mu min na dechee, an nɛ, Yataa 'a sawa bia koe a chɛndɛ chɛ.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

Gboo Ɛfisɔsi Ko A 1:23

Chɔchi gbu sin, an mu Chasi gboo a. An mbe a ma, a da ni fa gban, yɔ a wandi wɛɛ, ɛ a ma buɛ min dɔ, fen kɔ fen da ɛ fa.

Gboo Ɛfisɔsi Ko A 2:14

Chasi wandi, an na‑a kuiɛ dɔndɔya a mmɔ tɛ ɔ. A‑a a ma, wo bɛ Chu mɔɛ n na, wo ma‑a gbɛ mɔ dɔndɔɛ a. A‑a a ma, kodomaya min ni mmɔ tɛ ɔ, yɔ simɛndi fɛnsi, a ban‑da. A 'a saya‑a a ma,

Gboo Ɛfisɔsi Ko A 2:15

a‑a Chu sawa n ka wan an gba n dɔ, ni koe chɛ nu, sawa chɛ ni miin din mɔɛ n ma, an ma koe a. A toen ni, a ni Chu mɔɛ n na gbuu, an bɛ mɔɛ n na, miin ma Chu mɔ a, an ni ma mɔ nama dɔndɔɛ a, a wan Chasi ɔ. Chia chɛ a mu, a na‑a kuiɛ dɔndɔya a an tɛ ɔ.

Gboo Ɛfisɔsi Ko A 3:17

A sin ni a ma to, Chasi wakoe ni ma wo faa ɔ, koe min na mu, wo‑a wo kai fa a a. N mbe samunɛ chɛ tena, wo ni sɔ gban koadia ɔ, wo ni yɛ, wo ɔ ni gbɛa chɛndɛ chɛ.

Gboo Ɛfisɔsi Ko A 3:6

Yataa‑a dɔbɛn chɛ an yian an na. Mbɛ Chisianɛ miin ma Chu mɔ a, an mbe an ta ma sɔn‑da wan dua gbɛɛ ɔ, Yataa ɛ min be. Ɛ ma‑a wan dechee yɔ Chisianɛ nu, miin mu Chu mɔɛ n na, an mbe a ma sɔn‑da buɛ min dɔ. Mɔɛ miin ma Chu mɔ a, an ma‑a mɔ dɔndɔɛ a, an bɛ Chu mɔɛ n na. Yataa‑a a 'a mɔɛ n too ɔ dia min na, mɔɛ miin ma Chu mɔ a, an bɛɛ an mbe a ma sɔn‑da wan. Koe min na mu, an mu mɔ dɔndɔɛ an na Chisɔsi Chasi a. Yataa 'a sakana bai chɛndɛ‑a a fɔ ka wan.

Gboo Ɛfisɔsi Ko A 6:8

Wo ni a ɔ sɔn, ko chɛndɛ kan kɔ kan, mɔɛ ɛ min ma, Mansa Chisɔsi ɛ a nyɔn sima tɔnɔnɛ be wan a ma. Chɛ ɛ ma wan, a mɔɛ chɛ ni ma yɔn fan na, chɛ ma, a ni ma mɔ dɔ mende wɛɛ a.

Gboo Kɔdɔsai Ko A 2:10

A wan mu mansa a, mansa kan kɔ kan ko a, maeka kan kɔ kan ko a, ni nyina kan kɔ kan ko a. A sin, wo wɛɛ, wo fɔɛ da fa‑a gban, koe min na mu, wo ma‑a gbɛ mɔ dɔndɔɛ a, wo bɛ Chasi a.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

2 CHƆN 1:9

Mɔ ɔ mɔ min ma a too ma sɔ ni kan chɛ ma, Chasi‑a min chɛ, chɛɛ a‑a a ta sa a kun ma, a mɔɛ chɛ ma mɔ dɔndɔ a an fea Yataa a. Mɔ ɔ mɔ min mbe a too ma sɔ‑a kan chɛ ma, Chasi‑a min chɛ, a mɔɛ chɛ ma‑a mɔ dɔndɔɛ a, an fea Fa Yataa a, a basan a 'a denɛ Chisɔsi a.