Gboo Kɔdɔsai Ko A 3:1 - Yataa 'a Dɔbɛnɛ Nama

¹ Tima min na Yataa‑a Chasi a yɛ to fɔɛ ɔ, a‑a a ma wan, wo wɛɛ‑a fɔɛ nama ma sɔn. Chɛ an‑na a fɔ, wo to fen chɛ n na, Yataa‑a miin sa tena ɔ bɛn wo ko a banda bu ɔ. Chasi ɛ nɔ wan si ɔ kaina a ma bɛndenɛ, Yataa boo nyima ɔ.

Gboo Kɔdɔsai Ko A 3:1 ပူးပေါင်းရင်းမြစ်များ

MATIU 22:44

‘Mansa Yataa‑a a fɔ n 'na Mansa ye, a ɔ, “Si nɛ n boo nyima ɔ, aan n ni i chɛɛ ma nyɔɛ n don i kɔɔ.” ’

MATIU 26:64

Mbɛ Chisɔsi ɔ, “I‑a an fɔ ka. Chɛɛ n ni a ma din wo tena, mbɛ a ka sanche ma aan a ta, n fan, Mɔ Gbu 'a Denɛ, wo e n yen‑da wan si ɔ kaina ma bɛndenɛ Yataa boo nyima ɔ, gbasaya ɔ. A sin, wo e n yen‑da wan na‑a, banda a dugbu ɔ.”

MATIU 6:20

Chɛɛ i 'a nyanɛ a sɔn banda bu ɔ, i wandi ko a. Nɔ tana, chisi n mbe ee an yɔn, n mbe ee baa, kasa ni an bia. A sin, kanka n bɛɛ ee nɔ te, an ni an kanka.

MATIU 6:33

Chɛɛ wo e min ma, wo a ma wo ma gbɔsɔɛ a don koe a Yataa 'a mansaya kɔɔ, wo ni a faa ma koe ma. Ni wo‑a chɛ ma, ɛ to‑a wan nɔ, a ni fen chɛ n gbɛɛ be wo ma, miin ma gbɔsɔɛ ɛ wo ma.

MAKI 12:36

Mansa Defidi wandi gbu wɛɛ, Yataa Nyina na‑a bai don kɛn a da ɔ, a na‑a a fɔ wan, a ɔ, ‘Mansa Yataa‑a a fɔ n 'na Mansa ye, a ɔ, “Si nɛ n boo nyima ɔ, aan n ni i chɛɛ ma nyɔɛ n don i kɔɔ.” ’

MAKI 14:62

Mbɛ Chisɔsi ɔ, “N fan nɛ. A sin, n fan, Mɔ Gbu 'a Denɛ, wo e n yen‑da wan, n mbe si ɔ kaina ma bɛndenɛ Yataa boo nyima ɔ, gbasaya ɔ. A sin to, wo e n yen‑da wan na‑a, banda a dugbu ɔ.”

MAKI 16:19

Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

DUKU 12:33

Wo wo boo fenɛ n ma tachɛ kɔpɔɛ a, mbɛ wo‑a a kɔpɔɛ chɛ n be yɔn tɔɛ n ma. Ni wo‑a chɛ ma, wo e ma‑a ka nyanɛ an na sɔn‑da wo wandi ko a banda bu ɔ. Kɔpɔ sa basachi nu, miin mbe banda bu ɔ, an mbe ee taa, an sin mbe ee pumbɔ. Wo 'a nyan fen chɛ nu banda bu ɔ, an mbe ee ban kuɔ fɔ ko a. Kanka ee che an kanka‑a. Chisi sin mbe ee che an yɔn‑da.

DUKU 20:42

A mu min na, Mansa Defidi wandi‑a a fɔ wan Yataa tando si gboo ɔ, a ɔ, ‘Mansa Yataa‑a a fɔ wan n 'na Mansa ye, a ɔ, “Si nɛ n boo nyima ɔ,

DUKU 22:69

Chɛɛ a ka gbɛ sanche ma, n fan, Mɔ Gbu 'a Denɛ, n mbe ma‑a wan si ɔ Yataa boo nyima ɔ, gbasaya gbɛɛ ɛ min boo ɔ.”

CHISƆSI 'A SƆ MƆƐ NU 2:34

Koe min na mu, Mansa Defidi wandi gbu nii ma sɛ ni banda bu ɔ, chɛɛ a na‑a a fɔ wan Yataa 'a gboo ɔ, a ɔ, ‘Mansa‑a a fɔ wan n 'na Mansa ye, a ɔ, “Si nɛ n boo nyima ɔ,

CHISƆSI 'A SƆ MƆƐ NU 7:55

Chɛɛ Yataa Nyina ni wan Sitibin fɛ gban. Mbɛ a‑a a ya a sɛ banda a, a‑a Yataa 'a manɛ yen ɛ man‑da. A yɛ to, a‑a Chisɔsi wɛɛ yen, ɛ sɔ ɔ Yataa boo nyima ɔ.

GBOO DOMI KO A 8:34

Mɔ ɔ mɔ ee nɔ min mbe kaa a tɛ, a si an mɔɛ chɛ n tɔɔya koe ma. Chisɔsi Chasi an fa‑a mmɔ ko a, chɛ ma, an kɔɔ sɔ‑a a ka saya ɔ, mbɛ a yɛ‑a to fɔɛ ɔ. A sin, ɛ si ɔ kaina ma bɛndenɛ Yataa boo nyima ɔ. Ɛ wan tun koɔ‑a Yataa tena mmɔ ko a.

GBOO DOMI KO A 8:6

Mɔɛ yii ma ma koe a, gbasaya kɔɔ, mɔgbuya ɔ min ma nyin, ɛ na saya an na. Chɛɛ mɔɛ yii ma ma koe a Yataa Nyina 'a gbasaya kɔɔ, ɛ na kuɔ fɔ fɔɛ an na, a basan faachima a.

GBOO FEAN BƆƐ KƆYINDI KO A 4:18

Koe min na mu, nn yiima ee koe chɛ n fan ma, mɔ gbu ɛ miin yen a ya a. Chɛɛ ɛ fen chɛ n fan ma, mɔ gbu ee min yen a ya a. Mɔ gbu ɛ fenɛ min yen ka a ya a, ɛ ma dechee tima kundu an ko a. Chɛɛ mɔ gbu ee fenɛ min yen a ya a, ɛ ma wan kuɔ fɔ ko a.

Gboo Ɛfisɔsi Ko A 4:10

A wɛn na‑a yii ka duu gboo kɔɔ, a wan sɛ‑a to aan, a sɛ kaina, min dɔ yansan kaina tɔɛ gbɛɛ ma. Chɛ ni a ma, Chasi ni a ma, fen kɔ fen dunya ɔ, a da ni fa.

Gboo Ɛfisɔsi Ko A 5:22

Wo wan fuu musu nu, wo don wo chɛɛ n kɔɔ, yɔ wo donden mu buɛ min dɔ Mansa Chisɔsi kɔɔ.

Gboo Kɔdɔsai Ko A 2:20

Wo bɛ Chasi a, wo wan fa‑a dɔndɔ a, mbɛ nyina yama n 'na gbasaya ee to wo kun ma dunya ɔ. Chɛ an fɛ mu, ko ɔ ko ma a ma to, wo ni bea dunya chɛ ɔ fɔɛ fɛ, ko ɔ ko ma a ma, wo ni bea a ɔ sawa n fɛ.

Gboo Kɔdɔsai Ko A 3:2

Wo wo yii sɔ gban fen chɛ n ma banda bu ɔ, fen chɛ nu ma nɛ dunya chɛ ɔ.

GBOO IBU MƆƐ N KO A 1:13

Chɛɛ maeka ee nɔ, Yataa‑a chɛ fɔ min ye, yɔ a‑a min fɔ a 'a denɛ ye a 'a gboo ɔ, a ɔ, “Si nɛ n boo nyima ɔ, aan n ni i chɛɛ ma nyɔɛ n don i kɔɔ, n ni an popoya i ya kɔɔ.”

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

GBOO IBU MƆƐ N KO A 10:12

Chɛɛ Chasi tana, a na‑a a wandi be dɔndɔɛ min chɛ ka, a ma‑a wan yasi a mmɔ 'a ko yama n ko a, tima ɔ tima ko a. A na‑a a sin ma kɛn, a si‑a wan kaina ma bɛndenɛ Yataa boo nyima ɔ.

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.

GBOO IBU MƆƐ N KO A 8:1

Nn mbe bai min gbu fɔ tena, an nɛ. Tɛ mɔ wa min mbe mmɔ tɛ Yataa a, a koo sai ma. Ɛ wan si ɔ kaina ma bɛndenɛ, Mansa Yataa 'a mansaya sea boo nyima ɔ, pan banda bu ɔ.

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.