Gboo Kɔdɔsai Ko A 2:9 - Yataa 'a Dɔbɛnɛ Nama

⁹ Koe min na mu, Chasi ni mɔ gbu gboo an dɔ nɛ dunya ma, chɛɛ Yataa ni a a, chia ɔ chia a.

Gboo Kɔdɔsai Ko A 2:9 ပူးပေါင်းရင်းမြစ်များ

MATIU 1:23

“A yen ko, sunkun tɔngbɔɛ, min ma kai koe ɔ sɔn, ɛ na tena bu ma‑a, mbɛ a‑a den kainɛ suun. An mbe an den chɛ chee‑a wan, an dɔ, Imanuɛɛ,” min fasaien mu, Yataa ɛ mmɔ tɛ ɔ.

DUKU 14:22

Mɔɛ chɛ n cheeenɛ gbakɔ, a na‑a wan to, mbɛ a‑a a ɔ yian a kun ti chɛ a, mbɛ a‑a a sɔ wai min na, a‑a a chɛ, chɛɛ kaina a ma fa nin bɛ.

DUKU 3:22

Mbɛ Yataa Nyina yii‑a, bugbɔya ɔ, mbɛ a si‑a a kun ma. Mbɛ kuiɛ ka‑a banda bu ɔ, a ɔ, “N 'na denɛ mu i a, i ko a di n ye kaka. N faa chimaen mu i ko a chɛndɛ chɛ.”

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:16

Koadia chinchimaya min faen mu a faa ɔ, an mbe a ma tena, ɛ mmɔ gbɛɛ dua tena tima sɛsɛ a.

CHƆN 10:30

Nn fea Fa a, mɔ dɔndɔɛ mu nn na.”

CHƆN 10:38

Chɛɛ ni n mbe Fa 'a wai an chɛ tena, wo ma dan nin bɛɛ n na boo ɔ boo, a nyin wo ni dan n chɛ chɛ wai n nan gbu n na. Chɛ ɛ a ma‑a wan, wo ni a ɔ gbɛ fɛsɛ fɛsɛ, mbɛ nn fea Fa a, mɔ dɔndɔɛ mu nn na.”

CHƆN 14:20

Ni a tima chɛ che‑a, wo e a ɔ gbɛ‑a wan, mbɛ nn fea Fa a, mɔ dɔndɔɛ mu nn na. A sin, wo wɛɛ, wo e ma‑a wan mɔ dɔndɔya ɔ n na, yɔ n bɛɛ, n mbe ma‑a buɛ min dɔ dechee mɔ dɔndɔya ɔ wo a.

CHƆN 17:21

N mbe samunɛ chɛ tena, an gbɛɛ ni ma mɔ dɔndɔya ɔ. Fa, a ma an ni ma mɔ dɔndɔya ɔ mɔ a, yɔ mɔ fea chɛ mɔɛ ɛ buɛ min dɔ mɔ dɔndɔya ɔ.

CHƆN 2:21

Chɛɛ Chisɔsi yii nii Yataa 'a chenɛ an ma, a yii ni a wandi gboo an ma.

CHISƆSI 'A SƆ MƆƐ NU 17:29

Mmɔ mu gbɛ buɛ min dɔ Yataa 'a denɛ n na, mmɔ ma mmɔ yii na chii a bɔ nyɔɛ dɔ mende wa koe a. Mbɛ a bɔen mu fenɛ an na, min nyanden mu sanu ɔ, chɛ ma, kain gbɛ ɔ, chɛ ma, senɛ ɔ. Mɔ gbu wandi 'a yiinachii, a‑a miin nyan.

GBOO FEAN BƆƐ KƆYINDI KO A 5:19

Nn 'na sakana yen ko. Mbɛ Yataa‑a a ma wan, Chasi‑a a ma, mɔɛ gbɛɛ dunya ɔ, an ni ma a wan Yataa dia nyɔɛ a. Yataa nii ma mɔɛ gbɛɛ 'a ko yama n sa tena ɔ bɛn ni. A sin, a‑a an sakana bai chɛ be wan nn ma. Sakana bai chɛ, min mbe a ɔ yian, mmɔ gbɛɛ ɛ ma buɛ min dɔ a dia nyɔɛ a.

Gboo Kɔdɔsai Ko A 1:19

Yataa sɔnɛ ni wan Chasi ɔ chia ɔ chia a. Yataa wandi sin fan na‑a chɛ ɔ bɛn.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

1 CHƆN 5:7

A gbu sin, siiya sawa an mbe tea chɛ ma a si Chisɔsi ma.