Gboo Kɔdɔsai Ko A 2:5 - Yataa 'a Dɔbɛnɛ Nama

⁵ N mbe wɛɛ nɛ pɔɔ, chɛɛ n faa ɛ wo tena. N bu ɔ diama mu, koe min na mu, wo e chia chɛndɛ ma, wo ma ka ni ɛnden bɛɛ a wo gba ɔ, wo kai fa koe a Chasi a.

Gboo Kɔdɔsai Ko A 2:5 ပူးပေါင်းရင်းမြစ်များ

CHISƆSI 'A SƆ MƆƐ NU 2:42

Chɛ gbakɔ, mɔɛ chɛ n‑na an too ma sɔ wan kanɛ ma, Chisɔsi 'a sɔ mɔɛ chɛ n ni min chɛ, a si Yataa wakoe ma. Kuiɛ a kanɛ ni wan to an gbɛɛ tɛ ɔ, a sin, an ni daunɛ chɛ wan kaina dɔndɔɛ tima ɔ tima ko a. An ni bɛn fan to tima ɔ tima ko a, samun chɛ koe a. An‑na an 'na tima gbɛɛ be wan, koe chɛ n gbɛɛ ma koe a.

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

GBOO SAA KƆYINDI KO A 11:34

Ni kɔnkɔɛ ma‑a mɔ ɔ mɔ a, a ni daunɛ chɛ pɛn a waa chenɛ a. Wo ni chɛ ma, min mbe a ma, ni wo bɛn‑da kaina dɔndɔɛ, wo ee na‑a koe ma‑a, Yataa ni kaa a tɛ wo wakoe ma. Min sien mu koe tɔɛ n ma, n mbe chia n yian‑da wan wo a, ni n na‑a tima min na.

GBOO SAA KƆYINDI KO A 14:40

Chɛɛ ko ɔ ko, min mbe chɛ‑a a ɔ, a ni ma chɛndɛ chɛ, a chia ma.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO SAA KƆYINDI KO A 16:13

Wo ma bɛndenɛ ni ma, tima ɔ tima. Wo sɔ gban, wo 'a danaya ɔ, Chisɔsi Chasi a, wo sin ma chian. Wo ɔ ni gbɛa gbau.

Gboo Kɔdɔsai Ko A 2:1

N toen mu wo ni a ɔ sɔn, mbɛ n mbe mɔnɛ ɔ bia tena wan pien wo ko a. N‑na a chɛ wan mɔɛ chɛ n bɛɛ ko a, miin mbe Daɔdisia duu ɔ, ni mɔɛ tɔɛ chɛ n gbɛɛ ko a, nn ma nyɔn yen nin bɛ, nn bɛ miin na.

Gboo Saa Tɛsadonika Ko A 2:17

Nn suun ma nyɔɛ nu Chasi ɔ, mmɔ tɛ ka‑a tima kundu min kɔɔ, nn faa gbɛɛ nii ma bɔ ni wo tena. Nn nii wɛɛ nɔ, chɛɛ nn yiima ni wan wo kɔ. Wo sɔɛ‑a nn bia wan kaka, a sin, nn‑na butuin chɛ wan, na koe a to wo kɔndɔn‑da.

Gboo Saa Tɛsadonika Ko A 3:8

A mu fɔɛ nama an na nn tena, wo kai fa buɛ chɛ gban Mansa Chisɔsi a.

GBOO IBU MƆƐ N KO A 3:14

Koe min na mu, mmɔ gbɛɛ, mmɔ bɛ Chasi a, mmɔ ɛ ko dɔndɔɛ an dɔ. Ɛ ma‑a ka wan, ni mmɔ‑a danaya saa chɛ bia gban, aan mmɔ 'a fɔɛ danka a.

GBOO IBU MƆƐ N KO A 6:19

Mmɔ yii sɔen mu an ma, tima ɔ tima, mbɛ an mbe mmɔ fɔɛ si. A ɛ wan yɔ dɛndɛ chii yuu, ɛ a ma buɛ min dɔ ɛ sɔ chidi, a gba ɔ. Yiinatɛ chɛ, an mbe ma mmɔ ɔ, mmɔ ɛ ma don‑da Yataa 'a chenɛ bu ɔ, banda bu ɔ, Yataa chen kɔɔ.

1 PITA 5:9

Wo sɔ chidi wo 'a danaya ɔ, Chasi a. Sitana ma kun wo ma. Koe min na mu, wo‑a a ɔ sɔn fan, mbɛ wo bɔɛ miin bɛɛ kai faen mu Chasi a dunya gbɛɛ ɔ, an mbe ko yawaen dɔndɔ gbe chɛ an dɔ bia tena.