Gboo Kɔdɔsai Ko A 2:3 - Yataa 'a Dɔbɛnɛ Nama

³ Chasi an mu mɔɛ a, min mbe a ma, mɔ gbu ni Yataa 'a yiimatɛ gbɛɛ ɔ gbɛ, min maen mu yɔ nyan fenɛ min nundenɛ ɛ.

Gboo Kɔdɔsai Ko A 2:3 ပူးပေါင်းရင်းမြစ်များ

MATIU 10:26

“Chɛ an‑na a fɔ, wo ma chian an mɔɛ chɛ n ma. Koe min na mu, boo kundu ee to doma kɔɔ, ɛ bɔ wan ya a ma tee dɔndɔ a.

DUKU 11:49

Chɛ an ko a ni, Yataa min yiima tɛen mu, a‑a a fɔ, a ɔ, ‘N mbe n 'na gbonka chɛ mɔɛ nu, a basan n 'na sɔ mɔɛ n na, n mbe an na ta‑a wan an tena. An mbe an dɔ n fa‑a wan, mbɛ an‑na ko yawaenɛ sa a tɔɛ n ma.’

GBOO DOMI KO A 11:33

O Yataa wa. A 'a yiimatɛ koo. A 'a ko sɔnɛ wɛɛ koo ka wan to. Mɔ ɔ mɔ ee che a yii ma koe ɔ yian‑da. Mɔ ɔ mɔ ee a chɛ chɛ wai ɔ gbɛ.

GBOO SAA KƆYINDI KO A 1:24

Chɛɛ mɔɛ dɔ n‑na a ɔ sɔn fan, mbɛ Chasi chɛ, an mu Yataa 'a gbasaya a, an mu a 'a yiimatɛ a. Mɔɛ chɛ nu, Yataa‑a miin chee bauncha ma sɔn koe a. An ni ma Chu mɔ a, an ma ma Chu mɔ a, an‑na chɛ ɔ sɔn fan.

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

Gboo Ɛfisɔsi Ko A 1:8

A sin mbe an koadia chɛ, a ɔ yian fan mmɔ a, a ɔ bendenɛ a. Koe min na mu, a 'a yiinachii ɔ yansama ɔ, a 'a ko sɔn ba ɔ,

Gboo Kɔdɔsai Ko A 1:19

Yataa sɔnɛ ni wan Chasi ɔ chia ɔ chia a. Yataa wandi sin fan na‑a chɛ ɔ bɛn.

Gboo Kɔdɔsai Ko A 1:28

A wan Chasi chɛ, nn mbe an bakoe ɔ yian mɔ ɔ mɔ a. Nn mbe dasi be tena wan, nn mbe ta‑a mɔɛ gbɛɛ kan‑da nn ta yiimatɛ chia gbɛɛ a. Chɛ ni a ma, nn ni kun a ma‑a, mɔɛ gbɛɛ ni na Yataa chen kɔɔ, an yiima da faenɛ ɛ, a si Chasi ma.

Gboo Kɔdɔsai Ko A 1:9

Chɛ ko a, a bia an tee chɛ ma, nn‑na a a min tee min na, nn ma sɛmbɛ ni samunɛ chɛ koe a wo ko a. Nn mbe samunɛ chɛ tena wan tima ɔ tima ko a, Yataa ni a ma, a toen mu koe miin na, wo ni an dɔ gbɛ chɛndɛ chɛ. A sin, n mbe a ɔ tisa tena, a ni yiimatɛ gbɛɛ be wo ma, a wan Yataa Nyina ɛ min be.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

Gboo Kɔdɔsai Ko A 3:3

Koe min na mu, wo fa‑a wan. A sin, wo 'a fɔɛ nama, ɛ sa ɔ nun dɔ, Yataa boo ɔ, Chasi ɛ kaina min.

2 PITA 1:5

Chɛ ko a, a nyin wo ni chɛ an ma, chia ɔ chia a. Danaya min mbe wo ɔ, wo a ma munda wo sɔn chɛndɛ a. Mbɛ wo‑a wo sɔn chɛndɛ ma munda yiima a, a si Yataa ma.

KO Ɔ NUNDENƐ 2:17

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ, n mbe daun fen chɛ dɔ be‑a wan a ma a daun koe a, daun fen nunden chɛ. A yɛ to, n mbe senɛ be‑a wan an mɔɛ chɛ ma, senɛ min gbɛenɛ ɛ, a sin, tɔ nama an nyɛndenɛ ɛ ma‑a a ma. Mɔɛ min mbe senɛ chɛ ma sɔn‑da, an mu dechee mɔɛ a, min mbe tɔɛ chɛ sɔn‑da.”