Gboo Kɔdɔsai Ko A 2:2 - Yataa 'a Dɔbɛnɛ Nama

² N‑na chɛ ma, min mbe a ma, wo wan, ni an fan, wo gbɛɛ ni wo faa gbɛa, mbɛ wo ko a dia‑a wo nyɔn ye, wo ni ma kuiɛ dɔndɔya ɔ. Chɛ ɛ a ma‑a wan, yiinatɛ chenama ni ma wo ɔ, koe ɔ gbɛ koe a chɛndɛ, ɛ na min na. An chia chɛ a mu, wo e Chasi wakoe ɔ gbɛ, min mu Yataa 'a koe ɔ nundenɛ a tee.

Gboo Kɔdɔsai Ko A 2:2 ပူးပေါင်းရင်းမြစ်များ

MATIU 11:25

A tima chɛ a, Chisɔsi‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena.

MATIU 11:27

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.

MATIU 13:11

Mbɛ Chisɔsi ɔ, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ a nunden fan mu mɔɛ tɔɛ n ma sanche wɛɛ.

DUKU 1:1

Koe miin ma‑a suun, mɔ sɛsɛ n ya‑a a ɔ yen fan, a ka a kuu sɔ tena. An mɔɛ chɛ n dɔ n sin, an‑na an koe n na ben fan nn tena. Koe min na mu, Yataa 'a sakana a ben mɔɛ ni an na. Mɔɛ dɔ nu, miin‑na koe chɛ n na min, an si‑a wan, an‑na a nyɛn gboo ɔ.

CHƆN 10:30

Nn fea Fa a, mɔ dɔndɔɛ mu nn na.”

CHƆN 10:38

Chɛɛ ni n mbe Fa 'a wai an chɛ tena, wo ma dan nin bɛɛ n na boo ɔ boo, a nyin wo ni dan n chɛ chɛ wai n nan gbu n na. Chɛ ɛ a ma‑a wan, wo ni a ɔ gbɛ fɛsɛ fɛsɛ, mbɛ nn fea Fa a, mɔ dɔndɔɛ mu nn na.”

CHƆN 16:15

Fen kɔ fen Fa ta mu min na, n fan ta mu a a. An fɛ mu, n‑na a fɔ, n dɔ, Yataa Nyina chɛ ɛ a too ma sɔ‑a wan n da a bai ma, mbɛ a‑a a ɔ yian wo a.”

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 5:17

Mbɛ Chisɔsi ɔ, “Fa Yataa ɛ basan fan mɔɛ n ma, tima ɔ tima ko a. N bɛɛ, a nyin n ni a ma ka.”

CHƆN 5:23

A‑a chɛ ma, min mbe a ma, mɔɛ n gbɛɛ ni basɔmaya be n ma, yɔ an mbe a be buɛ min dɔ Fa ma. Mɔ ɔ mɔ min ma basɔmaya be ni n ma, a mɔɛ chɛ ma a be ni ka Fa an ma, min‑na n sɔ.

CHƆN 6:69

A sin yen ko gbɛ, nn‑na a ɔ sɔn, a sin, nn dan‑da a a, mbɛ i wan mu mɔɛ a tenchen Yataa 'a wai chɛ koe a, a‑a min sɔ.”

CHISƆSI 'A SƆ MƆƐ NU 4:32

Mɔɛ miin gbɛɛ na‑a an kai fa ka Chisɔsi a, an 'na yiinachii ni dɔndɔ gbe, an faa ma koe ni dɔndɔ gbe. Mɔ ɔ mɔ nii ma kankan ni a ta boo fenɛ kun ma, chɛɛ an boo fenɛ n ni boo fen dɔndɔɛ n fan na. An ni an boo fenɛ n be wan an nyɔn ma, yɔ an nyɔn ma gbɔsɔɛ ni ma buɛ min dɔ.

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO DOMI KO A 16:25

Mmɔ tando be Yataa ma. A wan mbe kun a ma‑a mmɔ gboo ɔ ee fa‑a, dan koe a a a. N mbe chɛ an fɔ wo ye, n mbe ma sakana bai chɛndɛ chɛ ɔ yian‑da wo a, a si Chisɔsi Chasi ma. A sin fɔen mu ka wan ko ɔ nunden chɛ wɛɛ ɔ, min na bɔ‑a ya a ma. An tea ɔ nunden chɛ, Yataa nii ma a ma ni mɔ gbu ni fua min dɔ sɔn‑da san sɛsɛ sɛsɛ ko a suun.

GBOO DOMI KO A 2:4

Wo e Yataa wakoe bia tena baa baa an na, koe min na mu, a chinchinden mu wo ma. A faa ma gbandi wo tɔɔya koe a a ya kɔɔɛ a, a sin mbe a faa bia wan wo a tima sɛsɛ ko a. A nyin wo ni a ɔ sɔn, mbɛ Yataa ɛ chinchin tena wan wo ma. Koe min na mu, ɛ chia yian tena wan wo a faachima ɔ, wo ni wo kan kɔ sɔ wo 'a ko yama n na.

GBOO SAA KƆYINDI KO A 14:31

Wo gbɛɛ, dɔndɔ dɔndɔɛ a, wo e kun fan Yataa bai ɔ yian koe ma. Wo ni a ɔ yian, mɔɛ gbɛɛ ni a ɔ gbɛ, an bu ɔ ni dia.

GBOO SAA KƆYINDI KO A 2:12

An Nyina chɛ mu, mmɔ‑a min ma sɔn, a ka Yataa tena. Chɛɛ mmɔ ma chɛ an ma sɔn ni, min mbe dunya chɛ ɔ. Mmɔ ni kun gbɛ, mmɔ ni a ɔ gbɛ, Yataa‑a koe min chɛ mmɔ ye.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Ɛfisɔsi Ko A 3:16

Dua sɛsɛ ɛ wan a boo ɔ, banda bu ɔ. A sin, n mbe samunɛ chɛ tena, a ni a ma wo ɔ ni gbɛa, wo 'a danaya ɔ. Chɛ ni ma, Yataa Nyina 'a gbasaya ɔ

Gboo Ɛfisɔsi Ko A 3:3

N‑na a sima ɔ yian fan wo a gboo ɔ, a si koe chɛ ma, min dɔ nunden ni, Yataa‑a a ɔ yian buɛ min dɔ n na.

Gboo Ɛfisɔsi Ko A 6:22

Chɛ an fɛ mu, n mbe a sɔ tena wo tena, a ni a ɔ yian wo a, nn gbɛɛ, nn mbe buɛ min dɔ sanche nɛ. A yɛ to, a ni wo faa n ma nande.

Gboo Fiipai Ko A 2:1

Tea ko a, mɔ dɔndɔɛ mu wo a Chasi a. Chɛ sin ma‑a wo tena faamanande a. Chasi toen mu wo a, wo sin mbe an buɔdia ɔ. Wo e wan ko dɔndɔɛ ɔ, wo bɛ Yataa Nyina a. A sin, koadia ɛ wan wo faa ɔ, a basan chinchimaya a.

Gboo Fiipai Ko A 3:8

Tea ko a, n‑na n kan kɔ sɔ an gbɛɛ a. Koe min na mu, n‑na Chisɔsi Chasi sɔnɛ min chɛ ka mansa a, a benden mu ko ɔ ko ma. A wan ko a mu, n mbe fo tena fen kɔ fen na, n sin mbe an ya tena bubuu an na. N‑na chɛ ma, min mbe a ma, n ni a wan Chasi ma sɔn,

Gboo Kɔdɔsai Ko A 1:26

Bai an nii nɛ, min dɔ nunden ni san wu sɛsɛ ko a, a ka mɔ bemba n ta bemba n na tima ma. Chɛɛ sanche gbɛ, a ɔ yian‑da Yataa 'a mɔɛ n na.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

Gboo Kɔdɔsai Ko A 1:9

Chɛ ko a, a bia an tee chɛ ma, nn‑na a a min tee min na, nn ma sɛmbɛ ni samunɛ chɛ koe a wo ko a. Nn mbe samunɛ chɛ tena wan tima ɔ tima ko a, Yataa ni a ma, a toen mu koe miin na, wo ni an dɔ gbɛ chɛndɛ chɛ. A sin, n mbe a ɔ tisa tena, a ni yiimatɛ gbɛɛ be wo ma, a wan Yataa Nyina ɛ min be.

Gboo Kɔdɔsai Ko A 2:19

An mbe ee Chasi bia‑a an boo fea a, a wɛn mu mmɔ kun ti a. Chasi an mbe na a 'a mɔɛ n gbɛɛ a kaina dɔndɔɛ. Ɛ wan dechee yɔ mɔ gbu gboo, ni a sɔna nu, an gbɛɛ‑a tun tunden mu buɛ min dɔ. Fasa mɛsɛ chɛ nu, miin mbe an dɔ, an tɛ ma tɛ ni, a sin an mbe wai chɛ kuiɛ dɔndɔya an dɔ. An mbe koa wan, yɔ Yataa toen mu an ni koa buɛ min dɔ.

Gboo Kɔdɔsai Ko A 3:14

Wo ni chɛ gbɛɛ ma wɛɛ, wo koadia sa a kun ma. Koe min na mu, an mbe ko ɔ ko kunɛ a bia, kuiɛ a kanɛ chɛndɛ ɔ.

Gboo Kɔdɔsai Ko A 4:3

A sin, wo samunɛ chɛ nn ko a, min mbe a ma, Yataa ni chia yian nn na, a 'a bai chɛ ɔ yian koe a. Sakana bai chɛ, Yataa‑a min dɔ nun tee mɔɛ n ma, n ni a ɔ yian den mɔɛ n na. Sakana bai chɛ, a si Chasi ma, n mbe ka sa ɔ pimbi chenɛ a min ko a.

Gboo Kɔdɔsai Ko A 4:8

N toen mu, a ni a ma wo ni a ɔ sɔn, nn mbe buɛ min dɔ nɛ, a yɛ to, a ni wo faa ma nande. Chɛ an fɛ mu, n‑na a sɔ wo tena.

Gboo Saa Tɛsadonika Ko A 1:5

A mu min na, nn‑na sakana bai chɛndɛ chɛ ɔ yian wo a, a si Chisɔsi Chasi ma. Nn ma a ɔ yian ni dechee nn da n fan dɔ. Chɛɛ Yataa Nyina an bɛɛ ni ka wai chɛ‑a gbasaya wa ɔ. A sin, nn danden fan ni a a, mbɛ nn mbe tea bai n fan fɔ. Wo sin gbu na‑a nn yen fan, mmɔ bɛ ni tima min na, nn ni fɔɛ min nyɔn sima ɔ. Nn‑na chɛ gbɛɛ ma, basan koe an na wo ma.

Gboo Saa Tɛsadonika Ko A 3:2

Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.

Gboo Saa Tɛsadonika Ko A 5:14

Nn suun ma nyɔɛ nu Chasi ɔ, nn mbe wo ɔ tisa tena, wo ni dasi be baa baa tɔɛ n ma. Chiandia koo miin gboo ɔ, wo ni an faa ma nande, mbɛ wo‑a chɛ n deman, miin dɔ ma gbɛ. Wo wo faa bia mɔ ɔ mɔ a.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

GBOO IBU MƆƐ N KO A 10:22

Chɛ an fɛ mu, mmɔ na Yataa baima, faa chɛndɛ a, a yɛ to, mmɔ kai faenɛ a a gban. Mmɔ faa ɔ gbɛenɛ ni ma, mmɔ yiima a koenɛ ɛ fo, mmɔ gboo wɛɛ ma koenɛ, mmɔ gbɛenɛ fo.

GBOO IBU MƆƐ N KO A 6:11

Nn toen mu wo gbɛɛ, wo ni butuin dɔndɔ gbe chɛ chɛ wo faa gbɛɛ a, aan wo 'a fɔɛ danka a. Chɛ an mbe a ma, wo yii na tɛen mu koe miin ma, wo ni an ma sɔn.

2 PITA 1:10

Chɛ an‑na a fɔ, n suun ma nyɔɛ nu Chasi ɔ, wo butuinɛ chɛ wo sɔɛ gbɛ a. Wo ni a ɔ yian, mbɛ Yataa‑a wo chee min chɛ, a‑a a boo min sɔ wo ma, ma koe a a ta mɔɛ n na, kuɔ fɔ koe mu. Chɛ sin mbe a ma‑a wan, wo ee sɛmbɛ‑a wo kai fa koe a Yataa a.

2 PITA 1:3

Chasi 'a gbasaya ɔ, fen kɔ fen been fan mu mmɔ ma, min mbe a ma, mmɔ ni ma mɔɛ n na, Yataa wakoe ɛ miin faa ɔ. Chɛ ɛ ma‑a koe min na, mmɔ ma‑a gbɛ Yataa sɔn mɔɛ n na. A wan Yataa an‑na mmɔ chee a tena. A‑a chɛ ma, min mbe a ma, mmɔ wɛɛ ni a 'a gbasaya ɔ daun. A yɛ to, a 'a ko chɛndɛ ma ni ma mmɔ 'a fɔɛ ɔ.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.

1 CHƆN 3:19

Ni mmɔ‑a a ma ka, an mbe a ɔ yian‑da, mbɛ tea ɛ wan mmɔ ɔ. An mbe a ma‑a, mmɔ faa ee gbaa, mmɔ ɛ ma‑a Yataa chen kɔɔ,

1 CHƆN 5:7

A gbu sin, siiya sawa an mbe tea chɛ ma a si Chisɔsi ma.