Gboo Kɔdɔsai Ko A 2:18 - Yataa 'a Dɔbɛnɛ Nama

¹⁸ Wo ma dɔn mɔɛ chɛ n ni a fɔ wo ye, mbɛ wo ee Yataa chia ma. Mɔɛ chɛ nu, miin toen mu chii koe a wo ma, kooya be koe a maeka n ma, mbɛ wo‑a an fai. A yɛ to, an mbe a fɔ, an dɔ, an mbe koe n dɔ yen fan, miin dɔ nunden mu. An mbe ma‑a ka fania an dɔ, an mbe yonka tɛ‑a, mɔgbuya chia a, tea sin mbe ee a ɔ.

Gboo Kɔdɔsai Ko A 2:18 ပူးပေါင်းရင်းမြစ်များ

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

GBOO DOMI KO A 1:25

An mbe ee dɔn, an ni dan tea koe n na, a si Yataa ma. An mbe dɔn dechee fania fania bai chɛ n fan ma. An mbe fen chɛ n fan fai, Yataa wandi‑a miin nyan. Chɛɛ an mbe ee dɔn, an ni Yataa wandi gbu sin fai, min‑na an fen chɛ n sin nyan. A wan gbu mu, a ma biaen mu, tando ni be min ma, kuɔ fɔ ni kuɔ fɔ ko a. A ni ma ka.

GBOO DOMI KO A 16:18

A mu min na, an mɔɛ chɛ nu miin mbe ko bonda chɛ n ma, an mbe ee ma ka mmɔ 'a mansa Chisɔsi 'a wai an chɛ‑a. An gbɔsɔen mu dechee an faa ma koe n fan ko a. An da ɔ di, an sin mbe mɔɛ n yii a faa faa wan bai sɛsɛ a, mɔɛ miin woo koe ma gbɛ, mbɛ an‑na an bun.

GBOO SAA KƆYINDI KO A 13:4

Faabia, an mbe koadia ɔ, a basan chinchimaya a. Toomaya ee koadia ɔ, yonkatɛ ee a ɔ, dɔpandaya wɛɛ ee a ɔ.

GBOO SAA KƆYINDI KO A 3:3

Koe min na mu, wo mu tun mɔɛ n fan na, miin faa ma koe n benden mu an ma. Toomaya ɛ wo tɛ ɔ, a basan koɛ a. Chɛ ɛ a ɔ yian fan, mbɛ wo e koe ma tena wan yɔ mɔɛ nu, miin mbe ee Yataa chia ma.

GBOO SAA KƆYINDI KO A 4:18

Ɛ wo dɔ n yii ma, mbɛ n mbe ee na tena to wo tena. A sin, chɛ bun‑da a ma‑a, wo bun‑da dɔpanda bɔ‑a.

GBOO SAA KƆYINDI KO A 4:6

N suun ma nyɔɛ nu Chasi ɔ, n‑na nn fandi ya tɔmɔsi a, nn fea Apɔdɔsi a, wo 'a tɔnɔnɛ an ko a. Chɛ ni a ma, Yataa 'a gboo‑a min fɔ, wo ma na tandin a ɔ. Wo ma na yonka tɛ, mɔɛ dɔndɔɛ wakoe ma, mbɛ wo tɛ‑a dɔndɔɛ sin dɔ.

GBOO SAA KƆYINDI KO A 8:1

Ka n mbe koɔ gbɛ, a si daun fenɛ n ma, mɔɛ ɛ miin bɔ yasi n na, fen chɛ n tena, miin ma Yataa a. Wo‑a gboo nyɛn fan, a si a ma. Mmɔ gbɛɛ, yiimatɛ ɛ wan mmɔ ɔ, yɔ wo e a fɔ buɛ min dɔ. Chɛɛ an yiimatɛ chɛ sima, ɛ mmɔ kunɛ koa dɔpanda an na. Chɛɛ koadia tana, ɛ chen sɔ wan mmɔ kɔɔ.

GBOO SAA KƆYINDI KO A 9:24

Wo‑a a ɔ sɔn fan gbu, mbɛ bui chɛ tɔmbɔɛ ɔ, bui chɛ mɔɛ gbɛɛ an mbe ee a to a ɔ an nyɔn ko a. Chɛɛ dɔndɔ gbe, an mbe boo ɔ gbasi woo ma sɔn, sɔ koe a a bɔɛ n ya ɔ. Chɛ an fɛ mu, wo bui chɛ chɛ, wo ni boo ɔ gbasi woo chɛ ma sɔn.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

GBOO FEAN BƆƐ KƆYINDI KO A 12:20

N faa gbaaenɛ mu, kɔkɔɛ ni n che‑a wo tena, n mbe ee na‑a wo tan‑da, yɔ n toen mu n ni wo tan buɛ min dɔ. A sin to, kɔkɔɛ wo wɛɛ, wo ee na‑a to‑a n ma buɛ a, wo ta faa ma ɔ. N chiandenɛ mu, n ma na koɛ tan wo tɛ ɔ, a basan toomaya a. A yɛ to, faagbandia basan wo ta diana koe n dechee a, main chɛ basan ko ɔ fɔɛ a, dɔpanda basan ko a fasanɛ a.

Gboo Ɛfisɔsi Ko A 4:17

Sanche gbɛ, n mbe chɛ an fɔ tena, n ni a kɔ din, Mansa Chisɔsi 'a gbasaya ɔ. Wo ma ma, yɔ mɔɛ chɛ nu, miin ma Yataa sɔn, an mbe koe n ma buɛ min dɔ. An mbe an yii na chii buɛ min dɔ, wooya wa an mbe a ɔ.

Gboo Ɛfisɔsi Ko A 5:6

Koe chɛ nu, an fan mbe a ma, Yataa ɛ faatɛ a bɔ mɔɛ chɛ n ma, miin mbe ee a kuiɛ ma. Mɔ ɔ mɔ kan kɔ kan, a ma daɔdia bai gbama n fɔ wo ye, wo bun koe a.

Gboo Fiipai Ko A 3:14

N mbe n fɔsɔ tena, ya ɔ ma an ko a, n ni tɔnɔnɛ chɛ ma sɔn. Mɔɛ min fea Chisɔsi Chasi a, an ma‑a mɔ dɔndɔɛ a, ɛ tɔnɔnɛ min ma sɔn, ni Yataa‑a an mɔɛ chee banda bu ɔ.

Gboo Kɔdɔsai Ko A 2:23

Ni mɔɛ‑a sawa chɛ n gbu ma fɛn, a maenɛ mu yɔ tea ɛ koe miin dɔ. Koe min na mu, an mbe a din fan mɔɛ n ma, samunɛ ɛ chɛ buɛ min dɔ. A yɛ to, an mbe an fandi ma yii buɛ min dɔ, a basan koe n na, an mbe miin si an gboo a. Chɛɛ chɛ n gbɛɛ, tea ee an dɔ. An gbɛɛ ma fen kɔ fen na, ni mɔɛ gbu‑a a yii na chii chia n ma, mɔɛ ɛ kun buɛ min dɔ, a ni a gboo bia, Yataa chia a.

Gboo Kɔdɔsai Ko A 2:4

N mbe chɛ fɔ tena, min mbe a ma, mɔ ɔ mɔ ma na wo bun, an 'na daɔdia bai ma kawaenɛ n na, an mbe miin dɔ yian‑da.

Gboo Kɔdɔsai Ko A 2:8

Wo wo kun ma fɛn, wo ma na ma yɔnɛ a, mɔ dɔ mende n 'na yiinachii ɔ yansama boo ɔ. An ma na wo bun, wo ni bea mɔ gbu ta manda n fɛ, wo ni bea dunya chɛ ma nyina n fɛ. An mbe ee ma‑a Chasi ta chia fɛ.

1 TIMOTI 1:7

An toen mu an ni mɔɛ n kan Mosisi 'a sawa a, an kuiɛ ma sɛenɛ a. Chɛɛ an ma sawa gbu ɔ gbɛ ni, a basan koe chɛ n na, sawa ɛ min fɔ tena.

1 TIMOTI 4:1

Chɛɛ Yataa Nyina ɔ, tima ɛ che‑a wan mɔɛ n ni sɛmbɛ dan koe a Chisɔsi Chasi a, mbɛ an bea nyina yama da a kuiɛ fɛ, a basan fania kanɛ a.

2 PITA 2:14

An mbe ee musu ma fɛn gbama a, ni an ma an yii na chii ni ta koe ma a sofa a. An faa ee chima ko yama ma koe a. An mbe a ma wan mɔɛ chɛ n ni chɛɛ gbai a, mɔɛ miin yiima ɔ dɔɔ. An‑na an fandi kan fan to koe a fen kɔ fen na, an sin mbe ma‑a danka tɔɛ n fan na.

1 CHƆN 2:26

N mbe bai chɛ n gbɛɛ nyɛn tena wo tena, a sien mu mɔɛ chɛ n fan ma, miin toen mu an ni wo bun.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 13:14

A sin, a 'a kamaya koe chɛ n‑na mɔɛ n gbɛɛ bun fan dunya ma, Yataa‑a a too ka a ma ka koe miin ma koe a, soe yama saa chɛ ya kɔɔ. Soe yama fean bɔɛ chɛ‑a a saa chɛ a gbasaya a tachɛ wan, a fɔ koe a mɔɛ n ye, an ni soe yama saa chɛ bɔ nyɔɛ nyan. Mɔɛ ɛ a yen, yɔ an na‑a an soe yama saa chɛ fa wan chɛɛ chɛ mɛ a, mbɛ a yɛ‑a to fɔɛ ɔ.

KO Ɔ NUNDENƐ 13:8

A sin, mɔɛ gbɛɛ dunya ma, an mbe a fai wan. Mɔɛ chɛ n gbɛɛ, miin mbe ee a fai‑a, an fan nɛ dechee mɔɛ chɛ n na, miin tɔɛ nyɛndenɛ ɛ gboo chɛ ɔ, a ka dunya a dan tima ma. Gboo chɛ, mɔɛ miin mbe kuɔ fɔ fɔɛ ma sɔn‑da, an mbe min dɔ. An gboo chɛ, ɛ sa tɔngbɔɛ an boo ɔ, an‑na min fa.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.

KO Ɔ NUNDENƐ 3:11

A ɔ ee yansan tena to, mbɛ n na‑a. Chɛ an‑na a fɔ, wo gboo ɔ ma fa dan koe a n na, min mbe a ma, wo ee na‑a fo‑a wo 'a boo ɔ gbasi woo a.