Gboo Kɔdɔsai Ko A 2:16 - Yataa 'a Dɔbɛnɛ Nama

¹⁶ Chɛ an fɛ mu, miin sien mu wo daun fenɛ ma, ni fenɛ min mbe min, mɔ ɔ mɔ ma kaa a tɛ, a si a ma. A yɛ to, kaa a ma tɛ, a si bɛn ba chɛ n ma, wo e miin bia, a a ma tɛ kau nama ma, a a ma tɛ suin tee wɛɛ wakoe ma.

Gboo Kɔdɔsai Ko A 2:16 ပူးပေါင်းရင်းမြစ်များ

MATIU 15:11

Mɔ gbu e min don i da a, an mbe ee a ma, i ma ni nyamui Yataa ya kɔɔ, fɔ e min‑na bɔ i da ɔ.”

MAKI 7:19

Koe min na mu, mɔ gbu ɛ fenɛ min daun, a ee ta a faa ɔ wan. Chɛɛ ɛ yii mɔ bu ɔ wan, mbɛ a ta‑a kumbai a kanɛ ɔ.” (Chisɔsi‑a a fɔ wan ka, mbɛ daun fenɛ kan kɔ kan nyin fan, a daun koe a).

CHISƆSI 'A SƆ MƆƐ NU 15:20

Chɛɛ mmɔ ɛ min ma, mmɔ gboo nyɛn an tena. Mmɔ ni a fɔ an ye, mbɛ an ma daun fɛnɛ daun, mɔɛ n‑na min bɔ yasi a, fen chɛ n tena, miin ma Yataa a. A yɛ to, an ma koe tɛ, an sin ma soe kan kɔ kan daun, min kanɛ a ma tɛ ni, an gbu ma wii daun.

GBOO DOMI KO A 14:10

Wo dɔ nu, wo ma kaa a tɛ, wo bɔ Chisianɛ n ma, ko yama ma koe a. A sin to, wo dɔ n bɛɛ, wo ma wo kunɛ dɛn wo bɔ Chisianɛ n kun ma. Koe min na mu, mmɔ gbɛɛ, mmɔ ɛ sɔ‑a wan Yataa chen kɔɔ tee dankama tee ma, a ni kaa a tɛ mmɔ wakoe ma.

Gboo Kadesia Ko A 4:10

Wo e tee n ya wan, a ben tee dɔ nu ma. Wo e kau dɔ n bɛɛ ya ka wan, ni tima dɔ nu, a basan sanɛ dɔ n bɛɛ a.

Gboo Kɔdɔsai Ko A 2:20

Wo bɛ Chasi a, wo wan fa‑a dɔndɔ a, mbɛ nyina yama n 'na gbasaya ee to wo kun ma dunya ɔ. Chɛ an fɛ mu, ko ɔ ko ma a ma to, wo ni bea dunya chɛ ɔ fɔɛ fɛ, ko ɔ ko ma a ma, wo ni bea a ɔ sawa n fɛ.

GBOO IBU MƆƐ N KO A 13:9

Wo ma dɔn kan sɛsɛ nu, miin kaen mu sakana bai chɛndɛ chɛ ma, an ni wo ka Yataa chia ma. A nyin mmɔ ni faa sɔɛ ma sɔn, koadia demanɛ ɔ, Yataa ɛ min chɛ. Chɛ benden mu bea koe ma sawa n fɛ, miin sien mu daun fenɛ n ma. Mɔɛ miin mbe bea sawa chɛ n fɛ, an nii ma an deman ni.

GBOO IBU MƆƐ N KO A 9:10

Koe min na mu, chia kɔma chɛ sien ni daun fenɛ n fan bakoe ma. A yɛ to, mɔɛ ma ɛ ko buɛ min dɔ, Chu n 'na sawa ta fɛ chia a. Chɛ n gbɛɛ, sawa gbama n fan nɛ. An ni nɔ dechee aan tima chɛ an ko a, Yataa na‑a a ta dɔbɛn nama chɛ tima min na.

CHIMISI 4:11

N suun ma nyɔɛ nu Chasi ɔ, wo ma wo nyɔn ma bɔ. Mɔ ɔ mɔ min mbe a bɔɛ ma bɔ‑a, a ni kaa a tɛ a ma, a mɔɛ chɛ ɛ ma‑a ka sawa chɛ an ma bɔ‑a, Mosisi‑a min be. Ɛ ɛ ma‑a ka kaa a tɛ‑a an sawa chɛ an ma. Ni mɔɛ sin‑na kaa a tɛ sawa chɛ ma, mbɛ a ee ma‑a to a kɔɔ. Koe min na mu, a ban‑da ma‑a kaa a tɛ mɔɛ a sawa gbu ko a.