Gboo Kɔdɔsai Ko A 2:15 - Yataa 'a Dɔbɛnɛ Nama

¹⁵ An kɔn gbengbanden chɛ ma, Chasi‑a a ma wan, nyina yama n 'na gbasaya ban‑da. A‑a an nyina yama chɛ n ma wan tɔmɔsi a, fanka ɔ den, mbɛ a wan Chasi, a kun‑da an ma.

Gboo Kɔdɔsai Ko A 2:15 ပူးပေါင်းရင်းမြစ်များ

MATIU 12:29

Mbɛ Chisɔsi‑a Sitana ya yɔ kamin gbasayaen ba, a ɔ, “A yɛ to, ni mɔ ɔ mɔ toen mu a ni don kamin gbasayaen ba 'a chenɛ a punka koe a, mɔɔ ni a‑a a chii pɛn, a e na to a 'a chenɛ a punka‑a.”

DUKU 10:18

Mbɛ Chisɔsi ɔ, “N‑na Sitana yen fan bea‑a a ka banda bu ɔ, yɔ banda manɛ.

DUKU 11:22

Chɛɛ ni mɔɛ min gbasayaen mu a ni ben a ma, a dɛ‑a a ma butuinɛ a, ɛ a boan fan. Ni a‑a a boan, ɛ a 'a chɛɛ chɛ feanka n gbɛɛ bɔ wan a boo ɔ, mbɛ a ta‑a a a, a basan a boo fenɛ n gbɛɛ a, a ni miin ma butuin chɛ tena, mbɛ a‑a an du.

CHƆN 16:11

An sin ma a ɔ sɔn, kaa chɛ a tɛ‑a buɛ min dɔ. Koe min na mu, Yataa ban‑da kaa a tɛ‑a Sitana wakoe ma, min mbe dunya chɛ kun ma.

CHƆN 19:30

Mbɛ Chisɔsi‑a gbɛ chɛ susu fen yɔfu yɔfu chɛ ɔ, mbɛ a ɔ, “N ban‑da n 'na wai chɛ‑a.” Mbɛ a‑a a kunɛ a bun, a fa‑a.

GBOO SAA KƆYINDI KO A 15:24

Chɛ gbakɔ, tima ɛ che‑a wan, dunya ban koe a. A tima chɛ a, Chasi ɛ kun‑da wan nyina n gbɛɛ ma, miin mbe sɔ tena nu. Ɛ kun‑da wan ya ɔ sɔɛ n ma, ni fen kɔ fen miin gbasa dunya chɛ ɔ. Ɛ a ma‑a wan fen kɔ fen ni yɛ, mmɔ Fa Yataa 'a mansaya kɔɔ.

GBOO FEAN BƆƐ KƆYINDI KO A 2:14

Chɛɛ n mbe Yataa wai bɔ tena. Nn ma‑a mɔ dɔndɔɛ a, Chisɔsi Chasi a. An mbe a ma tena tima ɔ tima ko a, nn mbe kun Sitana ma. A sin, Yataa ɛ a ma wan, nn mbe sakana bai chɛ ɔ yian kan kɔ kan, a si Chasi ma, yɔ fen kunyɛ a diama ɛ ta buɛ min dɔ.

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

Gboo Ɛfisɔsi Ko A 3:10

A‑a chɛ ma, min mbe a ma sanche, a ni a ɔ yian nyina yama n na, an bɛ an ya ɔ sɔɛ n na, gbasaya ɛ miin boo ɔ banda a, mbɛ yiimatɛ koo a ɔ kaka. A‑a chɛ ɔ yian an na koe n fan dɔ, a‑a miin chɛ chɔchi ko a.

Gboo Ɛfisɔsi Ko A 4:8

Chɛ an fɛ mu, a nyɛnden mu Yataa 'a gboo ɔ, “A sɛ‑a kɛn aan, a sɛ‑a, a na‑a mɔ sɛsɛ chɛ wan bia ɔ, a sɛ‑a an na. A sin, a‑a boo fenɛ sɛsɛ be wan mɔɛ n ma.”

Gboo Ɛfisɔsi Ko A 6:12

Koe min na mu, mmɔ ee butuinɛ chɛ tena mmɔ fian mɔ gbu n fan na, chɛɛ mmɔ ɛ a chɛ tena nyina yama n fan na. An fan mu ya ɔ sɔɛ n na, gbasaya ɛ miin boo ɔ kaina nu, banda a. A sin, an pimbi bundenɛ ɛ dunya chɛ kun ma.

Gboo Kɔdɔsai Ko A 1:16

Yataa‑a a gbu ma, fenɛ tɔɛ gbɛɛ n na dan‑da, banda bu ɔ ni dunya chɛ ɔ, Chasi chɛ an boo ɔ. Mmɔ ɛ fenɛ miin yen, ni mmɔ ee miin yen. A yɛ to, nyina yama n ya ɔ sɔɛ wɛɛ, ni maeka n ya ɔ sɔɛ. Fen kɔ fen, an na dan‑da Chisɔsi boo ɔ wan, a sin fan ko a mu.

Gboo Kɔdɔsai Ko A 2:10

A wan mu mansa a, mansa kan kɔ kan ko a, maeka kan kɔ kan ko a, ni nyina kan kɔ kan ko a. A sin, wo wɛɛ, wo fɔɛ da fa‑a gban, koe min na mu, wo ma‑a gbɛ mɔ dɔndɔɛ a, wo bɛ Chasi a.

GBOO IBU MƆƐ N KO A 2:14

Chɛ an fɛ mu gbɛ, den chɛ nu, mɔ gbu gbama gbama mu an na. An fɛ mu, a wandi wɛɛ, a na‑a ma wan to mɔ gbu a, min mbe a ma, a ni fa. A 'a saya chɛ sin mbe a ma‑a wan, a ni Sitana kasaa, gbasaya ɛ ka min boo ɔ saya ko a.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.