Gboo Kɔdɔsai Ko A 2:13 - Yataa 'a Dɔbɛnɛ Nama

¹³ Tima ni wan nɔ, wo faenɛ ni wo 'a ko yama n boo ɔ, Yataa tena. A sin, wo kunɛ nii ma bɔ ni wo 'a ko yama n dɔ, miin nii ma nyin mɔgbuya ɔ. Chɛɛ Yataa‑a wo a yɛ to fɔɛ ɔ, wo bɛ Chasi a. Mmɔ gbɛɛ, Yataa‑a a boo bɔ mmɔ 'a ko yama n dɔ.

Gboo Kɔdɔsai Ko A 2:13 ပူးပေါင်းရင်းမြစ်များ

DUKU 15:24

Koe min na mu, n 'na den chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ.’ Mbɛ an‑na a kuu sɔ daunɛ chɛ‑a an mbe ta‑a tɔmbɔɛ don‑da a boo ɔ.

DUKU 15:32

Chɛɛ mɔɔ ni mmɔ‑a buɔdia bonda chɛ bɔ, a mu min na, i dɔɛ chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ sanche.’ ”

DUKU 9:60

Mbɛ Chisɔsi wɛɛ ɔ, “Mɔɛ miin mbe yɔ mɔ faenɛ nu, an to nɔ, an ni an 'na mɔ faenɛ n tɔn. Chɛɛ i tana, a nyin i ni ta, i ni Yataa 'a mansaya ɔ yian mɔɛ n na.”

CHƆN 5:21

N Fa, ɛ mɔɛ n kɔɔ sɔ wan, a ka saya ɔ, ɛ fɔɛ be an ma. A chia dɔndɔ gbe chɛ a mu, n bɛɛ, n mbe fɔɛ be‑a chɛ n ma, n toen mu n ni a be miin ma.

CHƆN 6:63

Yataa Nyina, an mbe fɔɛ be, chɛɛ mɔ gbu ta gbasaya ma fen kɔ fen na ɛnden bɛɛ a. N‑na bai miin fɔ ka wo ye, an fan mbe na Yataa Nyina a, min mbe fɔɛ be.

GBOO DOMI KO A 4:17

Chɛ fɔen fan mu Yataa 'a gboo wɛɛ ɔ, mbɛ a wan Yataa 'a gbasaya ɔ, mɔ sɛsɛ dunya ɔ, Ebeami an mu an bemba n ta bemba a. A sin, a wan Yataa Mansa ko a, a 'a tooɔdia chɛ baa ɛ wan a ma. Ebeami sin na‑a dan Yataa an na. Yataa an mbe a ma mɔɛ min fa‑a, a ni yɛ to fɔɛ ɔ. A da a kuiɛ to, an mbe a ma, fenɛ miin nii dunya chɛ ɔ tee, a ni bɔ a ɔ.

GBOO DOMI KO A 6:13

Wo sin gbu ma wo wandi be chia ɔ chia a ko yama ma, wo ma wo boo chɛ ko yama n dɔ. Chɛɛ wo e min ma, wo wo wandi be Yataa ma. Wo a ma yɔ mɔɛ nu, miin‑na fɔɛ ma sɔn, a ka saya ɔ. Wo wo wandi gbɛɛ be a ma, a ma koe a wo ni tea koe n ma.

GBOO DOMI KO A 8:11

Yataa Nyina, min‑na a ma, Chisɔsi Chasi‑a a kɔɔ sɔ a ka saya ɔ, ɛ wan wo fɛ. A Nyina chɛ sin, min‑na chɛ ma ka, ɛ fɔɛ be‑a wan wo ma, wo wɛn mbe fa ka. Ɛ chɛ ma‑a wan, yɔ a na‑a a ma buɛ min dɔ dechee Chasi a.

GBOO SAA KƆYINDI KO A 15:36

Woo mɔ tisa an nɛ, e ka min chɛ‑a. Ni i‑a chin fenɛ chin duu gboo ɔ, ɛ tui pɛn, mbɛ a fɛn‑da gbɛ.

GBOO SAA KƆYINDI KO A 15:45

A gbu sin, a nyɛnden mu ka wan Yataa 'a gboo ɔ, mbɛ mɔ kaima saa saa, min tɔ ni Adami, Yataa‑a fɔɛ be wan a ma. Mbɛ Adami dankama sin, a mu Yataa Nyina an na, min mbe fɔɛ be.

GBOO FEAN BƆƐ KƆYINDI KO A 3:6

An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.

GBOO FEAN BƆƐ KƆYINDI KO A 5:19

Nn 'na sakana yen ko. Mbɛ Yataa‑a a ma wan, Chasi‑a a ma, mɔɛ gbɛɛ dunya ɔ, an ni ma a wan Yataa dia nyɔɛ a. Yataa nii ma mɔɛ gbɛɛ 'a ko yama n sa tena ɔ bɛn ni. A sin, a‑a an sakana bai chɛ be wan nn ma. Sakana bai chɛ, min mbe a ɔ yian, mmɔ gbɛɛ ɛ ma buɛ min dɔ a dia nyɔɛ a.

Gboo Ɛfisɔsi Ko A 2:1

A saa a, wo faenɛ ni, Yataa Nyina ta fɛ chia a. Koe min na mu, wo ni koe n ma wan, miin mbe ee a chia ma, ko yama nu.

Gboo Ɛfisɔsi Ko A 2:11

Chɛ an‑na a fɔ, wo wan, wo wɛn ma ka Chu mɔɛ n na, wo wo yii na chii chɛ ma. Chu mɔɛ n ni wo chee, an dɔ, Yataa sɔn bai nu, koe min na mu, wo a nii ma kamincha ni, yɔ Chu mɔɛ nu. Chɛɛ da kamincha chɛ sin, a mu dechee manda an na, mɔ gbu ɛ min na tachɛ a boo a.

Gboo Ɛfisɔsi Ko A 5:14

A sin gbu, fen kɔ fen min mbe yen‑da gbadan, an mu manɛ a. Chɛ an fɛ mu, Yataa 'a gboo‑a a fɔ, a ɔ, “Wo wo kɔɔ sɔ, wo wɛn mbe sa ɔ chinɔɛ ɔ, mbɛ wo‑a wo kɔɔ sɔ a ka saya ɔ, a sin, Chasi ɛ a 'a manɛ be‑a wo ma.”

Gboo Kɔdɔsai Ko A 2:12

Yii chɛ‑a kɛn wo kunɛ ɔ, Yataa chia a, a tima chɛ a, a ma‑a wan yɔ wo tɔn‑da wan ka, wo bɛ Chasi a. A yɛ to, mbɛ Yataa‑a wo kɔɔ sɔ, a ka saya ɔ, wo bɛ Chasi a to. Danaya ni wan wo ɔ Yataa 'a gbasaya ko a, min‑na Chisɔsi kɔɔ sɔ, a ka saya chɛ ɔ. An danaya chɛ sin fan‑na a ma, chɛ ma‑a.

1 TIMOTI 5:6

Chɛɛ fuinya musu min kunɛ a fuinden mu buɔdia bɔ koe a, a nɛnɛ ban‑da, a fɔɛ ɛ wɛɛ boo ɔ boo a sun da a.

1 TIMOTI 6:13

Yataa ɛ mmɔ yen tena wan, min‑na fɔɛ be fen fen ma, Chisɔsi Chasi wɛɛ ɛ mmɔ yen‑da, min ma a nun ni Kɔfana Pɔnchɔsi Padeti ma, danaya min nyɔn sima ɛ a ɔ. N toen mu i ni

GBOO IBU MƆƐ N KO A 6:1

Chɛ an fɛ mu, mmɔ koe chɛ n to, Chasi ni mmɔ kan miin na, yɔ den mɛsɛ nu. Mmɔ a kuu sɔ gbɛ mmɔ yii na chii‑a yɔ mɔɛ miin yii kɔɔen mu. Mmɔ sɛmbɛ mmɔ gba ɔ tɛn tɛn koe a, ko mɛsɛ chɛ n kan koe a, a si Chisɔsi ma. Koe chɛ nu, miin mbe a ma, an ni an mun, an ni sɛmbɛ ko yama chɛ n ma‑a, miin mbe a ma, an ni saya ma sɔn. Mmɔ yɛ to, mmɔ ni a ɔ yen, an ni an kai fa Yataa a.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

CHIMISI 2:17

Wo‑a yen gbɛ, mbɛ mɔ kai fa koe Chisɔsi Chasi a, a dechee ma koe a. Kai fa min, mɔɛ n mbe ee a ɔ yen ko chɛndɛ ma ɔ, ko ma a a. An kai fa chɛ ma fen kɔ fen na, a faenɛ mu.

CHIMISI 2:20

Wo wooen fan mu. Wo toen mu, wo ni a ɔ gbɛ, mbɛ ni wo kai faenɛ ma‑a tenchen Yataa a, wo ee ko chɛndɛ wɛɛ ma, mbɛ yiimatɛ ma.

CHIMISI 2:26

Mɔɛ min faen mu, a nyina ee ma to a fɛ. Ɛ ka wan dechee yɔ ni mɔɛ kai faenɛ ma‑a dechee Chisɔsi a, chɛɛ a ee ko chɛndɛ ma.

1 CHƆN 2:12

N 'na denɛ nu, n mbe gboo chɛ nyɛn tena wo tena, koe min na mu, Yataa‑a a boo bɔ wo 'a ko yama n dɔ Chisɔsi ko a.