Gboo Kɔdɔsai Ko A 2:11 - Yataa 'a Dɔbɛnɛ Nama

¹¹ Wo ma min chɛ‑a mɔ dɔndɔɛ a, wo bɛ Chasi a, wo a ban‑da kamincha‑a. Mɔ gbu ta da kamincha ma, chɛɛ Chisɔsi ta mu. A sin‑na a ma, mbɛ wo kunɛ bɔ‑a wo 'a ko yama n dɔ, miin ma nyin mɔgbuya chɛ ɔ.

Gboo Kɔdɔsai Ko A 2:11 ပူးပေါင်းရင်းမြစ်များ

MAKI 14:58

“Nn‑na a a min fan, a‑a a fɔ, a ɔ, ɛ kun fan a ni Yataa 'a chen chɛ, mmɔ‑a min sɔ ka mmɔ boo a, a ni a te, mbɛ a‑a a sɔ tee sawa tɛ ɔ, mɔ gbu boo sin fan mbe ee a sɔ‑a.”

DUKU 2:21

A suun tee wɔnfean bɔɛ ma, an‑na a a kamincha wan, mbɛ an‑na a tɔɛ wɛɛ si, an dɔ, Chisɔsi. Maeka chɛ na‑a tɔɛ chɛ an yian a ko a, pɛn a de ni a bu ya.

CHISƆSI 'A SƆ MƆƐ NU 17:24

Yataa, min‑na dunya a dan, a basan fen kɔ fen na, miin mbe a ɔ, an mu Mansa Yataa a dunya chɛ ɔ ni banda a. A sin mbe ee ma chenɛ a, mɔ gbu ɛ min sɔ a boo a.

CHISƆSI 'A SƆ MƆƐ NU 7:48

“Chɛɛ Yataa Wa ee ma chen na, mɔ gbu n mbe min sɔ. Ɛ wan yɔ Yataa 'a gbonka chɛ mɔɛ n 'na gboo‑a a fɔ buɛ min dɔ, a ɔ,

GBOO DOMI KO A 2:29

A ee ka, Chu mɔɛ mu a faa an na, min mbe a bu ɔ. Yataa Nyina an mbe a ma, mɔɛ ni a faa gbɛɛ be Yataa ma, chɛɛ sawa nyɛnden fan mbe ee a ma chɛ ni ma. An mɔɛ chɛ, ɛ a 'a tando sɔn‑da wan Yataa a, ni mɔ gbu ma a tando nin bɛɛ.

GBOO DOMI KO A 6:6

Mmɔ‑a a ɔ sɔn fan, mbɛ Chisɔsi ni gbangban tena tima min na kɔn gbengbanden chɛ ma, mmɔ sɔn kɔma n bɛɛ gbangban‑da wan a ma. Chɛ ma‑a min mbe a ma, Yataa ni mmɔ sɔn kɔma n bɔ mmɔ faa n dɔ. Chɛ ɛ a ma‑a wan, mmɔ ee ma‑a to yɔnɛ n na mmɔ 'a ko yama n boo ɔ.

GBOO DOMI KO A 7:24

N faa yɔnden mu a ɔ benden ba a. N toen mu mɔɛ a, min mbe che n bɔ‑a ko yama ma fɔɛ chɛ ɔ, min mbe a ma tena n mbe fa‑a.

GBOO FEAN BƆƐ KƆYINDI KO A 5:1

Koe min na mu, mmɔ‑a a ɔ sɔn fan, mbɛ ni mmɔ ɛ ka nɛ tɛndi gbama min kɔɔ, min mu mmɔ gboo chɛ a nɛ dunya chɛ ɔ, ni a kasaa‑a, Yataa ɛ chenɛ be‑a wan mmɔ ma. A wandi gbu an‑na chen chɛ a dan, mmɔ ma koe a nɔ. An chen chɛ sin, banda bu ɔ, a ee te kuɔ fɔ ko a.

GBOO FEAN BƆƐ KƆYINDI KO A 5:17

Chɛ ko a, ni mɔ ma‑a gbɛ mɔ dɔndɔɛ a mmɔ bɛ Chasi a, mmɔ ma‑a mɔ nama a. Mmɔ ka‑a mmɔ tachɛ buɛ kɔma kun ma, mmɔ dɛ‑a a nama ɔ.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Kadesia Ko A 5:24

Mɔɛ chɛ n sin, miin gbɛɛ, an mbe Chisɔsi Chasi ko a, an‑na chɛ an ma. Koe gbɛɛ, min ma nyin an 'na mɔgbuya ɔ, an faa ɛ miin dɔ chɛndɛ chɛ, an‑na an gbangban kɔn gbengbandenɛ ma.

Gboo Ɛfisɔsi Ko A 4:22

Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

Gboo Fiipai Ko A 3:3

Mmɔ wan mu Yataa 'a mɔɛ n na, tea tea ko a. Koe min na mu, mmɔ wan mbe Yataa fai a Nyina 'a gbasaya ɔ. Mbɛ mmɔ yɛ‑a, mmɔ‑a buɔdia bɔ, mmɔ ma koe a mɔ dɔndɔɛ a Chisɔsi a. Mmɔ ma mmɔ kai fa ni ko dɔ mende kan kɔ kan na, mɔ gbu ɛ che min ma‑a.

Gboo Kɔdɔsai Ko A 3:5

Chɛ an fɛ mu, dunya chɛ ɔ koe nu, miin na di wo ye, wo faa ni fa an ko a. Koe nu, yɔ ko tɛ kan kɔ kan, wo e na to dɛ‑a fuu ɔ, ni ko yama dɔ mende nu. A yɛ to, yiinachii yama, ni dunya ma koe ben koe a mɔɛ ɔ, a basan fenkoya wa a. Chɛ nɛnɛ ɛ wan dechee, yɔ fenɛ fai koe a, min ma Yataa a.

GBOO IBU MƆƐ N KO A 9:11

Chɛɛ Chasi ban‑da gbɛ na‑a, ma koe a tɛ mɔ wa a, mɔ gbu n tɛ Yataa a, ko chɛndɛ chɛ n ko a, miin‑na mmɔ tan. A ben‑da ka tɛndi min kɔɔ, mɔ gbu an ma a nyan ni, a sin gbu ma dunya chɛ ɔ fen na.

GBOO IBU MƆƐ N KO A 9:24

Koe min na mu, Chasi don‑da banda bu ɔ wan. A nii ma don ni kaina chɛ wan, Yataa ɛ fai kaina, mɔɛ n‑na min nyan. A don‑da gbɛ banda bu ɔ, ma koe an na, Yataa chen kɔɔ, mmɔ ko a.