Gboo Kɔdɔsai Ko A 2:1 - Yataa 'a Dɔbɛnɛ Nama

¹ N toen mu wo ni a ɔ sɔn, mbɛ n mbe mɔnɛ ɔ bia tena wan pien wo ko a. N‑na a chɛ wan mɔɛ chɛ n bɛɛ ko a, miin mbe Daɔdisia duu ɔ, ni mɔɛ tɔɛ chɛ n gbɛɛ ko a, nn ma nyɔn yen nin bɛ, nn bɛ miin na.

Gboo Kɔdɔsai Ko A 2:1 ပူးပေါင်းရင်းမြစ်များ

DUKU 22:44

A faa yɔn‑da wan a ɔ benden ba a, mbɛ a‑a samunɛ chɛ a sɔɛ gbɛɛ a. Taa min ni bɔ tena a ma, a maen fan ni yɔ wii, ɛ bɔn‑da kaka duu ma.

CHISƆSI 'A SƆ MƆƐ NU 20:25

“A sin, a yen ko gbɛ, n‑na chɛ ɔ sɔn. Mbɛ n ben ben‑da wo wɛn gbɛɛ tɛ ɔ, n mbe ta‑a koɔ‑a wo tena, a si Yataa 'a mansaya ma, wo dɔndɔ wɛɛ ee na‑a n yen‑da to.

CHISƆSI 'A SƆ MƆƐ NU 20:38

Pɔɔ‑a bai min fɔ an ye, an gbu‑a an faa mɔnɛ kaka. A‑a a fɔɛ min chɛ, a ɔ, an mbe ee na‑a an nyɔn yen‑da to. Mbɛ an ta‑a a ma sɔ‑a, dɛndɛ tena, an kɔ yii da a.

Gboo Kadesia Ko A 4:19

N 'na den toa nu, n mbe tɔɔya ɔ bia tena wo ko a, aan wo sɔnɛ ni bɔ Chasi ta a.

Gboo Fiipai Ko A 1:30

A sin, wo‑a n yen tɔbu min dɔ bia‑a, wo wɛɛ wo e ka an sima ɔ yen tena. A sin, wo e ka tɔbu min dɔ yen tena, an mbe ka tun n bɛɛ ma.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

Gboo Kɔdɔsai Ko A 1:29

N mbe wai chɛ tena n sɔɛ gbɛɛ a, chɛ an ko a. Chasi wan sin‑na an gbasaya wa chɛ chɛ n dɔ.

Gboo Kɔdɔsai Ko A 2:5

N mbe wɛɛ nɛ pɔɔ, chɛɛ n faa ɛ wo tena. N bu ɔ diama mu, koe min na mu, wo e chia chɛndɛ ma, wo ma ka ni ɛnden bɛɛ a wo gba ɔ, wo kai fa koe a Chasi a.

Gboo Saa Tɛsadonika Ko A 2:2

Wo‑a a ɔ sɔn fan, nn‑na tɔɔya min dɔ bia Fiipai duu ɔ, nn mbe na to na‑a wo tena Tɛsadonika. An‑na nn bia buɛ min dɔ, a yama yama boo a. Chɛɛ chɛ gbɛɛ ɔ, Yataa‑a nn sɔɛ don fan a 'a sakana bai chɛndɛ ɔ yian koe a. An 'na chɛɛ ma nyɔncha ma a ma ni, nn ni sɛmbɛ ɛnden bɛɛ a.

GBOO IBU MƆƐ N KO A 5:7

Tima min na Chisɔsi ni fɔɛ ɔ dunya chɛ ɔ, a ni samunɛ chɛ wan, a yɛ to, a ni Yataa ɔ tisa wan basan koe a a ma. A ni chɛ ma a kuiɛ ma sɛenɛ an na, a ya yii ɛ ta‑a bɔ‑a Yataa tena, min mbe che dechee a kun bɔ koe a saya ɔ. A sin ni baa be ka buɛ min dɔ Yataa ma, a wɛɛ, a ni a di kuiɛ a min fan.

1 PITA 1:8

Wo ma a yen nin bɛ, chɛɛ wo toen fan mu a a. A yɛ to, wo kai faen fan mu a a, wo ee a yen tena wɛɛ. A sin, sanche chɛ ɔ wɛɛ, wo bu ɔ diama mu. An buɔdia chɛ danka ee, wo ee che bai fɔ‑a a si a ma.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”