Gboo Kɔdɔsai Ko A 1:6 - Yataa 'a Dɔbɛnɛ Nama

⁶ Sakana bai chɛndɛ chɛ ɛ a ma tena wan, ko chɛndɛ sɛsɛ ɛ mɔɛ n tan tena tima ɔ tima ko a dunya gbɛɛ ɔ. A sin, wo wandi wɛɛ tɛ ɔ, ɛ ma tena ka wan. A bia tee saa saa chɛ ma, wo na‑a a a min kɛn, mbɛ wo dan‑da koadia demanɛ a chɛndɛ chɛ, Yataa ɛ min chɛ tea tea ɔ.

Gboo Kɔdɔsai Ko A 1:6 ပူးပေါင်းရင်းမြစ်များ

MATIU 24:14

Mbɛ a sin, sakana bai chɛndɛ chɛ, a si Yataa 'a mansaya ma, mɔɛ n mbe a ɔ yian‑da wan mɔɛ gbɛɛ a dunya gbɛɛ ɔ. Chɛ ɛ a ma‑a wan, mɔɛ n ni sakana bai chɛndɛ chɛ a min chɛnyɛ koɛ kan kɔ kan dɔ. A sin, a tima a mu dechee, dunya ɛ danka‑a.”

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

MAKI 16:15

Mbɛ a ɔ an ma, “Wo ta dunya chɛ gbɛɛ ɔ, wo ni sakana bai chɛndɛ chɛ ɔ yian mɔ ɔ mɔ a.

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHƆN 17:19

A sin, an fan ko a mu, n mbe n fandi be tena, ma koe a tenchen i ko a. Chɛ ɛ a ma‑a wan, an bɛɛ, an ni ma tenchen i ko a.

CHƆN 4:23

Chɛɛ tima ɛ che‑a wan, a sin gbu che‑a gbɛ, tima min na, mɔɛ miin mbe Fa Yataa fai, a Nyina ni gbasaya be an ma a fai koe a. A Nyina chɛ, ɛ tea ɔ yian‑da wan to an na a si a wan Fa Yataa wandi ma. An mɔɛ chɛ n fan mbe Yataa fai tea chia a, a sin mbe an fan yan tena a fai koe a.

CHISƆSI 'A SƆ MƆƐ NU 11:18

An‑na bai chɛ a min kɛn, an sɛmbɛ‑a wan a ma nyin koe a. Mbɛ an‑na Yataa tando, an dɔ te, “Mbɛ Yataa deman‑da mɔɛ chɛ n bɛɛ ma, miin ma Chu mɔ a. A‑a chia sa wan an bɛɛ ye, an ni an kan kɔ sɔ an 'na ko yama a, mbɛ an‑na kuɔ fɔ fɔɛ ma sɔn.”

CHISƆSI 'A SƆ MƆƐ NU 12:24

Chɛɛ Yataa 'a sakana bai chɛndɛ chɛ tana, a fasan‑da wan a ɔ gbɛɛ ben‑da, mbɛ mɔ nama sɛsɛ‑a an kai fa Chisɔsi a.

CHISƆSI 'A SƆ MƆƐ NU 16:14

Musu dɔndɔ an tɛ ɔ, min‑na a too ma sɔ nn ma, a tɔ ni Didia. A ka‑a Tiyatiya duu ɔ wan. A ni koa baa gbanden ba an ma tachɛ. Musu ni a a, min ni Yataa fai kaka. A ni kɛn a too ma sɔ tena nn ma, Mansa Yataa‑a a ma wan, a‑a a faa be bai chɛ ko a, Pɔɔ ni ka min fɔ‑a.

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

GBOO DOMI KO A 1:13

N suun ma nyɔɛ nu Chasi ɔ, n toen mu wo ni a ɔ sɔn, mbɛ tima sɛsɛ ko a, mbɛ ɛ ma wan n yii ma tima ɔ tima, n ni na wo kɔndɔn. Chɛɛ koe an‑na a ma, n ma che nin bɛ na‑a wo tena. N toen mu n ni na, min mbe a ma, n ni mɔɛ n ma sɔn wo tɛ ɔ, Domi duu ɔ, miin mbe an kai fa‑a Chisɔsi a. N‑na a ma ka wan kaina sɛsɛ nu mɔɛ n tɛ ɔ, miin ma Chu mɔɛ n na.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.

GBOO DOMI KO A 15:28

N‑na an kɔpɔɛ chɛ ma kain fan, n sin mbe ka an be‑a an ma. Ni n ban‑da a be‑a an ma gbae, n mbe na‑a wan. N mbe bɔ‑a wo tena chia wan, mbɛ n ta‑a Sipen.

GBOO DOMI KO A 16:26

Chɛɛ sanche gbɛ, Yataa 'a gbonka chɛ mɔɛ chɛ n‑na fenɛ miin nyɛn Yataa 'a gboo ɔ, a‑a a ma wan mɔ sɛsɛ n‑na tea ko ɔ nunden chɛ ɔ sɔn. A sin, mɔɛ gbɛɛ dunya ma, an‑na an ko ɔ nunden chɛ ɔ sɔn gbɛ. Yataa Mansa, min mbe kuɔ fɔ fɔɛ be, an‑na chɛ ma, min mbe a ma, mɔɛ n ni an kai fa a a, mbɛ an‑na kooya be a ma.

GBOO FEAN BƆƐ KƆYINDI KO A 10:14

Koe min na mu, wo e ka nn 'na wai chɛ tena tinɛ ɔ wan, nn mbe ee nn doo bun tena wo kun ma, che koe a wo ma wai chɛ a. Nn na‑a wan sakana bai chɛndɛ chɛ a wo tena, a si Chisɔsi Chasi ma.

GBOO FEAN BƆƐ KƆYINDI KO A 6:1

Nn bɛ an mbe wai chɛ tena dɔndɔ a, nn bɛ Yataa wandi a. Chɛ ko a gbɛ, nn mbe wo disa tena, wo wɛn‑na Yataa 'a koadia demanɛ ma sɔn, wo ni a bia wo boo fea a.

Gboo Ɛfisɔsi Ko A 3:2

Mmɔ a ya wɛ, mbɛ wo‑a a a min fan, Yataa‑a n ma buɛ min dɔ wai chɛ mɔɛ a, a ko a. Wo wan ko a mu, a‑a koadia deman chɛ chɛ n na.

Gboo Ɛfisɔsi Ko A 4:21

Wo wandi gbu‑a a ɔ sɔn fan, mbɛ an‑na bai sa wan wo tena, a si a ma. A sin, an‑na wo kan fan, wo ma koe a mɔ dɔndɔɛ a, wo bɛ Chasi chɛ a. Tea chɛ sin, sakana chɛndɛ chɛ, ɛ min fɔ, a sien mu a wan Chisɔsi an ma.

Gboo Ɛfisɔsi Ko A 4:23

Wo ma yɔ mɔ nama nu, yiinachii n dɔ, wo e miin chɛ.

Gboo Ɛfisɔsi Ko A 5:9

Koe min na mu, a ɔ ɛ yen ka wan, mbɛ mɔɛ ɛ wan manɛ kɔɔ. Mɔ ɔ mɔ min mbe manɛ chɛ kɔɔ, ɛ ko chɛndɛ an ma tea tea ɔ, a sin, a tanden mu Yataa tena.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 4:17

An ma a fɔ ni, mbɛ n toen mu dechee wo boo fenɛ n fan ma sɔn koe a. Chɛɛ n toen mu n ni a ɔ yen, Yataa ni wo deman, basan koe chɛ a n ma.

Gboo Kɔdɔsai Ko A 1:10

Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Saa Tɛsadonika Ko A 1:5

A mu min na, nn‑na sakana bai chɛndɛ chɛ ɔ yian wo a, a si Chisɔsi Chasi ma. Nn ma a ɔ yian ni dechee nn da n fan dɔ. Chɛɛ Yataa Nyina an bɛɛ ni ka wai chɛ‑a gbasaya wa ɔ. A sin, nn danden fan ni a a, mbɛ nn mbe tea bai n fan fɔ. Wo sin gbu na‑a nn yen fan, mmɔ bɛ ni tima min na, nn ni fɔɛ min nyɔn sima ɔ. Nn‑na chɛ gbɛɛ ma, basan koe an na wo ma.

Gboo Saa Tɛsadonika Ko A 2:13

Nn mbe Yataa wai bɔ tena ko dɔndɔ an ko a, tima ɔ tima. Nn na‑a a 'a sakana bai chɛ ɔ yian wo a tima min na, wo‑a wo boo si wan a kɔɔ. Wo ma a ya ni da a bai gbama a. Chɛɛ wo‑a a ya, a wan Yataa 'a sakana bai an na. A gbu sin mu an na. A sin mbe wai tena wo a, wo wɛn kai faen mu Chasi a.

GBOO FEAN BƆƐ TƐSADONIKA KO A 2:13

Nn suun ma nyɔɛ nu Chasi ɔ, a dindenɛ mu nn ma, Yataa wai bɔ koe a wo ko a tima ɔ tima. Wo ko a di mmɔ 'a mansa Chisɔsi ye kaka. Yataa wɛɛ na‑a wo pɛn ya, bauncha ma sɔn koe a. A saa saa a, ɛ wo baun fan Yataa Nyina 'a gbasaya ɔ, min mbe a ma‑a, wo ni ma tenchen Yataa ko a. A yɛ to, wo dandenɛ min chɛen mu tea chɛ a, a si Chisɔsi ma, ɛ wo baun fan.

1 PITA 5:12

N mbe ka gboo kunduenɛ min nyɛn‑da wo tena, Sidasi an mbe basan tena n ma. N 'na yiinachii ɔ, suun ma nyɔɛ mu a a, Chasi ɔ, n danden mu min na chɛndɛ chɛ. N toen mu n ni wo faa n ma nande, n ni a ɔ yian to wo a, mbɛ Yataa 'a koadia demanɛ gbu ɛ wan wo ko a. Wo wo boo a chii a ma gban.