Gboo Kɔdɔsai Ko A 1:3 - Yataa 'a Dɔbɛnɛ Nama

³ Nn mbe ma samunɛ chɛ‑a tima ɔ tima, nn mbe Yataa wai bɔ wan wo ko a, mmɔ 'a mansa Chisɔsi Chasi fa.

Gboo Kɔdɔsai Ko A 1:3 ပူးပေါင်းရင်းမြစ်များ

GBOO DOMI KO A 15:6

Chɛ ɛ a ma‑a wan, wo yiima ni ma kaina dɔndɔɛ, wo kuiɛ ni ma dɔndɔ, wo ni tando be Yataa ma. A wan mu mmɔ 'a mansa Chisɔsi Chasi fa a, ni a 'a Yataa.

GBOO SAA KƆYINDI KO A 1:4

N mbe Yataa wai bɔ tena wan wo ko a, tima ɔ tima. A sien mu koadia deman chɛ an ma, a‑a min chɛ wo a, wo wɛn mu mɔ dɔndɔɛ a Chisɔsi Chasi a.

GBOO FEAN BƆƐ KƆYINDI KO A 1:3

Tando ni be Yataa ma. A wan mu mmɔ 'a mansa Chisɔsi Chasi fa a, ni a 'a Yataa. Chinchincha Fa mu a wan Yataa an na. A sin fan mbe mmɔ nande chia kan kɔ kan na.

Gboo Ɛfisɔsi Ko A 1:15

Chɛ ko a, n ma sɛmbɛ ni, Yataa wai bɔ koe a wo ko a. Koe min na mu, n‑na a a min wo kai faen mu buɛ min dɔ Mansa Chisɔsi a. A yɛ to, wo toen mu buɛ min dɔ Yataa 'a mɔɛ n gbɛɛ a. N mbe n yii na chii wan wo a, tima ɔ tima, ni n ma‑a samunɛ chɛ‑a.

Gboo Ɛfisɔsi Ko A 6:18

Wo samunɛ chɛ, tima ɔ tima ko a, Yataa Nyina ɛ wo sɔ‑a buɛ min dɔ chia ma. Wo 'a samunɛ sin gbɛɛ ɔ, wo Yataa ɔ tisa, a ni basan wo ma. Chɛ ko a, ko ɔ ko ma a ma, wo gboo ɔ ni fa. Ni wo sin ma‑a samunɛ chɛ‑a tima ɔ tima ko a, wo a chɛ Yataa 'a mɔɛ n gbɛɛ ko a.

Gboo Fiipai Ko A 4:6

Ko ɔ ko kan kɔ kan ma wo faa gbaa. Chɛɛ wo 'a samunɛ ɔ, wo 'a Yataa ma nande ɔ, wo a ma, a ni a ɔ sɔn, wo toen mu a ni koe miin chɛ wo ye, tima ɔ tima ko a. A sin, wo a wai bɔ koe n gbɛɛ ko a, a‑a miin chɛ wo ye.

Gboo Kɔdɔsai Ko A 1:13

A‑a mmɔ bɔ wan ko yama pimbi 'a gbasaya boo ɔ, mbɛ a‑a mmɔ don a faa ma denɛ 'a mansaya kɔɔ yɛdɛn.

Gboo Kɔdɔsai Ko A 1:9

Chɛ ko a, a bia an tee chɛ ma, nn‑na a a min tee min na, nn ma sɛmbɛ ni samunɛ chɛ koe a wo ko a. Nn mbe samunɛ chɛ tena wan tima ɔ tima ko a, Yataa ni a ma, a toen mu koe miin na, wo ni an dɔ gbɛ chɛndɛ chɛ. A sin, n mbe a ɔ tisa tena, a ni yiimatɛ gbɛɛ be wo ma, a wan Yataa Nyina ɛ min be.

Gboo Saa Tɛsadonika Ko A 1:2

Tima ɔ tima ko a, wo e wan nn 'na samunɛ ɔ. Nn mbe Yataa fai wan wo gbɛɛ ko a.

2 TIMOTI 1:3

N mbe Yataa wai bɔ tena i ko a, n mbe wai chɛ tena min ye n yiima a koenɛ a fion, yɔ n bemba n ta bemba n ni a ma tee buɛ min dɔ. N mbe samunɛ chɛ tena i ko a su ɔ tee a.