Gboo Kɔdɔsai Ko A 1:29 - Yataa 'a Dɔbɛnɛ Nama

²⁹ N mbe wai chɛ tena n sɔɛ gbɛɛ a, chɛ an ko a. Chasi wan sin‑na an gbasaya wa chɛ chɛ n dɔ.

Gboo Kɔdɔsai Ko A 1:29 ပူးပေါင်းရင်းမြစ်များ

DUKU 13:24

“Wo butuinɛ chɛ, wo ni ben an chen da a dɔɔyaen chɛ a, don koe a Yataa 'a mansaya kɔɔ. Koe min na mu, n ni a ma din wo tena, mbɛ mɔ sɛsɛ n mbe butuinɛ chɛ‑a wan tee dɔndɔɛ kɔɔ don koe a nɔ, chɛɛ an mbe ee na‑a kun‑da.

GBOO DOMI KO A 15:20

Tima ɔ tima ko a, n toen mu ko dɔndɔ gbe an ma koe a. An koe chɛ mu Chisɔsi 'a sakana bai chɛndɛ chɛ sa koe an na, kaina kan kɔ kan mɔɛ n tena miin nii ma a min ni tee. Koe min na mu, n ma to ni, mɔ dɔ mende 'a wai min kuu sɔ, n ni an na ban.

GBOO DOMI KO A 15:30

N suun ma nyɔɛ nu Chasi ɔ, mmɔ 'a mansa Chisɔsi Chasi an ta mu mmɔ a. A sin, Yataa Nyina‑a koadia chɛ mmɔ ɔ mmɔ nyɔn ko a. Chɛ an fɛ mu, n mbe wo disa tena, mmɔ ni chɛɛ chɛ chɛ. Wo Yataa fai n ko a.

GBOO SAA KƆYINDI KO A 12:11

Yataa Nyina dɔndɔ gbe, an mbe a ma koe chɛ n gbɛɛ, an mbe che ma‑a, a ta faa ma a a. Mɔ gbu gbɛɛ, dɔndɔ dɔndɔɛ a, mmɔ ɛ dua chɛ ma sɔn an na.

GBOO SAA KƆYINDI KO A 12:6

A sin to, mɔ ɔ mɔ ɛ che wai chɛ‑a a ko a chia miin na, an kɔkoo wan. Chɛɛ a wan Yataa dɔndɔ gbe chɛ, an mbe mɔ ɔ mɔ ta chia be a ma, wai chɛ koe a a ko a.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO FEAN BƆƐ KƆYINDI KO A 11:23

Ni wai chɛ mɔɛ mu an na, Chasi ko a, n mbe wɛɛ ka koɔ‑a yɔ woo mɔɛ, chɛɛ an wai chɛ mɔɛ chɛndɛ gbu mu n na, a ben an ma. N‑na wai chɛ, a ben an ma, n ta‑a pimbi chenɛ a, a ben an ma. N‑na gbasi min sin dɔ yen, dan mbe ee a ma. Tima sɛsɛ ko a, n ni ma wan saya baima, a ben an ma.

GBOO FEAN BƆƐ KƆYINDI KO A 13:3

Wo toen mu, wo ni a ɔ sɔn, mbɛ n mbe koɔ tena, Chasi 'a gbasaya an dɔ. Wo sin mbe a ɔ sɔn‑da wan. Ni a ma‑a tachɛ‑a wo a, a ee ma gboo ɔ fa ɔ. Chɛɛ ɛ min ma, ɛ a 'a gbasaya ɔ yian fan wo tɛ ɔ.

GBOO FEAN BƆƐ KƆYINDI KO A 5:9

Chɛɛ chɛ gbɛɛ ɔ, mmɔ ni ma nɛ wan, mmɔ ni ma pan fan, mmɔ toen mu, mmɔ ni a faa chima koe n ma. An mu mmɔ faa ma koe chenama a, a ben ko ɔ ko ma.

GBOO FEAN BƆƐ KƆYINDI KO A 6:5

A yɛ to, an‑na nn gbasi wan, an‑na nn sa pimbi chenɛ a, an‑na koɛ bun nn ma. A ma‑a wan nn‑na wai chɛ, a ɔ benden ba gbu a. A sin to, chinɔ nii nɔ, daun fen bɛɛ nii nɔ.

Gboo Ɛfisɔsi Ko A 1:19

N mbe samunɛ chɛ tena to, wo ni a ɔ sɔn, mmɔ wɛn kai faen mu Chisɔsi a, mbɛ Yataa 'a gbasaya mmɔ ɔ, a danka ee ɛnden bɛɛ a. An gbasaya wa dɔndɔ gbe chɛ,

Gboo Ɛfisɔsi Ko A 3:20

Mmɔ Yataa tando, min 'na gbasaya ɛ wai chɛ tena mmɔ ɔ. A gbasaya ɛ wan Yataa boo ɔ, koe n ma koe a mmɔ yii nii miin dɔ. Ɛ koe n ma wan, miin koo an ni ben chɛ n ma, mmɔ ɛ a ɔ tisa miin ma koe a.

Gboo Ɛfisɔsi Ko A 3:7

Sakana bai chɛ, an ko a mu, Yataa‑a n ma a 'a sɔ mɔɛ a. Chɛ bɔ‑a a 'a koadia demanɛ an dɔ, n‑na min ma sɔn, a 'a gbasaya ɔ.

Gboo Fiipai Ko A 1:27

Koe chenama mu gbɛ min na sanche, an nɛ. Wo koe n ma, wo 'a fɔɛ ɔ, yɔ mɔɛ nu miin dan‑da sakana bai chɛndɛ chɛ a, a si Chasi ma. Chɛ an mbe a ma‑a, n ni na wo tena, n ma na wɛɛ wo tena, n mbe wo ma tɔ chɛndɛ a min‑da wan. Mbɛ wo e sɔ ɔ gban, wo yiima a kandenɛ ɛ, wo kuiɛ a kandenɛ ɛ. A sin, wo e wan wo boo si‑a wo nyɔn kɔɔ wo sɔɛ gbɛɛ a, danaya chɛ ko a, min mbe bɔ sakana bai chɛndɛ chɛ ɔ.

Gboo Fiipai Ko A 1:30

A sin, wo‑a n yen tɔbu min dɔ bia‑a, wo wɛɛ wo e ka an sima ɔ yen tena. A sin, wo e ka tɔbu min dɔ yen tena, an mbe ka tun n bɛɛ ma.

Gboo Fiipai Ko A 2:13

Koe min na mu, Yataa an mbe wai chɛ tena wo ɔ. A wan mbe a ma tena, wo ma bɛndenɛ ɛ kooya be koe a a ma. A sin, ɛ gbasaya chɛ wo ɔ, a faa ma koe ma koe a.

Gboo Fiipai Ko A 2:16

Bai chɛ, min mbe fɔɛ be, wo a bia wo boo fea a. Chɛ an mbe a ma‑a Chasi na tee ma, n bu ɔ diama an mbe ma‑a, n kunɛ kɔɔ sɔenɛ ɛ, mbɛ n ma bui chɛ ni gbama a, n ma sɛchɛ chɛ ni gbama a, wo tɛ ɔ.

Gboo Kɔdɔsai Ko A 2:1

N toen mu wo ni a ɔ sɔn, mbɛ n mbe mɔnɛ ɔ bia tena wan pien wo ko a. N‑na a chɛ wan mɔɛ chɛ n bɛɛ ko a, miin mbe Daɔdisia duu ɔ, ni mɔɛ tɔɛ chɛ n gbɛɛ ko a, nn ma nyɔn yen nin bɛ, nn bɛ miin na.

Gboo Kɔdɔsai Ko A 2:12

Yii chɛ‑a kɛn wo kunɛ ɔ, Yataa chia a, a tima chɛ a, a ma‑a wan yɔ wo tɔn‑da wan ka, wo bɛ Chasi a. A yɛ to, mbɛ Yataa‑a wo kɔɔ sɔ, a ka saya ɔ, wo bɛ Chasi a to. Danaya ni wan wo ɔ Yataa 'a gbasaya ko a, min‑na Chisɔsi kɔɔ sɔ, a ka saya chɛ ɔ. An danaya chɛ sin fan‑na a ma, chɛ ma‑a.

Gboo Kɔdɔsai Ko A 4:12

Wo bɔɛ dɔndɔ wɛɛ to, Ɛpafasi, min mu to Yataa 'a wai chɛ mɔɛ a, ɛ wo kɔndɔn tena. Tima ɔ tima ko a, ɛ samunɛ chɛ tena wan wo ko a, a faa gbɛɛ a. A ɔ, Yataa ni a ma, wo ni sɔ gban a ko a, wo yii na tɛenɛ ɛ gbae Yataa faa ma koe gbɛɛ ma, min mbe wo ko a.

Gboo Saa Tɛsadonika Ko A 2:9

Nn suun ma nyɔɛ nu Chasi ɔ, wo wandi gbu‑a a ɔ sɔn fan, mbɛ nn‑na wai chɛ wan nn sɔɛ gbɛɛ a. Tima min na nn ni nɔ, su ɔ tee a nn‑na wai chɛ wan, nn fandi deman koe a. Nn nii ma to ni, nn 'na suunɛ ni ma si ɔ wo kun ma, nn mbe ma Yataa 'a sakana bai chɛndɛ chɛ sa‑a.

GBOO FEAN BƆƐ TƐSADONIKA KO A 3:8

Nn nii ma dɔn ni, nn ni fen kɔ fen bia mɔ ɔ mɔ boo ɔ, gbama gbama a. Nn na‑a wai chɛ wan nn sɔɛ gbɛɛ a, su ɔ tee a, min mbe a ma, nn ma koe ma na si wo dɔndɔ wɛɛ kun ma.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

GBOO IBU MƆƐ N KO A 12:4

Koe min na mu, wo e butuinɛ min dɔ, ko yama a, wo ma sɔ nin bɛ gban, an ni a fɔ, wo fa koe wɛɛ mu.

GBOO IBU MƆƐ N KO A 13:21

a ni basan wo ma chia ɔ chia a, wo toen mu min na, a faa ma koe ma koe a. A sin ni a ma, Chisɔsi Chasi 'a gbasaya ɔ, mmɔ ni ko ɔ ko ma, min mbe a faa chima. A sin, tando ni ma Chasi tɔɛ ma, kuɔ fɔ ni kuɔ fɔ ko a. A ni ma ka.

KO Ɔ NUNDENƐ 2:3

Wo‑a wo faa bia kaka tɔɔya a n ko a, a sin, wo gboo ɔ ma fa ni ma koe a n fɛ.