Gboo Kɔdɔsai Ko A 1:28 - Yataa 'a Dɔbɛnɛ Nama

²⁸ A wan Chasi chɛ, nn mbe an bakoe ɔ yian mɔ ɔ mɔ a. Nn mbe dasi be tena wan, nn mbe ta‑a mɔɛ gbɛɛ kan‑da nn ta yiimatɛ chia gbɛɛ a. Chɛ ni a ma, nn ni kun a ma‑a, mɔɛ gbɛɛ ni na Yataa chen kɔɔ, an yiima da faenɛ ɛ, a si Chasi ma.

Gboo Kɔdɔsai Ko A 1:28 ပူးပေါင်းရင်းမြစ်များ

MATIU 28:20

A sin, wo ni mɔɛ n kan sawa chɛ n gbɛɛ bia koe a, n na‑a miin be wo ma. Wo sin ni dan to a a, mbɛ n mbe ma‑a wan wo fɛ tima ɔ tima, aan dunya chɛ ni ban bɛɛ.”

MATIU 3:7

Chɔn‑na a ɔ yen, mbɛ Chu mɔ kuun chɛ nu, an ni miin chee Fayisii nu, a basan chɛ n na, miin ni Sadusii a, an na‑a a tena. An dɔ, a ni yii chɛ an kunɛ ɔ, Yataa chia a. Chɛɛ a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a.

MATIU 5:48

Chɛ an‑na a fɔ, koadia ma ban wo faa ɔ mɔ dɔ mende n ko a, yɔ koadia ee ban buɛ min dɔ Fa Yataa, min mbe banda bu ɔ, a faa ɔ.”

MAKI 6:34

Chisɔsi bɔ‑a dɛndɛ ɔ kɛn, mbɛ a‑a mɔ fanka wa chɛ yen. Mbɛ chinchimaya koa‑a a faa ɔ, an ko a. Koe min na mu, a na‑a an yen fan, yɔ sa nu, miin kun ma fɛn mɔ ee. Mbɛ a bun‑da an kan‑da ko sɛsɛ a.

DUKU 21:15

Koe min na mu, n mbe bai n don‑da wan wo da a, mbɛ n‑na yiimatɛ be wo ma. Ni wo‑a bai kan kɔ kan fɔ, wo chɛɛ ma nyɔɛ n mbe ee che‑a kɔɔsa bia chɛ‑a a ma.

CHISƆSI 'A SƆ MƆƐ NU 10:36

Wo‑a a ɔ sɔn fan, Yataa‑a bai min na ta Isɔɛɛ mɔɛ n tena. A ni wan sakana bai chɛ ɔ yian‑da, mbɛ faachima ɛ sɔn fan Yataa a, Chisɔsi Chasi 'a gbasaya ɔ, min mu mɔ gbu gbɛɛ 'a mansa a.

CHISƆSI 'A SƆ MƆƐ NU 11:20

Chɛɛ an dɔ nu, miin na‑a an kai fa ka Chisɔsi a, a ka Saipɔsi ni Sayini duu wa ɔ, an ta‑a wan Andiɔki. Mbɛ sakana bai chɛ, a si Mansa Chisɔsi ma, an‑na a ɔ yian fan an bɛɛ a, miin nii ma ka Chu mɔ n na.

CHISƆSI 'A SƆ MƆƐ NU 13:38

Chɛ an fɛ mu, n suun ma nyɔɛ nu, a nyin wo ni chɛ ɔ gbɛ. Mbɛ Chisɔsi chɛ an ko a mu, Yataa ɛ a boo bɔ mmɔ 'a ko yama n dɔ.

CHISƆSI 'A SƆ MƆƐ NU 17:18

Kan chɛ mɔɛ dɔ nu to, miin ni kanɛ chɛ a si Ɛpikuyian koe ma, ni dɔ nu, miin ni kanɛ chɛ a si Sitoiki koe ma, an bɛɛ‑a Pɔɔ kɔɔsa bia wan. An dɔ, “Gboo kaa ma chɛ ɛ ka fen fɔ tena?” Mbɛ dɔ n sin‑na a fɔ, an dɔ, “Mɔɛ ɛ a yen, yɔ ɛ ka bai sa tena, a si sonda yataa n fan ma.” An‑na chɛ fɔ koe min na, Pɔɔ ni Yataa bai sa tena, a si Chisɔsi an ma, ni a kɔɔ sɔ koe a, a ka saya ɔ.

CHISƆSI 'A SƆ MƆƐ NU 17:3

A ni a ɔ yian fan chɛndɛ chɛ, an ni a ɔ gbɛ, mbɛ ɛ nyan‑da wan chɛ ni ma. Mbɛ kunka mansa chɛ ɛ tɔɔya ɔ bia‑a wan, a ni a kɔɔ sɔ a ka saya ɔ. Pɔɔ ni a fɔ wan, a ɔ, “Chisɔsi chɛ, n mbe min bakoe ɔ yian tena wo a, an mu kunka mansa a.”

CHISƆSI 'A SƆ MƆƐ NU 20:31

Chɛ an fɛ mu, wo wo wandi kun ma fɛn, mɔ bonda chɛ n boo ɔ. Wo wo yii na chii, mbɛ su ɔ tee a, n ni wo a si wan. N‑na chɛ ma wan san sawa ko a, di a n ya a.

CHISƆSI 'A SƆ MƆƐ NU 3:20

Ni wo‑a chɛ ma, Mansa Yataa ɛ wo faa ma nande‑a wan, mbɛ a‑a Chisɔsi a na to wo tena, a na‑a a boo sɔ kunka mansa min ma, na koe a, a ni wo baun.

CHISƆSI 'A SƆ MƆƐ NU 5:42

A sin, tee ɔ tee a, an nii ma sɛmbɛ ni bai sa koe a, a si Chisɔsi ma. An ni a sa wan Yataa 'a kata ɔ, a yɛ to, chenɛ n bɛɛ a, an ni kanɛ chɛ wan, an mbe ta‑a a ɔ yian‑da mɔɛ n na, mbɛ Chisɔsi an mu kunka mansa a.

CHISƆSI 'A SƆ MƆƐ NU 8:35

Mbɛ Fiipi‑a an kaina chɛ fasai kamin chɛ ye, a ni ka kaina min kan tena. Mbɛ a‑a sakana bai chɛndɛ chɛ ɔ yian kamin chɛ a, a si Chisɔsi ma.

CHISƆSI 'A SƆ MƆƐ NU 8:5

Fiipi ni mɔ dɔndɔ an na mɔɛ chɛ n tɛ ɔ, miin na fasan‑da a ɔ. A yii‑a wan duu dɔndɔ ɔ, Samayia chɛnyɛ ɔ, mbɛ a‑a bai sa a si kunka mansa ma.

CHISƆSI 'A SƆ MƆƐ NU 9:20

A nii ma tima yayi ni, chɛɛ a ta‑a wan dɔndɔ gbe Chu n 'na samun chɛ chenɛ n na. Mbɛ a bun‑da bai sa‑a, a si Chisɔsi ma, a ɔ, Yataa 'a denɛ an nɛ.

GBOO DOMI KO A 16:25

Mmɔ tando be Yataa ma. A wan mbe kun a ma‑a mmɔ gboo ɔ ee fa‑a, dan koe a a a. N mbe chɛ an fɔ wo ye, n mbe ma sakana bai chɛndɛ chɛ ɔ yian‑da wo a, a si Chisɔsi Chasi ma. A sin fɔen mu ka wan ko ɔ nunden chɛ wɛɛ ɔ, min na bɔ‑a ya a ma. An tea ɔ nunden chɛ, Yataa nii ma a ma ni mɔ gbu ni fua min dɔ sɔn‑da san sɛsɛ sɛsɛ ko a suun.

GBOO SAA KƆYINDI KO A 1:23

Chɛɛ nn‑na a ɔ yian fan, mbɛ mɔɛ n na‑a kunka mansa fa wan, kɔn gbengbandenɛ ma. Chu mɔɛ n tana, an mbe chɛ ya mainɛ an na. Chɛ n sin, miin ma Chu mɔ a, an mbe a ya dechee wooya bai an na.

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

GBOO SAA KƆYINDI KO A 12:8

Mɔɛ dɔndɔɛ ɛ nɔ, Yataa Nyina‑a sakana bai min don a da a, a fɔ koe a mɔɛ n ye, yiimatɛ wa an be a ɔ. Mɔɛ dɔndɔɛ sin, Nyina dɔndɔ chɛ‑a a ma wan, yiimatɛ bai wa, ɛ ma a da a bai ɔ.

GBOO SAA KƆYINDI KO A 15:12

Mmɔ 'a sakana bai sanche chɛ ɔ, an nɛ, mbɛ Chasi‑a a kɔɔ sɔ wan, a ka saya ɔ. Chɛ ko a, wo dɔ nu, wo ee che to a fɔ‑a, mbɛ kɔɔ sɔ ee nɔ, a ka saya ɔ.

GBOO SAA KƆYINDI KO A 2:15

Chɛɛ Yataa Nyina ɛ mɔɛ min fɛ, ɛ kun fan a ni ko ɔ ko ɔ gbɛ, a si ko ɔ ko ma. Chɛɛ a sin, mɔ ɔ mɔ ee kun a ni a wandi gbu wakoe ɔ gbɛ.

GBOO SAA KƆYINDI KO A 2:6

Chɛɛ chɛ gbɛɛ ɔ, nn mbe sakana bai min sa ka, yiimatɛ ɛ wan a ɔ, chɛ n tena, miin kai faen mu Chasi a chɛndɛ chɛ. Mɔɛ miin mbe dunya chɛ ɔ, an 'na yiimatɛ ma. Gbasaya ɛ miin boo ɔ dunya chɛ ɔ, an ta ɔ ma, an 'na gbasaya min mbe ka gbɛ che‑a a danka a.

GBOO SAA KƆYINDI KO A 4:14

N ma gboo chɛ nyɛn ni wo tena, wo a mau koe an na. Chɛɛ n‑na a nyɛn wo tena, n ni wo sɔ chia ma, yɔ n faa ma denɛ nu.

GBOO FEAN BƆƐ KƆYINDI KO A 10:14

Koe min na mu, wo e ka nn 'na wai chɛ tena tinɛ ɔ wan, nn mbe ee nn doo bun tena wo kun ma, che koe a wo ma wai chɛ a. Nn na‑a wan sakana bai chɛndɛ chɛ a wo tena, a si Chisɔsi Chasi ma.

GBOO FEAN BƆƐ KƆYINDI KO A 11:2

N faa gbaaen mu kaka wo ko a, yɔ Yataa faa gbaaen mu buɛ min dɔ. Koe min na mu, wo e wan yɔ sɛnama, min ma kai koe ɔ sɔn. N‑na wo yan mɔ dɔndɔ gbe an ko a, min mu Chasi a.

GBOO FEAN BƆƐ KƆYINDI KO A 4:5

Nn mbe sakana bai min dɔ yian, a ma si ni nn fandi an ma. Chɛɛ a gbu an nɛ, mbɛ Chisɔsi Chasi an mu mansa a. Nn tana sin gbɛ, nn mu wo 'a yɔnɛ n fan na, Chisɔsi ko a.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Ɛfisɔsi Ko A 5:27

Chɛ ni a ma, a ni chɔchi yian a wandi gbu a, a nyandenɛ ɛ chɛndɛ chɛ. Tɔmbɛ ee ma‑a a ma, a wakoe ɔ sisienɛ ee ma‑a, ko kan kɔ kan mbe ee ma‑a a ma. Mɔ ɔ mɔ ma a fɔ, mbɛ ɛ ka wan, chɛɛ ɛ ma‑a tenchen Chasi an ko a.

Gboo Kɔdɔsai Ko A 1:22

Chɛɛ sanche gbɛ, wo ma‑a gbɛ Yataa dia nyɔɛ n na, min mbe a ma, wo ni ma gbɛ tenchen a ko a, mabɔɛ sima wɛɛ ma na ma wo ma, a chen kɔɔ. A‑a chɛ ma saya chɛ an dɔ, Chasi‑a min chɛ kɔn gbengbandenɛ ma, mɔgbuya gboo ɔ.

Gboo Kɔdɔsai Ko A 2:10

A wan mu mansa a, mansa kan kɔ kan ko a, maeka kan kɔ kan ko a, ni nyina kan kɔ kan ko a. A sin, wo wɛɛ, wo fɔɛ da fa‑a gban, koe min na mu, wo ma‑a gbɛ mɔ dɔndɔɛ a, wo bɛ Chasi a.

Gboo Kɔdɔsai Ko A 2:3

Chasi an mu mɔɛ a, min mbe a ma, mɔ gbu ni Yataa 'a yiimatɛ gbɛɛ ɔ gbɛ, min maen mu yɔ nyan fenɛ min nundenɛ ɛ.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

Gboo Kɔdɔsai Ko A 4:12

Wo bɔɛ dɔndɔ wɛɛ to, Ɛpafasi, min mu to Yataa 'a wai chɛ mɔɛ a, ɛ wo kɔndɔn tena. Tima ɔ tima ko a, ɛ samunɛ chɛ tena wan wo ko a, a faa gbɛɛ a. A ɔ, Yataa ni a ma, wo ni sɔ gban a ko a, wo yii na tɛenɛ ɛ gbae Yataa faa ma koe gbɛɛ ma, min mbe wo ko a.

Gboo Saa Tɛsadonika Ko A 4:6

Mbɛ an chia chɛ a, mɔ ɔ mɔ ma ko yama ma a bɔ Chisianɛ a, a ma gbasaya din a ma. Nn‑na chɛ fɔ wan wo ye a kɔma a gbau gbau, mbɛ Mansa Yataa ɛ mɔɛ n tɔɔ‑a wan, miin mbe ko bonda chɛ sima ma‑a.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

1 TIMOTI 3:2

A mɔɛ chɛ ɛ ma mɔ tandenɛ an na. Musu dɔndɔ gbe an mbe ma a boo ɔ, mɔɛ min kosan a wandi bia‑a, basɔmaya tɔɛ, sonda bia mɔɛ, a sin kosan mɔɛ n kan‑da.

GBOO IBU MƆƐ N KO A 10:14

Koe min na mu, a na‑a a wandi an ma yasi dɔndɔ gbe a. An yasi chɛ sin, a‑a a ma wan, a ban‑da wai chɛ‑a, an ma koe a tenchen Yataa ko a, kuɔ fɔ ko a.

GBOO IBU MƆƐ N KO A 13:21

a ni basan wo ma chia ɔ chia a, wo toen mu min na, a faa ma koe ma koe a. A sin ni a ma, Chisɔsi Chasi 'a gbasaya ɔ, mmɔ ni ko ɔ ko ma, min mbe a faa chima. A sin, tando ni ma Chasi tɔɛ ma, kuɔ fɔ ni kuɔ fɔ ko a. A ni ma ka.

2 PITA 3:15

Chɛ an fɛ mu, faabia chɛ, mmɔ 'a mansa‑a min chɛ, wo a ya ka buɛ chɛ ɔ. Mbɛ ɛ ka tima an be‑a mɔɛ n ma, bauncha ma sɔn koe a. Ɛ wan dechee yɔ mmɔ suun ma nyɔɛ Pɔɔ, min ko a di mmɔ ye, a na‑a min nyɛn wo tena. Yataa sin na‑a yiimatɛ min chɛ a ɔ, a na‑a an na wai ka.