Gboo Kɔdɔsai Ko A 1:24 - Yataa 'a Dɔbɛnɛ Nama

²⁴ Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

Gboo Kɔdɔsai Ko A 1:24 ပူးပေါင်းရင်းမြစ်များ

MAKI 10:39

Mbɛ an dɔ, “Mm, nn mbe kun fan.” Mbɛ Chisɔsi ɔ an ma, “Ko yawaen chɛ, min mbe na tena n tan‑da, ɛ wo wɛɛ tan‑da wan.

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

GBOO DOMI KO A 5:3

Chɛ dechee ma, chɛɛ mmɔ buɔdia bɔ mmɔ 'a tɔɔya n dɔ. Koe min na mu, mmɔ‑a a ɔ sɔn fan, mbɛ tɔɔya an mbe na faabia a mmɔ tena.

GBOO DOMI KO A 8:17

Mmɔ mu ka buɛ min dɔ a 'a denɛ n na, a‑a dua miin sa tena ɔ bɛn a 'a mɔɛ n ko a, mmɔ wan ta ɛ ma an na. A na‑a min sa tena ɔ bɛn Chasi wɛɛ ko a, ɛ ma‑a wan to mmɔ ta a. Mmɔ na‑a Chasi 'a tɔɔya ɔ bia wan, mmɔ ɛ a 'a basɔmaya wɛɛ dɔ sɔn‑da wan ya ɔ ma.

GBOO SAA KƆYINDI KO A 12:27

Sanche chɛ ɔ, wo gbɛɛ, wo mu Chasi gboo dɔndɔɛ chɛ an na. A sin, dɔndɔ dɔndɔɛ a, wo mu a sɔna n fan na.

GBOO FEAN BƆƐ KƆYINDI KO A 12:15

Ɛ ma wan buɔdia n ma, n ni n boo fenɛ gbɛɛ be, a basan n fandi gbu wɛɛ a, basan koe a wo ma. N mbe chɛ ma‑a wan, n 'na koadia kun ma ɛ sa‑a wan wo ko a, n ta ma ni dɔɔya wɛɛ wo faa ɔ.

GBOO FEAN BƆƐ KƆYINDI KO A 6:10

Faayɔnɛ ɛ nn tan tena wɛɛ, chɛɛ chɛ gbɛɛ ɔ, nn mbe buɔdia bɔ wan tee ɔ tee a. Nn maen mu bɛɛ yɔn tɔɛ n na, chɛɛ nn mbe mɔ sɛsɛ n ma tena wan nyan tɔɛ n na. Nn maen mu mɔɛ n fan na, fen kɔ fen mbe ee miin boo ɔ. Chɛɛ fen kɔ fen gbu, ɛ nn fan boo ɔ.

GBOO FEAN BƆƐ KƆYINDI KO A 7:4

N yii faen mu wo ma kaka. N mbe yonka min tɛ wo ma, a da a koo. Ko gbɛama chɛ n gbɛɛ ɔ, nn mbe miin dɔ bia tena, buɔdia koo n dɔ, a gbu danka ee.

Gboo Ɛfisɔsi Ko A 1:23

Chɔchi gbu sin, an mu Chasi gboo a. An mbe a ma, a da ni fa gban, yɔ a wandi wɛɛ, ɛ a ma buɛ min dɔ, fen kɔ fen da ɛ fa.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Ɛfisɔsi Ko A 3:13

Chɛ an fɛ mu, wo dimu, wo faa ma yɔn, a si tɔɔya chɛ ma, n mbe min chɛ tena wo ko a. A gbu sin ni na basɔmaya a wo tena.

Gboo Fiipai Ko A 3:10

N toen mu, n ni Chisɔsi sɔn, n ni gbasaya chɛ a tisɔn, Yataa‑a min ya, a‑a Chisɔsi kɔɔ sɔ, a ka saya ɔ. N toen mu to, n ni tɔɔya chɛ sima ɔ bia, a‑a min dɔ bia, n ni ma yɔ a wan, a 'a saya ta fɛ chia a.

Gboo Kɔdɔsai Ko A 1:18

Chisɔsi Chasi an mu chɔchi kun ti a. Chɔchi mu a gboo an na. A wan mbe fɔɛ be a 'a mɔɛ n ma. Koe min na mu, Yataa‑a a pɛn kɔɔ sɔ, a ka saya ɔ, min mbe a ma, a ni ma gbasaya tɔɛ a fen kɔ fen kun ma.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

CHIMISI 1:2

N suun ma nyɔɛ nu Chasi ɔ, wo bu ɔ ni dia, ni ko yawaen kan kɔ kan‑na wo tan.