Gboo Kɔdɔsai Ko A 1:23 - Yataa 'a Dɔbɛnɛ Nama

²³ Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Kɔdɔsai Ko A 1:23 ပူးပေါင်းရင်းမြစ်များ

MAKI 16:15

Mbɛ a ɔ an ma, “Wo ta dunya chɛ gbɛɛ ɔ, wo ni sakana bai chɛndɛ chɛ ɔ yian mɔ ɔ mɔ a.

DUKU 22:32

Saimɔn, chɛɛ n‑na samunɛ chɛ i ko a, i chenɛ ni sɔ gban i 'a danaya ɔ n na. A sin, ni i‑a i ya a yɛ to n ma, a ma i bɔɛ n bɛɛ, an chenɛ ni sɔ gban an 'na danaya ɔ n na.”

DUKU 6:48

Ɛ ka wan yɔ kamin chɛ min ni chen sɔɛ a. A‑a son dɔ yiienɛ sin pɛn, mbɛ a‑a a 'a chenɛ kuu si gban son chɛ ɔ. A ban‑da kɛn an chenɛ sɔ‑a, yii fa‑a wan, mbɛ a sɛ‑a a kuu ma. Chɛɛ a ma che ni a ni a a bɔn, koe min na mu, a sɔen fan ni chɛndɛ chɛ.

CHƆN 15:6

Nn fea mɔɛ min na, nn mbe ee mɔ dɔndɔya ɔ, a mɔɛ chɛ ɛ ma‑a wan yɔ kɔnɛ bonɛ, ɛ tɛ‑a wan a a, mbɛ a gbaa‑a. Kɔn bonɛ gbaaenɛ bonda chɛ nu, mɔɛ n mbe an na sɔn‑da wan, an ni sa ta a, minda koe a sɔɛ a.

CHISƆSI 'A SƆ MƆƐ NU 1:25

i 'a sɔ mɔya wai chɛ chɛ koe a. Chudasi‑a a to gbɛ, ta koe a pan, a bɛnden mu kaina.”

CHISƆSI 'A SƆ MƆƐ NU 1:8

Chɛɛ wo e gbasaya ma sɔn‑da wan, ni Yataa Nyina chɛ bea‑a wo fɛ. A tima chɛ a, wo e a ɔ yian‑da wan mɔɛ n na, wo‑a min dɔ sɔn, a si n ma. Wo e a ɔ yian‑da wan mɔɛ n na Chuusaɛn duu ɔ, wo ni a ɔ yian Chudia chɛnyɛ tɔɛ gbu gbɛɛ ɔ, ni Samayia chɛnyɛ ɔ, a che kan kɔ kan dunya gbɛɛ ɔ.”

CHISƆSI 'A SƆ MƆƐ NU 11:23

A che‑a kɛn nɔ, mbɛ a‑a a ɔ yen, Yataa‑a koadia demanɛ chɛ buɛ min dɔ, an mɔɛ chɛ n na, a bu ɔ dia‑a wan kaka. A‑a an disa wan, min mbe a ma, an ni a tun an kai fa koe a Mansa Chisɔsi a, an faa gbɛɛ a.

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

CHISƆSI 'A SƆ MƆƐ NU 2:5

A tima chɛ a, Chu mɔɛ n sɛsɛ, a ka chɛnyɛ kan kɔ kan dɔ dunya ɔ, an ni wan Chuusaɛn. An ni mɔɛ n fan na, miin ni kooya be Yataa ma.

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

CHISƆSI 'A SƆ MƆƐ NU 26:16

Chɛɛ i kɔɔ sɔ, i ni sɔ. Koe min na mu, n‑na n fandi yian i a, n boo sɔ koe mu i ma, wai chɛ koe a n ye. I ni siiya bɔ mɔɛ tɔɛ n tena, a si koe chɛ n ma, i‑a miin dɔ yen bi, a yɛ to, n mbe a ma‑a, e min dɔ yen‑da ya ɔ ma.

CHISƆSI 'A SƆ MƆƐ NU 4:12

Yataa‑a gbasaya be Chisɔsi dɔndɔ gbe an ma, a ma koe a mɔ gbu gbɛɛ ni bauncha ma sɔn. Yataa ma tɔ dɔ mende a bɔ ni to dunya chɛ ɔ, mmɔ ɛ min chee bauncha ma sɔn koe a, a fɔ dechee Chisɔsi dɔndɔ gbe.”

GBOO DOMI KO A 10:18

Chɛɛ chɛ ɛ ma wan tea a gbau gbau, mbɛ an na‑a sakana bai chɛ a min fan. Yataa 'a gboo ɔ, a nyɛnden fan mu, mbɛ a wan Yataa 'a fenɛ miin gbɛɛ a dan, an‑na sakana bai chɛ fɔ wan. A yɛ to, an da a kuiɛ na‑a a fo wan dunya danka a.

GBOO DOMI KO A 15:16

A‑a a boo sɔ wan n ma, ma koe a Chisɔsi Chasi 'a wai chɛ mɔɛ a, mɔɛ chɛ n ko a, miin ma ka Chu mɔ a. N mbe wai chɛ wan an ye, yɔ Yataa 'a tɛ mɔɛ. N mbe Yataa 'a sakana bai sa wan an tena. Chɛ ɛ ma, min mbe a ma, Yataa ni a boo si an kɔɔ, yɔ yasi miin mbe tenchen a ko a. An ni ma yasi chɛ a, Yataa Nyina wandi gbu‑a min be tenchen a ma.

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO DOMI KO A 5:5

Yiinatɛ chɛ mmɔ ɔ, a ee ma fania a, koe min na mu, Yataa 'a koadia koo mmɔ faa an dɔ. Yataa Nyina, min mbe mmɔ fɛ, Yataa wandi‑a min be mmɔ ma, an‑na koadia chɛ chɛ mmɔ ɔ.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO SAA KƆYINDI KO A 3:5

Chɛɛ n fan Pɔɔ, n ma mɔ a, Apɔdɔsi wɛɛ ma mɔ ɔ mɔ a. Min sin sien mu nn ma, Yataa 'a yɔnɛ gbama mu nn na, miin‑na a ma, wo dan‑da Chisɔsi Chasi a. Mansa Yataa‑a nn sɔ wai chɛ‑a buɛ min dɔ, nn‑na a chɛ ka wan.

GBOO FEAN BƆƐ KƆYINDI KO A 10:1

N fan Pɔɔ, n fan mbe ka wo disa tena. N fɛn mu ka, an dɔ, n ma chimaen mu, n mbe ma wo baima, n sin mbe wo bia wan chinchincha a. An dɔ, chɛɛ ni n ka‑a wo baima, n mbe wo bia wan faaakɔɔɛ a. N mbe wo disa tena, machimaya ɔ, a basan chinchincha a, Chasi ni min yian.

GBOO FEAN BƆƐ KƆYINDI KO A 11:23

Ni wai chɛ mɔɛ mu an na, Chasi ko a, n mbe wɛɛ ka koɔ‑a yɔ woo mɔɛ, chɛɛ an wai chɛ mɔɛ chɛndɛ gbu mu n na, a ben an ma. N‑na wai chɛ, a ben an ma, n ta‑a pimbi chenɛ a, a ben an ma. N‑na gbasi min sin dɔ yen, dan mbe ee a ma. Tima sɛsɛ ko a, n ni ma wan saya baima, a ben an ma.

GBOO FEAN BƆƐ KƆYINDI KO A 3:6

An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.

GBOO FEAN BƆƐ KƆYINDI KO A 4:1

Chɛ an fɛ mu, nn faa ee yɔn wai chɛ chɛ koe a. Koe min na mu, Yataa 'a chinchincha ɔ mu, a‑a wai chɛ be nn ma a chɛ koe a.

GBOO FEAN BƆƐ KƆYINDI KO A 6:1

Nn bɛ an mbe wai chɛ tena dɔndɔ a, nn bɛ Yataa wandi a. Chɛ ko a gbɛ, nn mbe wo disa tena, wo wɛn‑na Yataa 'a koadia demanɛ ma sɔn, wo ni a bia wo boo fea a.

Gboo Kadesia Ko A 4:11

N mbe faagbaa an dɔ, mbɛ n tɔɔya‑a wo ko a fuu.

Gboo Kadesia Ko A 5:5

Koe min na mu, mmɔ tana, Yataa Nyina 'a gbasaya ɔ, yiinatɛ ɛ ka mmɔ wɛn dɔ, mbɛ Yataa ɛ mmɔ ya wan mɔ tandenɛ n na, a tena. Mmɔ kai faenɛ ɛ Chasi a, mbɛ chɛ ɛ ma‑a wan.

Gboo Kadesia Ko A 5:7

Wo na‑a a kuu sɔ wan ta koe a ya ɔ ma chɛndɛ chɛ. Chɛɛ n ma a ɔ sɔn, mɔɛ min‑na a fɔ wo ye, wo ni sɛmbɛ bea koe a tea chia chɛ fɛ.

Gboo Kadesia Ko A 6:9

Chɛ an fɛ mu, mmɔ gboo ɔ ma fa ko chɛndɛ ma koe a. Koe min na mu, tima ɛ che‑a wan, ni mmɔ ma sɛmbɛ ni, mbɛ mmɔ‑a a tɔnɔnɛ ma sɔn.

Gboo Ɛfisɔsi Ko A 1:18

N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.

Gboo Ɛfisɔsi Ko A 2:21

Yataa 'a mɔɛ n gbɛɛ, an mbe wan yɔ chen dɔndɔ gbe, koe min na mu, mɔ dɔndɔɛ mu an na, an bɛ Chasi a. A sin, ɛ koa‑a wan, a ni ma tenchen Mansa Yataa 'a chenɛ a.

Gboo Ɛfisɔsi Ko A 3:17

A sin ni a ma to, Chasi wakoe ni ma wo faa ɔ, koe min na mu, wo‑a wo kai fa a a. N mbe samunɛ chɛ tena, wo ni sɔ gban koadia ɔ, wo ni yɛ, wo ɔ ni gbɛa chɛndɛ chɛ.

Gboo Ɛfisɔsi Ko A 4:16

Chasi an mbe na a 'a mɔɛ n gbɛɛ a kaina dɔndɔɛ. Ɛ wan dechee yɔ mɔ gbu gboo, ni a sɔna nu, an gbɛɛ‑a tun tunden mu buɛ min dɔ. Fasa mɛsɛ chɛ nu, miin mbe an dɔ, an tɛ ma tɛ ni, a sin an mbe wai chɛ kuiɛ dɔndɔya an dɔ. Ni an gbɛɛ ma‑a wai chɛ‑a chɛndɛ chɛ, mbɛ mɔ gbu gboo koa‑a, a ɔ gbɛa‑a gbechen. Mɔɛ n bɛɛ, miin mbe chɔchi ɔ, ni an to‑a an nyɔn na, an ni wai chɛ kuiɛ dɔndɔya ɔ, chɔchi ɛ koa wan Chasi 'a gbasaya ɔ.

Gboo Kɔdɔsai Ko A 1:25

A sin, wo ko a, Yataa‑a n ma wan a 'a wai chɛ mɔɛ a, basan koe a chɔchi ma. A‑a chɛ ma, min mbe a ma, a 'a sakana bai chɛndɛ chɛ ɔ ni yian wo a chɛndɛ chɛ.

Gboo Kɔdɔsai Ko A 2:7

Wo ban‑da wo kai fa‑a a a gban. Chɛ an fɛ mu, wo a a tun wo kai fa koe ma a a, wo ma yɛ kuu kɔ. A sin, wo‑a wo kai fa ka buɛ min dɔ a a, wo ma yɛ to kuu kɔ, yɔ a fɔen mu buɛ min dɔ wo ye. Tima ɔ tima ko a, wo Yataa wai bɔ.

Gboo Saa Tɛsadonika Ko A 3:3

Chɛ an mbe a ma‑a, an ni ko yawaenɛ sa wɛɛ wo ma, wo dɔndɔ wɛɛ ee mun‑da to. Koe min na mu, tɛnɛ ko ma a Yataa wandi tena, mbɛ mmɔ ɛ ko yawaen bonda chɛ n dɔ bia wan.

Gboo Saa Tɛsadonika Ko A 3:5

N nii ma a ɔ sɔn, wo ni gbɛ buɛ min dɔ. Ni wo ni wan tun sɔ ɔ gban, Chasi ko a. Chɛ ma, ni Sitana kun‑da wan wo ma, wo ni wo kan kɔ sɔ Chasi a. Mbɛ nn 'na wai nyima gbɛɛ, a ma‑a fufafuu a. N ma che ni to chɛ ɔ bia‑a. Chɛ an fɛ mu, n‑na Timoti a na wo tena, a ni a gba bɔ.

Gboo Saa Tɛsadonika Ko A 5:8

Chɛɛ mmɔ tana, tee kɔɔ mɔɛ mu mmɔ a, mmɔ yiima sien fan mu chidi. Mmɔ kai faenɛ ni ma Yataa a, mmɔ ni to mɔ dɔ mende n na. Chɛ ni mmɔ konde gbain, yɔ a 'a chɛɛ chɛ doma an mbe mmɔ ma. Yiinatɛ ni ma mmɔ ɔ, mbɛ bauncha ɛ wan mmɔ ko a. Chɛ ni ma chɛɛ chɛ banfua a mmɔ kun na.

GBOO FEAN BƆƐ TƐSADONIKA KO A 2:16

Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.

1 TIMOTI 1:12

N mbe Chisɔsi Chasi wai bɔ tena, mmɔ 'a mansa. An‑na a yii na chii n na, mbɛ n danayaen fan mu wai chɛ koe a a ko a. A‑a gbasaya wɛɛ be n ma a chɛ koe a.

1 TIMOTI 2:7

Chɛ ko a mu, a‑a n ya sɔ mɔɛ a, sakana bai chɛndɛ ɔ yian koe a. N ni mɔɛ n kan, Chu mɔ ma miin na, dan koe a Chisɔsi a, a basan tea sakana bai chɛndɛ a. N mbe ka tea an fɔ‑a, fania ma chɛ a.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

TAITƆSI 3:7

Yataa‑a chɛ ma, min mbe a ma, a ni mmɔ sɔ chia ma kuɔ fɔ fɔɛ ma sɔn koe a. Koe min na mu, a 'a koadia demanɛ ɔ, a‑a mmɔ ya mmɔ tandenɛ n na a tena.

GBOO IBU MƆƐ N KO A 10:38

A ɔ te to, “N 'na mɔɛ min mbe a kai fa‑a n na, n mbe an ya mɔ tandenɛ a, a sin fan mbe kuɔ fɔ fɔɛ ma sɔn. Chɛɛ ni min kɔ min‑na a kan kɔ sɔ n na, n bu ɔ ee dia‑a a mɔɛ chɛ a.”

GBOO IBU MƆƐ N KO A 3:14

Koe min na mu, mmɔ gbɛɛ, mmɔ bɛ Chasi a, mmɔ ɛ ko dɔndɔɛ an dɔ. Ɛ ma‑a ka wan, ni mmɔ‑a danaya saa chɛ bia gban, aan mmɔ 'a fɔɛ danka a.

GBOO IBU MƆƐ N KO A 3:6

Chɛɛ Chasi tana, Yataa 'a denɛ mu a a, a danayaen mu, a sin mbe Yataa 'a chenɛ an kun ma. A sin, mmɔ wan mu Yataa 'a chenɛ a, ni mmɔ‑a mmɔ faa sɔ, mmɔ ni dan a a, mmɔ yii a ni tɛ a ma.

GBOO IBU MƆƐ N KO A 4:14

A ka gbɛ an tima chɛ ma, tɛ mɔ wa, mɔ gbu n tɛ Yataa a, an mbe gbɛ mmɔ boo ɔ, min ta‑a banda bu ɔ. A mu Chisɔsi an na, Yataa 'a denɛ. Chɛ an fɛ mu, mmɔ ni mmɔ boo a chii, mmɔ kai fa koe ma a a.

GBOO IBU MƆƐ N KO A 6:19

Mmɔ yii sɔen mu an ma, tima ɔ tima, mbɛ an mbe mmɔ fɔɛ si. A ɛ wan yɔ dɛndɛ chii yuu, ɛ a ma buɛ min dɔ ɛ sɔ chidi, a gba ɔ. Yiinatɛ chɛ, an mbe ma mmɔ ɔ, mmɔ ɛ ma don‑da Yataa 'a chenɛ bu ɔ, banda bu ɔ, Yataa chen kɔɔ.

1 PITA 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. Koe min na mu, a chinchin‑da wan mmɔ ma a ɔ benden ba a. Chɛ‑a a ma wan, mmɔ‑a fɔɛ nama ma sɔn. Chisɔsi Chasi na‑a a kɔɔ sɔ wan a ka saya ɔ. Chɛ naen mu gbɛ yiinatɛ ɔ benden ba an na mmɔ tena.

1 PITA 1:5

Wo danɛ min chɛ‑a Chisɔsi Chasi a, an fɛ mu Yataa ɛ wo kun ma fɛn tena gbasaya ɔ, aan wo ni bauncha ma sɔn. Wo e an bauncha chɛ sin ma sɔn‑da tee dankama tee ma wan.

1 CHƆN 2:27

Chɛɛ wo tana, Chisɔsi ban‑da Yataa Nyina a yii‑a, ma koe a wo fɛ. Tima min na mu wɛ, Yataa Nyina ɛ wo fɛ, mɔ dɔ mende ma gbɔsɔ ee wɛ wo ma, wo kan koe a. Koe min na mu, Yataa Nyina chɛ, an mbe wo kan tena ko kan kɔ kan ma. A sin tea mu, fania kan kɔ kan ma. Chɛ an fɛ mu, wo wo boo a chii, ma koe a mɔ dɔndɔya chɛ ɔ Chisɔsi a, yɔ Yataa Nyina chɛ‑a wo kan min na.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”