Gboo Kɔdɔsai Ko A 1:12 - Yataa 'a Dɔbɛnɛ Nama

¹² Nn mbe Yataa wai bɔ tena tima ɔ tima, tɔnɔnɛ chɛ n bɛɛ ma sɔn koe a, a‑a miin be koe fɔ a ta mɔɛ n ma, miin mbe a 'a manɛ kɔɔ. A wan Yataa dɔndɔ gbe, an mbe a gbasaya be wo ma, an ma sɔn koe a.

Gboo Kɔdɔsai Ko A 1:12 ပူးပေါင်းရင်းမြစ်များ

MATIU 25:34

Mbɛ n fan mansa chɛ, n mbe a fɔ‑a wan mɔɛ chɛ n ye, n boo nyima ɔ, n dɔ, an ni na. N dɔ, Fa Yataa‑a an dua. N dɔ, an ni na, an ni Yataa 'a mansaya tɔnɔnɛ ma sɔn, min dɔ bɛn‑da suun an ko a, a ka dunya a dan tima ma.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 20:17

Mbɛ Chisɔsi ɔ, “Sɛmbɛ n bia koe a, a mu min na, n ma sɛ nin bɛ banda bu ɔ Fa tena. Chɛɛ ta n fɛ denɛ n tena, mbɛ i‑a a ɔ yian an na, mbɛ n mbe yɛ tena Fa tena, min mu wo wɛɛ fa a. A yɛ to, n 'na Yataa mu a a, wo wɛɛ 'a Yataa mu a a.”

CHƆN 4:23

Chɛɛ tima ɛ che‑a wan, a sin gbu che‑a gbɛ, tima min na, mɔɛ miin mbe Fa Yataa fai, a Nyina ni gbasaya be an ma a fai koe a. A Nyina chɛ, ɛ tea ɔ yian‑da wan to an na a si a wan Fa Yataa wandi ma. An mɔɛ chɛ n fan mbe Yataa fai tea chia a, a sin mbe an fan yan tena a fai koe a.

CHISƆSI 'A SƆ MƆƐ NU 20:32

“Sanche gbɛ, n mbe wo kai fa tena Yataa an na. Wo a a tun dan koe a sakana bai chɛ a, a si Yataa 'a koadia demanɛ chɛ ma wo tena. Ɛ kun fan, a ni a ma, wo 'a danaya n dɔ ni gbɛa. A yɛ to, ɛ kun fan, a ni dua chɛ be wo ma, min mbe Yataa boo ɔ, a 'a mɔɛ n gbɛɛ ko a.

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

GBOO DOMI KO A 11:17

A maen fan mu ka gbɛ yɔ an kɔn chɛ bonɛ dɔ n ka‑a a ma, mbɛ fia kɔnɛ dɔ gbɛɛ bonɛ ya a, mbɛ a chii‑a kɔnɛ bonɛ chɛ gba ɔ. Fia kɔn chɛ ɛ ka gbɛ kana‑a kɔn chɛ a tifa an dɔ. Wo wan mɔɛ chɛ nu, wo wɛn ma Chu mɔ a, wo e ka wan. Wo e ka gbɛ kana‑a mɔɛ chɛ n na tifa an dɔ Yataa tena, mɔɛ chɛ nu, miin mu Chu mɔɛ n na.

GBOO DOMI KO A 15:27

An fandi gbu an si‑a, an‑na an yii na chii chɛ ma koe a. Chɛɛ tea gbu ko a, a gbu dinden fan mu an ma a ma koe a ka. Koe min na mu, Yataa‑a dua min chɛ Chu mɔɛ n na, an na‑a a du wan, an‑na mɔɛ chɛ n kɔ miin nii ma Chu mɔ a. Chɛ an fɛ mu, ni Yataa‑a boo fenɛ be an bɛɛ ma, an mbe Chu mɔɛ n bɛɛ kɔ wan.

GBOO DOMI KO A 8:17

Mmɔ mu ka buɛ min dɔ a 'a denɛ n na, a‑a dua miin sa tena ɔ bɛn a 'a mɔɛ n ko a, mmɔ wan ta ɛ ma an na. A na‑a min sa tena ɔ bɛn Chasi wɛɛ ko a, ɛ ma‑a wan to mmɔ ta a. Mmɔ na‑a Chasi 'a tɔɔya ɔ bia wan, mmɔ ɛ a 'a basɔmaya wɛɛ dɔ sɔn‑da wan ya ɔ ma.

GBOO DOMI KO A 9:23

Mbɛ a sin to, a toen ni a ni a ɔ yian, mbɛ a 'a basɔmaya danka ee. Yataa na‑a mɔɛ miin ya a 'a chinchimaya sɔn koe a, a na‑a a yian fan an na.

GBOO SAA KƆYINDI KO A 8:6

Chɛɛ chɛ gbɛɛ ɔ, Yataa ɛ dɔndɔ gbe mmɔ ko a. An mu mmɔ Fa a, min‑na fen kɔ fen na dan dunya ɔ. An 'na fɔɛ ɛ mmɔ sun da a. Mmɔ 'a Mansa wɛɛ, ɛ dɔndɔ gbe, min mu Chisɔsi Chasi a. Yataa 'a gbasaya ben‑da an dɔ, fen fen na dan koe a dunya chɛ ɔ. A sin fan‑na a ma, mmɔ ɛ fɔɛ chɛ ɔ, mmɔ ɛ ka min na fɛ‑a.

GBOO SAA KƆYINDI KO A 9:23

N mbe chɛ gbɛɛ ma, min mbe a ma, sakana bai chɛndɛ chɛ ni fasan a ɔ kan kɔ kan. A ni a ma, mmɔ ni dua chɛ ma sɔn, bai chɛ ɛ na min na.

GBOO FEAN BƆƐ KƆYINDI KO A 11:14

Chɛɛ tɛnɛ ko ma chɛ nɛnɛ a. Sitana wandi gbu wɛɛ, ɛ kun fan, a ni a wandi ma yɔ maeka, min mbe man taun Yataa 'a manɛ a.

GBOO FEAN BƆƐ KƆYINDI KO A 5:5

Yataa wandi gbu, an‑na a ma, mmɔ ma bɛndenɛ mu koe chɛ a. A sin to, a wan‑na a Nyina be mmɔ ma, a ɔ yian koe a mmɔ a, mbɛ ɛ fen chɛ n gbɛɛ be‑a wan mmɔ ma, miin mbe sa ɔ a boo ɔ mmɔ ko a.

Gboo Ɛfisɔsi Ko A 1:11

Nn ma min chɛ‑a mɔ dɔndɔɛ a, nn bɛ Chasi a, an fɛ mu Yataa‑a a boo sɔ nn ma gbɔɔ, min mbe a ma, nn ni ma tenchen a ko a. Koe min na mu, a toen ni chɛ an ni ma, a sin‑na chɛ an dɔ bɛn. A sin, kan kɔ kan, ɛ a ma wan, yɔ a‑a a ɔ bɛn buɛ min dɔ.

Gboo Ɛfisɔsi Ko A 1:18

N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.

Gboo Ɛfisɔsi Ko A 2:18

Chasi an‑na a ma, Chu mɔɛ nu, ni miin ma Chu mɔ a, mmɔ bɛ, mmɔ ɛ si mmɔ Fa Yataa chen kɔɔ. Mmɔ‑a chia chɛ ma sɔn Yataa Nyina 'a gbasaya an dɔ.

Gboo Ɛfisɔsi Ko A 3:6

Yataa‑a dɔbɛn chɛ an yian an na. Mbɛ Chisianɛ miin ma Chu mɔ a, an mbe an ta ma sɔn‑da wan dua gbɛɛ ɔ, Yataa ɛ min be. Ɛ ma‑a wan dechee yɔ Chisianɛ nu, miin mu Chu mɔɛ n na, an mbe a ma sɔn‑da buɛ min dɔ. Mɔɛ miin ma Chu mɔ a, an ma‑a mɔ dɔndɔɛ a, an bɛ Chu mɔɛ n na. Yataa‑a a 'a mɔɛ n too ɔ dia min na, mɔɛ miin ma Chu mɔ a, an bɛɛ an mbe a ma sɔn‑da wan. Koe min na mu, an mu mɔ dɔndɔɛ an na Chisɔsi Chasi a. Yataa 'a sakana bai chɛndɛ‑a a fɔ ka wan.

Gboo Ɛfisɔsi Ko A 4:6

A sin, mmɔ gbɛɛ, mmɔ Fa, Yataa ɛ dɔndɔ gbe. A sin, a wan 'na gbasaya ɛ mmɔ gbɛɛ kun ma, a yɛ to, a wan mbe wai chɛ mmɔ ɔ, mbɛ a ma‑a mmɔ gbɛɛ fɛ.

Gboo Ɛfisɔsi Ko A 5:11

Wo ma wo boo chɛ ko ɔ pimbienɛ ɔ, miin mbe ee den chɛndɛ suun. Chɛɛ an ko bonda chɛ nu, wo a ma mɔɛ n ni a ɔ sɔn, mbɛ an ma nyin.

Gboo Ɛfisɔsi Ko A 5:20

Tima ɔ tima ko a, mmɔ Yataa wai bɔ, mmɔ Fa. Mmɔ a wai bɔ fen kɔ fen ko a. Mmɔ chɛ ma, Mansa Chisɔsi Chasi tɔɛ ɔ.

Gboo Ɛfisɔsi Ko A 5:4

Wo ma maumaya ko ma, wo gbu sin ma kun dɔ ban bai sa. A yɛ to, wo ma damba dambaya koe ma. Koe chɛ n dɔndɔ wɛɛ, a ma ma bɛn ni an ma koe a. Chɛɛ wo e min ma, tima ɔ tima ko a, wo Yataa wai bɔ.

Gboo Ɛfisɔsi Ko A 5:8

Koe min na mu, wo ni wan tee pimbi ɔ, chɛɛ sanche gbɛ wo e wan manɛ kɔɔ. Koe min na mu, wo ma‑a mɔ dɔndɔɛ a Mansa Chisɔsi a. A nyin wo tachɛ buɛ ni bɔ mɔɛ n na, miin mbe manɛ kɔɔ.

Gboo Kɔdɔsai Ko A 2:2

N‑na chɛ ma, min mbe a ma, wo wan, ni an fan, wo gbɛɛ ni wo faa gbɛa, mbɛ wo ko a dia‑a wo nyɔn ye, wo ni ma kuiɛ dɔndɔya ɔ. Chɛ ɛ a ma‑a wan, yiinatɛ chenama ni ma wo ɔ, koe ɔ gbɛ koe a chɛndɛ, ɛ na min na. An chia chɛ a mu, wo e Chasi wakoe ɔ gbɛ, min mu Yataa 'a koe ɔ nundenɛ a tee.

Gboo Kɔdɔsai Ko A 3:15

Chasi ɛ faachima min be, a ni ma wo faa ɔ wo nyɔn ko a. Koe min na mu, Yataa‑a wo chee kaina dɔndɔɛ faachima chɛ an ko a, yɔ mɔ gbu sɔna n mbe buɛ min dɔ an nyɔn boo ɔ. A sin nyin wo ni Yataa wai bɔ tima ɔ tima.

Gboo Kɔdɔsai Ko A 3:17

A sin, ni wo ma‑a ko ɔ ko ma‑a, wo da ɔ, ni wo chɛ chɛ wai n dɔ, wo an ma Mansa Chisɔsi tɔɛ ɔ. Ni wo ma‑a chɛ gbɛɛ ma‑a, wo Fa Yataa wai bɔ, Mansa Chisɔsi 'a gbasaya ɔ.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 12:23

Wo na‑a gbɛ Yataa 'a mɔɛ n 'na chɔchi ɔ, a 'a denɛ saa nu. A sin, an tɔɛ nyɛndenɛ mu banda bu ɔ gboo ɔ. Wo na‑a gbɛ Yataa tena, min mbe mɔ gbu gbɛɛ gbɛmbo‑a. Wo na‑a gbɛ fuɛ n tena, mɔɛ chɛ nu, Yataa na‑a miin ya mɔ tandenɛ n na, a chen kɔɔ, an fuɛ nu. A yɛ to, a‑a an ma yɔ a toen mu an ni ma buɛ min dɔ, banda bu ɔ.

GBOO IBU MƆƐ N KO A 3:1

Chɛ an fɛ mu, nn suun ma nyɔɛ nu Chasi ɔ, wo wɛn mbe tenchen Yataa ko a, a sin na‑a wo wɛɛ chee wan, wo wo yii na chii wɛ Chisɔsi chɛ a. Mmɔ ɛ a fɔ wan, mbɛ Yataa 'a sɔ mɔɛ mu a a, a sin, tɛ mɔ wa mu a a, mɔ gbu n tɛ Yataa a.

GBOO IBU MƆƐ N KO A 3:14

Koe min na mu, mmɔ gbɛɛ, mmɔ bɛ Chasi a, mmɔ ɛ ko dɔndɔɛ an dɔ. Ɛ ma‑a ka wan, ni mmɔ‑a danaya saa chɛ bia gban, aan mmɔ 'a fɔɛ danka a.

CHIMISI 3:9

Tima dɔ n na, mmɔ ɛ mmɔ Fa Yataa Mansa tando wan, mmɔ nɛnɛnɛ a. Dɔ n na, mmɔ ɛ bai yama n sa mɔɛ n ma. Mɔɛ chɛ n sin, an nyanden mu Yataa miinɛ an dɔ.

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.

KO Ɔ NUNDENƐ 21:23

A sin, tee ma gbɔsɔ nii an duu chɛ ma, kau ma gbɔsɔɛ wɛɛ nii a ma. Koe min na mu, Yataa 'a manɛ ɛ wan a ɔ, a yɛ to, sa tɔngbɔɛ wɛɛ ɛ manɛ be wan a ma, yɔ dambo ɛ manɛ be buɛ min dɔ.

KO Ɔ NUNDENƐ 22:14

Mɔɛ chɛ n duaen mu, miin mbe an 'na koa ko‑a, min mbe a ma, an ni don duu wa chɛ ɔ, fɛnsi chɛ da chɛ n na, mbɛ an‑na kɔn chɛ gbɔɛ daun, kɔn chɛ min mbe fɔɛ be ka.

KO Ɔ NUNDENƐ 22:5

A sin to, pimbi ee ma‑a nɔ kuɔ fɔ, dambo manɛ ma gbɔsɔ ee ma‑a an ma, chɛ ma, tee ma gbɔsɔɛ ni ma an ma. Koe min na mu, Yataa Mansa an mbe ma‑a an 'na manɛ a, an sin mbe ma‑a wan mansa n na, kuɔ fɔ ko a.