Gboo Kɔdɔsai Ko A 1:10 - Yataa 'a Dɔbɛnɛ Nama

¹⁰ Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.

Gboo Kɔdɔsai Ko A 1:10 ပူးပေါင်းရင်းမြစ်များ

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHƆN 15:8

Wo e ko chɛndɛ min ma‑a, ni an da a koa‑a, wo e ma‑a ka a ɔ yian fan na, mbɛ n fɛ denɛ mu wo a. An ko chɛndɛ chɛ n sin mbe a ɔ yian‑da wan to mɔɛ n na, Fa kamayaen mu buɛ min dɔ.

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

GBOO DOMI KO A 1:13

N suun ma nyɔɛ nu Chasi ɔ, n toen mu wo ni a ɔ sɔn, mbɛ tima sɛsɛ ko a, mbɛ ɛ ma wan n yii ma tima ɔ tima, n ni na wo kɔndɔn. Chɛɛ koe an‑na a ma, n ma che nin bɛ na‑a wo tena. N toen mu n ni na, min mbe a ma, n ni mɔɛ n ma sɔn wo tɛ ɔ, Domi duu ɔ, miin mbe an kai fa‑a Chisɔsi a. N‑na a ma ka wan kaina sɛsɛ nu mɔɛ n tɛ ɔ, miin ma Chu mɔɛ n na.

GBOO DOMI KO A 4:12

Ebeami sin fan mu mɔɛ chɛ n bɛɛ gbu fa a, mɔɛ miin na kaminchaen mu ka. Chɛ ma si ni an na kamincha koe chɛ an ma, chɛɛ a sien mu an tachɛ buɛ dɔndɔɛ an ma, an kai fa koe Yataa a. Mmɔ fa Ebeami a e na to kamincha‑a, a tachɛ buɛ ni ka wan gbɛ Yataa a.

GBOO DOMI KO A 6:4

Yii chɛ min chɛ‑a ka mmɔ kunɛ ɔ Yataa chia a, a‑a a ɔ yian fan ka, mbɛ mmɔ bɛ fa‑a, a yɛ to, mmɔ bɛ tɔn‑da Chisɔsi a. Chɛ an mbe a ma, yɔ Yataa 'a kamaya gbasaya na‑a Chasi kɔɔ sɔ buɛ min dɔ, a ka saya ɔ, mmɔ wɛɛ ni ma fɔɛ nama ɔ, a chia dɔndɔ gbe chɛ a.

GBOO FEAN BƆƐ KƆYINDI KO A 2:14

Chɛɛ n mbe Yataa wai bɔ tena. Nn ma‑a mɔ dɔndɔɛ a, Chisɔsi Chasi a. An mbe a ma tena tima ɔ tima ko a, nn mbe kun Sitana ma. A sin, Yataa ɛ a ma wan, nn mbe sakana bai chɛ ɔ yian kan kɔ kan, a si Chasi ma, yɔ fen kunyɛ a diama ɛ ta buɛ min dɔ.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

GBOO FEAN BƆƐ KƆYINDI KO A 5:9

Chɛɛ chɛ gbɛɛ ɔ, mmɔ ni ma nɛ wan, mmɔ ni ma pan fan, mmɔ toen mu, mmɔ ni a faa chima koe n ma. An mu mmɔ faa ma koe chenama a, a ben ko ɔ ko ma.

GBOO FEAN BƆƐ KƆYINDI KO A 9:8

A sin, Yataa kundenɛ mu, a ni mɔɛ kɔ boo fen chɛndɛ a, a ɔ benden ba a. Chɛ ni a ma, a mɔɛ chɛ toen mu fenɛ min na tima ɔ tima ko a, a ni ma a boo ɔ. A sin gbu, fenɛ ɛ ma‑a wan a boo ɔ, ko kan kɔ kan ma koe a, min nyin a ma koe a.

Gboo Ɛfisɔsi Ko A 1:17

N dɔ, mmɔ 'a mansa Chisɔsi Chasi 'a Yataa a, mmɔ fa min kamayaen mu, a ni a Nyina a yii ma koe a wo fɛ. An Nyina chɛ ni a ma, wo ni yiimatɛ wa ma sɔn, koe n dɔ gbɛ koe a chɛndɛ chɛ. A yɛ to, koe miin dɔ nundenɛ ɛ, a si a ma, wo ni an dɔ gbɛ.

Gboo Ɛfisɔsi Ko A 2:10

Koe min na mu, Yataa boo gba mu mmɔ a. A‑a mmɔ a dan, koe min na mu, mɔ dɔndɔɛ mu mmɔ a, mmɔ bɛ Chisɔsi a, mmɔ chɛ chɛ wai chɛndɛ ko a. Mmɔ chɛ chɛ wai chɛ nu, Yataa‑a miin to mmɔ ya ɔ, mmɔ ni tachɛ an chia chɛ n na.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Ɛfisɔsi Ko A 4:13

Chɛ an mbe ma‑a, aan mmɔ gbɛɛ ni Yataa 'a denɛ wakoe ɔ gbɛ, mbɛ mmɔ‑a mmɔ kai fa a a, mmɔ ma‑a mɔ dɔndɔɛ a. Mbɛ mmɔ 'a mɔgbuya da fa‑a, a ni che Chasi wandi gbu ta ɔ, a da faenɛ ɛ gban.

Gboo Ɛfisɔsi Ko A 5:10

Wo sin, wo a ma wo ma gbɔsɔɛ a, wo ni koe n sɔn, miin mbe Mansa Chisɔsi faa chima.

Gboo Ɛfisɔsi Ko A 5:15

Chɛ an fɛ mu, wo wo tachɛ buɛ ma mɛn. Wo ma koe ma, yɔ mɔɛ miin kunɛ ee nɔ, chɛɛ wo a ma, yɔ mɔɛ miin 'na yiimatɛ da a koo.

Gboo Ɛfisɔsi Ko A 5:2

Koadia faa ni ma wo ɔ, yɔ Chasi to‑a buɛ min dɔ mmɔ a. A sin, a‑a a wandi fɔɛ be wan mmɔ ko a, a ma‑a yɔ yasi, min mbe Yataa faa chima.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 1:27

Koe chenama mu gbɛ min na sanche, an nɛ. Wo koe n ma, wo 'a fɔɛ ɔ, yɔ mɔɛ nu miin dan‑da sakana bai chɛndɛ chɛ a, a si Chasi ma. Chɛ an mbe a ma‑a, n ni na wo tena, n ma na wɛɛ wo tena, n mbe wo ma tɔ chɛndɛ a min‑da wan. Mbɛ wo e sɔ ɔ gban, wo yiima a kandenɛ ɛ, wo kuiɛ a kandenɛ ɛ. A sin, wo e wan wo boo si‑a wo nyɔn kɔɔ wo sɔɛ gbɛɛ a, danaya chɛ ko a, min mbe bɔ sakana bai chɛndɛ chɛ ɔ.

Gboo Fiipai Ko A 4:18

N‑na fen kɔ fen ma sɔn fan, wo‑a miin na na n ye. A sin, n yii nii min dɔ, n‑na an gbu ma sɔn. N mbe wo wai bɔ tena, wo 'a samba fen chɛ n ko a, n‑na miin ma sɔn, a ka Ɛpafɔditɔsi a. A‑a a bɔ n ko a, chɛndɛ chɛ. An samba fen chɛ, ɛ wan dechee yɔ yasi, min kunyɛ a di, a sin, a ko a di Yataa ye, a sin, Yataa toen fan mu a a.

Gboo Kɔdɔsai Ko A 2:19

An mbe ee Chasi bia‑a an boo fea a, a wɛn mu mmɔ kun ti a. Chasi an mbe na a 'a mɔɛ n gbɛɛ a kaina dɔndɔɛ. Ɛ wan dechee yɔ mɔ gbu gboo, ni a sɔna nu, an gbɛɛ‑a tun tunden mu buɛ min dɔ. Fasa mɛsɛ chɛ nu, miin mbe an dɔ, an tɛ ma tɛ ni, a sin an mbe wai chɛ kuiɛ dɔndɔya an dɔ. An mbe koa wan, yɔ Yataa toen mu an ni koa buɛ min dɔ.

Gboo Kɔdɔsai Ko A 2:6

Chɛ an fɛ mu, wo‑a Chisɔsi Chasi ma sɔn ka buɛ min dɔ, wo kun ka mansa a, wo ma‑a ka buɛ min dɔ mɔ dɔndɔɛ a, wo tachɛ buɛ ma ka a ta fɛ.

Gboo Kɔdɔsai Ko A 3:20

Wo wan denɛ nu, wo kooya be wo woo mɔɛ n ma, chia ɔ chia a. Koe min na mu, chɛ an mu Mansa Chisɔsi faa ma koe a.

Gboo Kɔdɔsai Ko A 4:5

Mɔɛ chɛ nu, miin nii ma an kai fa ni Chisɔsi a, ni wo‑a chia ɔ chia ma sɔn, Chasi wakoe ɔ yian koe a an na, wo wo sɔɛ gbɛɛ chɛ a ɔ.

Gboo Saa Tɛsadonika Ko A 2:12

Nn‑na wo nande wan, nn‑na wo bu ɔ dia. Nn‑na a ma din fan wo tena, mbɛ wo ni ma fɔɛ ɔ, min na di Yataa ye. A wan mbe wo chee tena, ma koe a a 'a mansaya kɔɔ, manɛ ɔ.

Gboo Saa Tɛsadonika Ko A 4:1

A danka a gbɛ, nn suun ma nyɔɛ nu Chasi ɔ, wo‑a a kan fan nn ma, wo e ma fɔɛ min sima ɔ, min mbe Yataa faa chima. Wo sin, tea ko a, wo e tachɛ tena ka wan fɔɛ ɔ. Sanche gbɛ sin, a dinden fan mu wo ma, mbɛ wo ma yɛ to kuu kɔ. Mmɔ ma‑a mɔ dɔndɔɛ a, mmɔ bɛ Mansa Chisɔsi a. An fɛ mu, nn mbe wo faa ma nande tena, wo ni a a tun tachɛ koe a chɛndɛ chɛ.

2 TIMOTI 2:4

Mɔ ɔ mɔ min mbe soya ɔ, a ma bɛnden mu tima ɔ tima don koe an na ya ɔ sɔɛ da a kuiɛ kɔɔ. A ee a boo chɛ koe n dɔ, mɔ gbama n mbe miin ma.

TAITƆSI 3:1

A fɔ to an ye an ni don mansa n kɔɔ, a basan ya ɔ sɔɛ n na, an ni kooya be an ma, an ni an ma bɛn ko chɛndɛ ma koe a chia ɔ chia a.

TAITƆSI 3:14

A yɛ to, mmɔ 'a mɔɛ n ni an mayan ko chɛndɛ ma bia koe a an boo fea a, min mbe a ma, an ni che an fandi deman‑da ko gbɛa tima a, an ma na ma tataya tɔɛ n na.

GBOO IBU MƆƐ N KO A 11:5

Ɛnoku na‑a a kai fa wan Yataa a, an na‑a a ma, a ma fa ni. Chɛɛ min na‑a ma, a gbafun‑da wan, a sɛ Yataa tena, mɔ ɔ mɔ nii ma a yen ni. Koe min na mu, Yataa wandi an na‑a a ya, a sɛ‑a a a. Yataa 'a gboo ɔ te, mbɛ Ɛnoku e na gbafun, a sɛ banda bu ɔ, a na‑a Yataa faa chima wan.

GBOO IBU MƆƐ N KO A 13:16

Wo ma nyina ko chɛndɛ ma koe a, a basan wo nyɔn deman koe a. Koe min na mu, koe n fan nɛ miin mu yasi a, Yataa faa chima koe a.

GBOO IBU MƆƐ N KO A 13:21

a ni basan wo ma chia ɔ chia a, wo toen mu min na, a faa ma koe ma koe a. A sin ni a ma, Chisɔsi Chasi 'a gbasaya ɔ, mmɔ ni ko ɔ ko ma, min mbe a faa chima. A sin, tando ni ma Chasi tɔɛ ma, kuɔ fɔ ni kuɔ fɔ ko a. A ni ma ka.

2 PITA 1:8

Ni sɔn chɛ n ma‑a wo ɔ chɛndɛ chɛ, a ɔ benden ba a, wo e mmɔ 'a mansa Chisɔsi Chasi sɔn‑da wan chɛndɛ chɛ. Chɛ sin mbe na‑a ma‑a ko chɛndɛ an na wo 'a fɔɛ ɔ.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.

1 CHƆN 3:22

A sin, mmɔ ɛ fen kɔ fen sɔn‑da wan, mmɔ ɛ min dɔ tisa‑a a ma. Koe min na mu, mmɔ ɛ a da a kuiɛ ma, a sin, mmɔ ɛ a faa ma koe ma.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

3 CHƆN 1:6

Koadia min nyɔn sima e a yian tena an na, a a benden fan mu gbɛ chɔchi tena nɛ. An mbe ka tachɛ min dɔ, ɛ nyan‑da wan, i ni an na ben masaa chɛndɛ a, min mbe Yataa faa chima.