CHUDA 1:23 - Yataa 'a Dɔbɛnɛ Nama

²³ Dɔ n bɛɛ baun, i ni an sogban, a bɔ ta ɔ. Chinchimaya, a basan sika a, a ni ma wo ɔ dɔ n sin ko a. Chɛɛ tima ya, an 'na ko yama maenɛ ma na sin i ma.

CHUDA 1:23 ပူးပေါင်းရင်းမြစ်များ

GBOO DOMI KO A 11:14

Kɔkɔɛ chɛ ɛ che‑a wan a ma‑a, n ta mɔɛ nu, miin mu Chu n na, n ni a ma toomaya ni chɛ an faa ɔ. Chɛ ɛ a ma‑a wan, an dɔ n ni bauncha ma sɔn.

GBOO SAA KƆYINDI KO A 15:33

Wo ma a ma mɔɛ n ni wo woo. An mbe a fɔ wan to, an dɔ, “Mmɔ dia nyɔɛ yama nu, an mbe a ma wan, mmɔ wɛɛ sɔnɛ ni yaua.”

GBOO SAA KƆYINDI KO A 3:15

Chɛɛ ni a minda‑a, ɛ fo‑a wan fen kɔ fen na. A wandi kunɛ ɛ bɔ‑a wan a ɔ, yɔ mɔɛ min ma chɛ chɛ‑a ta manɛ boo ɔ.

GBOO FEAN BƆƐ KƆYINDI KO A 5:11

Nn‑na a ɔ sɔn fan, Mansa Yataa ma chianɛ mu koe min na. Chɛ an fɛ mu, nn mbe butuin chɛ mɔ dɔ mende yiima mun koe a chɛndɛ, a si a ma. Yataa‑a nn sɔn fan chɛndɛ chɛ. A sin, n yii na tɛen fan mu, wo ta yiinachii gbu wɛɛ ɔ, wo‑a n sɔn fan.

GBOO FEAN BƆƐ TƐSADONIKA KO A 3:14

Mɔɛ ɛ ma‑a wan kɔɛ nɔ, min ban‑da koe chɛ n ma koe a, nn‑na koe miin nyɛn gboo chɛ ɔ wo tena. Ni ɛ ka wan, wo wo ya gba sa an mɔɛ chɛ ma. Wo sin gbu ma gbɛn a ma, min mbe a ma, a ni mau a wandi ma.

1 TIMOTI 4:16

Tima ya i ben buɛ a fɔɛ ɔ, a basan i‑a kan chɛ buɛ a. A ma yɔ n‑na a fɔ buɛ min dɔ i ye, min mbe a ma, i ni bauncha ma sɔn, wo bɛ i kuiɛ a min mɔɛ n na.

2 CHƆN 1:11

Koe min na mu, mɔ ɔ mɔ i wɛn mbe i ya kɔɔɛ yian‑da a a, ɛ wan yɔ e ka i boo chɛ‑a a 'a ko yama ma an dɔ.

CHUDA 1:22

Mɔɛ dɔ nu, sika ɛ miin dɔ, wo an deman.

KO Ɔ NUNDENƐ 3:18

Chɛ an fɛ mu, n mbe wo a si tena, wo ni sanu chɛndɛ chɛndɛ san n ma, min mbe a ma, wo ni nyan. A yɛ to, wo ni koa gbɛ wɛɛ san n ma, a ma koe a doma a, wo ma senɛ min mbe, a mau chɛ ni nun. Wo ni bui wɛɛ san to n ma, a chɛ koe a wo ya a ma, wo ni kaina yen.

KO Ɔ NUNDENƐ 3:4

Chɛɛ chɛ gbɛɛ ɔ, wo dɔ n mbe wan nɔ Sadisi duu chɛ ɔ, wo wɛn tachɛ buɛ nyin Yataa tena. Wo mɔɛ chɛ nu, mmɔ bɛ, mmɔ ɛ doma gbɛ don‑da wan, mmɔ ni tachɛ chɛ. Chɛ ɛ ma‑a wan, koe min na mu, chɛ bɛnden fan mu an ma.