CHƆN 9:5 - Yataa 'a Dɔbɛnɛ Nama

⁵ N mbe tima min na dunya chɛ ɔ, n fan mu manɛ a dunya ko a.”

CHƆN 9:5 ပူးပေါင်းရင်းမြစ်များ

MATIU 4:16

Mɔɛ nu nɔ, pimbi pimbi ɔ, an‑na Yataa 'a bauncha manɛ yen gbɛ. Chɛ nu, saya pimbi ɔ, an‑na manɛ yen.”

MATIU 5:14

“Wo maen fan mu yɔ sanku manɛ, mɔ gbu gbɛɛ ko a dunya chɛ ɔ. Duu wa min mbe sɔ ɔ kɔnkɔ a yansama kun tɛ, a ee che nun‑da.

DUKU 2:32

Manɛ mu a a, mɔɛ n gbɛɛ tena, miin ma i sɔn tee, an ni i sɔn. Ɛ a ma‑a wan, basɔmaya wa ni ma i 'a mɔɛ n ma, nn fan Isɔɛɛ mɔɛ nu.”

CHƆN 12:46

N na‑a dunya chɛ ɔ, a ma koe a, mɔɛ n ni manɛ ma sɔn. Chɛ ɛ a ma‑a wan, mɔ ɔ mɔ min mbe a kai fa‑a n na, a ee ma‑a kaina ɔ pimbienɛ ɔ.

CHƆN 8:12

Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”

CHISƆSI 'A SƆ MƆƐ NU 13:47

Koe min na mu, Mansa Yataa‑a a fɔ ka wan nn ye, a ma koe a. A‑a a fɔ wan a 'a gboo ɔ, a ɔ, ‘N‑na wo ma manɛ a, chɛ n ko a, miin ma Chu mɔ a. Chɛ ni a ma, wo ni na bauncha a dunya tɔnkɔnɛ gbɛɛ ɔ.’ ”

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

CHISƆSI 'A SƆ MƆƐ NU 26:23

mbɛ mmɔ kun ka mansa ɛ mɔnɛ ɔ bia wan. A yɛ to, a wan mbe ma‑a mɔɛ saa saa a, min mbe a kɔɔ sɔ‑a, a ka saya ɔ. A sin, a wan mbe manɛ yian‑da Chu mɔɛ n na, an bɛ chɛ n na, miin ma Chu mɔ a.”

Gboo Ɛfisɔsi Ko A 5:14

A sin gbu, fen kɔ fen min mbe yen‑da gbadan, an mu manɛ a. Chɛ an fɛ mu, Yataa 'a gboo‑a a fɔ, a ɔ, “Wo wo kɔɔ sɔ, wo wɛn mbe sa ɔ chinɔɛ ɔ, mbɛ wo‑a wo kɔɔ sɔ a ka saya ɔ, a sin, Chasi ɛ a 'a manɛ be‑a wo ma.”

KO Ɔ NUNDENƐ 21:23

A sin, tee ma gbɔsɔ nii an duu chɛ ma, kau ma gbɔsɔɛ wɛɛ nii a ma. Koe min na mu, Yataa 'a manɛ ɛ wan a ɔ, a yɛ to, sa tɔngbɔɛ wɛɛ ɛ manɛ be wan a ma, yɔ dambo ɛ manɛ be buɛ min dɔ.